ꓟꓬ‐ꓟ ꓗꓴꓷꓼ ꓲ‐ꓬ‐ꓪ‐ꓓꓲ ꓟꓵꓽ ꓗꓪ ꓕꓲ ꓦ ꓐꓽ ꓘꓴꓽ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓐꓰ ꓬꓲꓻ ꓙꓬ ꓙꓵꓽˍ ꓟ ꓑꓶ. ꓓꓴ ꓑ ꓫꓬ (5) ꓣꓳ ꓫꓵꓻ ꓡꓰ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓲ‐ꓬ‐ꓪ‐ꓓꓲ ꓟꓵꓽ ꓗꓪ ꓕꓲ ꓦ ꓐꓽ ꓘꓴꓽ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓐꓰ ꓬꓲꓻ ꓙꓬ ꓙꓵꓽˍ ꓟ ꓑꓶ. ꓓꓴ ꓑ ꓫꓬ (5) ꓣꓳ ꓫꓵꓻ ꓡꓰ ꓟ ꓓꓳꓽ

9 ꓦ 12 ꓠꓬꓲ 2022 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓲ‐ꓬ‐ꓪ‐ꓓꓲ ꓟꓵꓽ ꓗꓪ ꓕꓲ ꓦ ꓐꓽ ꓘꓴꓽ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓐꓰ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ (5) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓮ ꓟꓬ, ꓠꓻ ꓓꓴ ꓡꓰꓳ ꓐꓰ ꓐꓯ ꓔ ꓡꓳ꓿ ꓲ‐ꓬ‐ꓪ‐ꓓꓲ ꓟꓵꓽ ꓗꓪ ꓗꓳ. ꓗꓷ ꓟ 8 ꓦ ꓗꓪ ꓐꓰ  9 ꓦ ꓗꓪ ꓛꓲ ꓦ ꓐꓽ ꓕꓲ ꓟ ꓘꓴꓽ ꓗꓪ ꓫ. ꓓꓴ ꓟꓷꓼ ꓓꓴ (45) ꓧꓪ, ꓔꓳ, ꓜꓳꓽ ꓗꓷꓳ꓾ ꓐꓰ ꓐꓯ ꓔ ꓡꓳ꓿

ꓕꓱ ꓟꓲꓽ ꓦꓲꓻ ꓕꓳꓽ ꓥꓳ ꓐꓰ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ (5) ꓣꓳ ꓫꓵꓻ ꓡꓰꓳ꓿ ꓝꓮꓲ ꓑ ꓫꓬ 3500 ꓣꓳ ꓠꓬ ꓮ ꓘꓶ. ꓫ ꓓꓴ ꓔꓳ, ꓜꓳꓽ ꓗꓷ ꓟ ꓥ ꓡꓳ꓿ ꓛꓲ ꓠꓲ, ꓠꓬ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓮ ꓘꓶ. ꓫ. ꓓꓴ ꓔꓳ, ꓜꓳꓽˍ ꓟ ꓘꓳꓼ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓲ‐ꓬ‐ꓪ‐ꓓꓲ ꓟꓵꓽ ꓗꓪ ꓑ ꓫꓬ ꓔꓬ ꓦꓲꓻ (95) ꓦꓲꓻ ꓐꓬ ꓡꓰ ꓢꓲ ꓠꓬꓲ ꓑ ꓫꓬ ꓐꓴ ꓮ ꓟꓬ ꓔꓯ ꓠꓱ ꓐꓯ ꓟꓵꓽ ꓗꓪ ꓚꓵ. ꓗꓷꓳ꓾ ꓐꓰ ꓢꓷ. ꓪ ꓡꓳ꓿