ꓟꓬ‐ꓟ ꓗꓴꓷꓼ ꓗꓪ 4 ꓦ ꓟ 14 ꓠꓬꓲ ꓗꓪ ꓐꓰ ꓟꓲ ꓞ ꓮ ꓟꓬ, ꓞ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓤ ꓟꓳ ꓠ, ꓟ ꓐꓯ ꓔ (Local Myanma News)

ꓟꓬ‐ꓟ ꓗꓴꓷꓼ ꓗꓪ 4 ꓦ ꓟ 14 ꓠꓬꓲ ꓗꓪ ꓐꓰ ꓟꓲ ꓞ ꓮ ꓟꓬ, ꓞ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓤ ꓟꓳ ꓠ, ꓟ ꓐꓯ ꓔ

4 ꓦ ꓟ 14 ꓠꓬꓲ 2024 ꓘꓳꓼ ꓗꓪ ꓐꓰ ꓟꓬ‐ꓟ ꓗꓴꓷꓼ ꓕꓲ ꓗꓴꓷꓼ ꓡꓱ ꓗꓪ ꓟꓲ ꓞ ꓮ ꓟꓬ, ꓞ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓯ ꓮ ꓘꓶ. ꓤ ꓟꓳ ꓢꓲ ꓠꓬꓲ ꓔꓬ ꓠ, ꓟ ꓟꓵꓽ ꓘꓳꓼ ꓔꓯ ꓟꓳ ꓢꓷ. ꓠꓲ, ꓙꓳˍ ꓢꓴ ꓐꓴ ꓡꓰ ꓐꓯ ꓔ ꓡꓳ ꓐꓯ ꓔ ꓟ ꓥ ꓡꓳ꓿ ꓕꓱ ꓕꓲ ꓫꓵꓽ ꓠꓽ ꓘꓴꓽ ꓗꓪ ꓠꓬ ꓟꓬ‐ꓟ ꓗꓴꓷꓼ ꓕꓲ ꓡꓱ ꓡꓳ ꓒꓱ ꓓꓽ ꓼꓮꓼ ꓼꓟꓬ, ꓗꓪ ꓟꓲ ꓞ ꓮ ꓟꓬ, ꓞ ꓡ ꓓꓴ ꓙꓳˍ ꓟ ꓥ ꓡꓳ꓿

ꓕꓱ ꓟ ꓠꓬ ꓗ‐ꓛꓲ ꓗꓴꓷꓼ ꓫꓴꓻ ꓟꓲ‐ꓓꓲ‐ꓡꓲ꓾ ꓬꓮꓥꓖꓳꓠ ꓡꓳ ꓒꓱ ꓐꓰ ꓠꓱ. ꓐꓯꓼ ꓡꓳ ꓒꓱ ꓮ ꓟꓬ, ꓥ ꓡꓳ꓿ꓮ ꓟꓶ ꓟ ꓙꓵ, ꓗꓪ ꓟꓬ‐ꓟ ꓗꓴꓷꓼ ꓗꓪ ꓟꓲ ꓞ ꓮ ꓟꓬ, ꓞ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫꓵꓻ ꓡꓰ ꓢꓴ ꓐꓴ ꓔꓬ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ ꓞ ꓞ ꓟ ꓑꓶ ꓓꓴ ꓑ ꓫꓬ ꓐꓴ ꓠꓻ ꓓꓴ ꓒꓬ ꓓꓴ ꓐꓰ ꓫꓵꓻ ꓠ, ꓗꓪ ꓛꓲ ꓠꓻ ꓓꓴ ꓙꓳˍ ꓡ ꓗꓴ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓕꓯ ꓚꓲ. ꓛꓬ ꓦꓲꓻ ꓗꓪ ꓔꓬ ꓠ, ꓟ ꓟꓬ‐ꓟ ꓗꓴꓷꓼ ꓟꓵꓽ ꓘꓳꓼ ꓔꓯ ꓟꓳ ꓢꓷ. ꓠꓲ, ꓙꓳˍ ꓢꓴ ꓐꓴ ꓡꓰ ꓐꓯ ꓔ ꓡꓳ ꓐꓰ (ꓟꓬꓮꓠꓟꓮꓣ ꓑꓡꓮꓔꓝꓳꓣꓟ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿