ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓫꓵꓽ ꓜꓴ ꓜꓲꓼ ꓓꓽ ꓟ ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓫꓵꓽ ꓜꓴ ꓜꓲꓼ ꓓꓽ ꓟ ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ   ꓟ ꓓꓳꓽ

5 ꓦ ꓟ 3 ꓠꓬꓲ 2022 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓜꓴ ꓜꓲꓼ ꓓꓽ ꓟ ꓖꓪ ꓙꓱ ꓜꓲꓼ ꓓꓴ ꓔꓯ ꓑꓲ‐ꓳ‐ꓡꓪꓲꓠꓽ  ꓡꓳ ꓒꓱ ꓗꓪ ꓬꓰ ꓗꓷꓳ꓾ ꓐꓰ ꓢꓷ. ꓪ ꓡꓳ꓿ ꓕꓱ ꓖꓪ ꓙꓱ ꓜꓲꓼ ꓓꓴ ꓔꓯ ꓠꓬꓲꓽ ꓠꓬꓲ ꓬꓰ ꓗꓷꓳ꓾ ꓐꓰ ꓐꓯ ꓖꓶ ꓔ ꓡꓳ꓿ ꓟꓬꓱꓽ ꓬꓰ ꓗꓳ‐ꓟꓲ‐ꓔꓲ ꓬꓲ. ꓫꓵꓼ ꓢꓲꓺ ꓓꓴ ꓔꓯ ꓠꓬ ꓟꓽ ꓬꓰ ꓢꓰꓼ ꓠ, ꓟ ꓖꓪ ꓙꓱ ꓗꓷꓳ꓿

ꓖꓪ ꓙꓱ ꓜꓲꓼ ꓓꓴ ꓗꓪ ꓞꓳ ꓪꓴꓽ 30 ꓟꓽ ꓛꓲꓺ ꓡ ꓗꓷꓳ꓿ ꓞꓳ ꓪꓴꓽ ꓐꓴ ꓠꓬ ꓗ‐ꓛꓲ ꓟꓵꓽ꓾ ꓐꓶ‐ꓬꓲ ꓟꓵꓽ꓾ ꓟ‐ꓓꓲ‐ꓡꓲ꓾ ꓬꓥ‐ꓖꓳꓥ ꓡꓳ ꓒꓱ ꓗꓪ ꓐꓰ ꓡˍ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿  ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓫꓵꓽ ꓜꓴ ꓜꓲꓼ ꓓꓽ ꓟ ꓔꓯ ꓣꓳ ꓡꓲ‐ꓢꓴ ꓐꓴ ꓮ ꓙꓵꓽ ꓐꓱ ꓶ ꓦ ꓡꓱ ꓚꓱ, ꓟꓽ ꓪꓽ ꓢꓴ ꓑ‐ꓔꓲ ꓟꓽ ꓪꓽ ꓢꓴ꓾ ꓟꓬꓱꓽ ꓬꓰ ꓚꓱ, ꓟꓽ ꓪꓽ ꓢꓴ ꓮ ꓙꓵꓽ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓒꓴ ꓔ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿