ꓟꓬ-ꓟ ꓗꓴꓷꓼ ꓐꓱ ꓶ ꓔꓲꓺ ꓒ ꓪ ꓔꓲ ꓝꓲ ꓓꓴ ꓡꓰ ꓫꓸ ꓓꓴ ꓟꓷꓼ ꓓꓴ ꓐꓰ ꓔꓳꓹ ꓜꓳ ꓔꓬ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓔꓳꓹ ꓙ ꓠꓹ ꓟ ꓢꓯꓼ ꓖꓶ_ ꓟ ꓓꓳꓽ

• ꓟꓬ-ꓟ ꓗꓴꓷꓼ ꓐꓱ ꓶ ꓔꓲꓺ ꓒ ꓪ ꓔꓲ ꓝꓲ ꓓꓴ ꓡꓰ ꓫꓸ ꓓꓴ ꓟꓷꓼ ꓓꓴ ꓐꓰ ꓔꓳꓹ ꓜꓳ ꓔꓬ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓔꓳꓹ ꓙ ꓠꓹ ꓟ ꓢꓯꓼ ꓖꓶ_ ꓟ ꓓꓳꓽ

ꓟꓬ-ꓟ ꓗꓴꓷꓼ ꓔꓧꓮꓲ ꓗꓴꓷꓼ ꓗꓮ-ꓐꓳ-ꓓꓲ-ꓬ ꓡ-ꓳ ꓗꓴꓷꓼ ꓐꓱ ꓶ ꓔꓲꓺ ꓒ ꓪ ꓔꓲ ꓝꓲ ꓓꓴ ꓔꓲꓺꓒ ꓓꓽ Paul Tschang In-Nam (Nancio of Myanmar) ꓠꓬ 9 ꓦ 2 ꓠꓬꓲ ꓕꓯ ꓬꓥ-ꓖꓳꓥ ꓡꓳ ꓒꓱ ꓗꓪ ꓟꓲ-ꓢ ꓪꓽ ꓘꓴ ꓛꓴ ꓔꓲ ꓖꓶ ꓗꓷꓳ= ꓮ ꓟꓶ ꓒꓬꓱꓼ ꓔꓬ ꓟ ꓢꓰꓼ ꓡꓯ ꓘꓳ ꓟ ꓑꓶ ꓓꓴ ꓬꓰ ꓙ ꓔꓳꓹ ꓙ ꓠꓹ ꓟ ꓣꓱꓽ ꓬꓯꓼ ꓔꓬ ꓢꓴ ꓔꓯ ꓬꓰ ꓙ ꓠꓹ ꓟ ꓢꓯꓼ ꓖꓶ ꓗꓷ ꓟ ꓥꓳ=

ꓔꓲꓺ ꓒ ꓓꓽ ꓠꓬ ꓔꓧꓮꓲ ꓡ-ꓳ ꓗ-ꓐ-ꓓꓲ-ꓬ ꓗꓪ 10 ꓘꓳꓼ ꓟꓬꓱꓽ ꓟꓯ ꓓꓳ ꓗꓸ ꓠꓯꓸ 2017 ꓘꓳꓼ ꓕꓯ ꓟꓬ-ꓟ ꓗꓴꓷꓼ ꓐꓱ ꓶ ꓥ ꓟꓲ ꓙꓵꓽ ꓪ ꓖꓶ ꓟꓶ ꓟ ꓥꓳ= ꓕꓱ ꓕꓲ ꓘꓳꓼ 7 ꓦ 16 ꓠꓬꓲ ꓕꓯ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰ ꓬꓲ ꓔꓯ Netherlands ꓗꓴꓷꓼ ꓐꓱ ꓶ ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓙꓵꓽ ꓪ ꓖꓶ ꓗꓷ ꓟ ꓥꓳ=

ꓮ ꓟꓶ ꓟ ꓙꓵꓹ ꓗꓪ ꓟꓬ-ꓟ ꓗꓴꓷꓼ ꓗꓪ ꓔꓬ ꓟ ꓬꓲꓼ ꓤ ꓠꓬꓲ ꓤ ꓐꓴ ꓔꓳꓹ ꓜꓳ ꓔꓬ ꓟ ꓔꓯ ꓔꓲꓺ ꓒ ꓪ ꓔꓲ ꓥ ꓟꓲ ꓛꓳ ꓙ ꓡꓳꓸ ꓙ ꓖꓶ ꓟ ꓐꓰ ꓢꓲ ꓡꓲꓹ ꓗꓹ ꓛꓲ ꓠꓹ ꓟ ꓚꓱꓹ ꓟꓳ ꓠꓹ ꓟ ꓐꓱ ꓶ ꓖꓪ ꓙꓱ ꓜꓲꓼ ꓓꓴꓬꓰ ꓠꓹ ꓟ ꓢꓯꓼ ꓖꓶ_ ꓡꓳ=