ꓟꓬ‐ꓟ ꓞꓳ ꓫꓵꓽ ꓟꓬꓱꓽ ꓬꓰ ꓢꓴ ꓑ ꓫꓬ ꓮ ꓟꓬ, ꓔꓯ ꓟ‐ꓡꓰ,‐ꓫ ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰ ꓟ ꓓꓳꓽ

ꓟꓬ‐ꓟ ꓞꓳ ꓫꓵꓽ ꓟꓬꓱꓽ ꓬꓰ ꓢꓴ ꓑ ꓫꓬ ꓮ ꓟꓬ, ꓔꓯ ꓟ‐ꓡꓰ,‐ꓫ ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰ ꓟ ꓓꓳꓽ

8 ꓦ 9 ꓠꓬꓲ 2022 ꓘꓳꓼ  ꓟꓶ ꓘꓶꓼ ꓙꓵ, ꓕꓯ ꓟ‐ꓡꓰ,‐ꓫ ꓗꓴꓷꓼ ꓗꓪ ꓟꓬꓱꓽ ꓬꓰ ꓜꓽ ꓔꓬ ꓢꓴ ꓟꓬ‐ꓟ ꓗꓴꓷꓼ ꓗꓪ ꓐꓰ ꓑ ꓫꓬ ꓮ ꓟꓬ, ꓔꓯ ꓟ‐ꓡꓰ,‐ꓫ ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰꓳ ꓐꓰ ꓢꓷ. ꓪ ꓡꓳ꓿ꓠꓱ. ꓐꓯ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓜꓽ ꓢꓴ ꓑ ꓫꓬ (175) ꓣꓳ ꓔꓯ ꓣꓴ ꓟꓶ ꓡꓰꓳ ꓐꓰ ꓐꓯ ꓔ ꓡꓳ꓿  ꓟꓬ‐ꓟ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓮ ꓟꓬ, ꓔꓬ ꓟ ꓟꓵꓽ  ꓥ ꓟ ꓢꓰ‐ꓡ‐ꓗꓮꓳ꓾ ꓗ‐ꓙ꓾ ꓡꓳ ꓒꓱ ꓗꓪ ꓟꓬꓱꓽ ꓬꓰ ꓜꓽ ꓢꓴ ꓟꓬ‐ꓟ ꓑ ꓫꓬ ꓮ ꓟꓬ, ꓔꓯ ꓟ‐ꓡꓰ, ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰꓳ ꓐꓰ ꓢꓷ. ꓪ ꓡꓳ꓿ ꓟꓯꓼ ꓐꓴ ꓡꓰ ꓦꓲꓻ ꓘꓴꓽ ꓗꓪ ꓡ ꓢꓲ ꓠꓬꓲ ꓣꓴ ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

 ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓟꓬ‐ꓟ ꓗꓴꓷꓼ ꓗꓪ ꓔꓬ ꓥ ꓟꓲ ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓪꓴ. ꓠꓬꓲ ꓔꓬ ꓫ. ꓡꓳ꓿ ꓢꓴ ꓟꓵꓽ ꓗꓪ ꓟꓬꓱꓽ ꓬꓰ ꓜꓽ ꓥ ꓟꓲ ꓮ ꓘꓶ. ꓫ ꓡꓳ ꓐꓰ ꓐꓯ ꓔ ꓡꓳ꓿ ꓣꓴ ꓟꓶ ꓡꓰ ꓢꓴ ꓟꓬꓱꓽ ꓬꓰ ꓔꓬ ꓢꓴ ꓕꓲ ꓐꓱ ꓠꓬ (Work Permit ꓐꓰ Passport ) ꓟꓽ ꓙꓳ ꓢꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓬ‐ꓟ ꓗꓴꓷꓼ ꓗꓪ ꓐꓰ ꓟ‐ꓡꓰ, ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰ ꓢꓴ ꓔꓯ UNHCR ꓜꓴꓻ ꓡꓰ ꓬꓰ ꓙ ꓓꓴ ꓥꓳ ꓐꓰ ꓐꓯ ꓔ ꓡꓳ꓿