ꓟꓬ-ꓟ ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓖꓶ ꓠꓹ ꓟ Vatican ꓑꓹ ꓗꓪ ꓔꓲꓺ ꓒ ꓪ ꓔꓲ Francis ꓡꓰ ꓓꓰꓽˍ ꓟ

Photo courtesy of: BBC / Google imagesꓟꓬ-ꓟ ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓖꓶ ꓠꓹ ꓟ Vatican ꓑꓹ ꓗꓪ ꓔꓲꓺ ꓒ ꓪ ꓔꓲ Francis ꓡꓰ ꓓꓰꓽˍ ꓟ

ꓔꓲꓺ ꓒ ꓪ ꓔꓲ ꓠꓬ ꓕꓲ ꓠꓽ ꓡꓰ ꓕꓲ ꓠꓽ ꓠꓽ-ꓦꓬ-ꓠꓬꓲ vatican ꓘꓴꓽ ꓙꓲꓻ ꓫꓬ ꓢꓴ ꓒꓲ-ꓕꓱ ꓑꓹ ꓗꓪ ꓪꓽ ꓘꓴ ꓡ ꓢꓴ ꓑ ꓫꓬ ꓐꓴ ꓐꓰ ꓕꓲ ꓪꓽ ꓟꓳꓼ ꓡꓳ Angelus ꓪꓽ ꓘꓴˍ ꓟ ꓥ ꓢꓲ꓾ ꓮ ꓟꓰ ꓟꓳꓼ ꓡꓳ ꓕꓯ ꓪꓽ ꓘꓴˍ ꓟ ꓗꓪ ꓠꓬ ꓬꓲ ꓡꓰ ꓟꓬ-ꓟ ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓖꓶ ꓠꓹ ꓟ ꓬꓲ ꓦꓰꓼ ꓔꓬ ꓟ ꓠꓬꓲ ꓟꓳ ꓓꓴ ꓗ ꓘꓶꓽ ꓗꓪ ꓐꓰ ꓓꓰꓽ ꓗꓷ ꓟ ꓥꓳ=

ꓟꓹ ꓟ ꓟ-ꓡꓲ ꓔꓯ ꓓꓳ ꓟꓴꓹ ꓖꓶˍ ꓟ꓾ ꓟ-ꓡꓲ ꓔꓯ ꓶꓼ ꓓꓰꓽˍ ꓟ ꓦ ꓐ ꓥ ꓟ ꓥꓪꓽ ꓦ ꓔꓯ ꓪꓴꓸ ꓔꓴˍ ꓟ ꓥ ꓢꓲ꓾ ꓟꓬꓽ ꓠꓬꓲ ꓪꓽ ꓘꓴˍ ꓟ ꓔꓶ ꓙꓱꓽ ꓗꓷ ꓔ ꓟ ꓦ ꓐ ꓕꓱ ꓟ ꓔꓯ ꓟꓬ-ꓟ ꓗꓴꓷꓼ ꓢꓲꓺ ꓡꓲꓺ ꓗꓷ ꓡꓰ ꓢꓲ꓾ ꓠꓲꓹ ꓧꓳꓹ ꓫꓵꓽ ꓧꓳ ꓡꓯ ꓘꓳ ꓟꓶ ꓠꓹ ꓟ ꓐꓱ ꓶ ꓪꓽ ꓘꓴ ꓙ ꓠꓹ ꓟ vatican ꓗꓪ ꓪꓽ ꓘꓴ ꓡ ꓢꓴ ꓐꓰ ꓟꓵꓽ ꓗꓳꓹ ꓓꓵ ꓓꓵ ꓔꓯ ꓓꓰꓽ ꓗꓷ ꓟ ꓥ ꓡꓳ=

 COVID ꓠꓻ ꓒꓲꓼ ꓬꓰ ꓠꓹ ꓟ ꓐꓱ ꓶˍ ꓟꓲ ꓪꓽ ꓘꓴ ꓢꓲ ꓟꓬꓽ ꓠꓬꓲ ꓬꓲ ꓠꓲꓹ ꓟ ꓘꓴꓽ ꓗꓪ ꓠꓶꓽ ꓞꓹ ꓟ ꓟꓬ-ꓟ ꓗꓴꓷꓼ ꓐꓱ ꓶ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓣꓳ-ꓢ-ꓣꓲ ꓪꓽ ꓘꓴˍ ꓟ ꓗꓪ ꓓꓵꓽ ꓙ ꓟꓶ ꓢꓲ ꓪꓽ ꓘꓴ ꓙ ꓖꓶ ꓠꓹ ꓟ ꓘꓴ-ꓜꓲ-ꓞꓳ ꓢꓲ ꓤ ꓐꓴ ꓔꓯ ꓬꓲꓼ ꓠꓬꓲꓸ ꓖꓶ ꓔ ꓟ ꓥꓳ=

ꓔꓲꓺ ꓒ ꓪ ꓔꓲ ꓠꓬ ꓮ ꓟꓶ ꓟ ꓡꓰ ꓐꓰ ꓑ ꓫꓬ ꓐꓴ ꓟꓲ ꓙꓬꓼ ꓗꓪ ꓐꓯ ꓑꓶ ꓗꓷ ꓢꓲ ꓟꓬ-ꓟ ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓖꓶˍ ꓟ ꓠꓬ ꓥꓪ ꓢꓷꓸˍ ꓕꓲ ꓒꓳꓹ꓾ ꓝꓲꓸ ꓟꓶˍ ꓕꓲ ꓒꓳꓹ ꓗꓪ ꓡꓰꓽ (6) ꓧꓪꓹ ꓙꓳ ꓡꓰꓳ꓾ ꓐꓰ ꓣꓳ-ꓟ ꓗꓪ ꓛꓲꓺ ꓬꓰ ꓟ ꓬꓰ-ꓢꓴ ꓟꓬꓱꓺ ꓣꓴ ꓔ ꓟ ꓐꓣꓳ ꓜꓴꓻ ꓗꓪ ꓟ ꓐꓣꓳ ꓬꓳ-ꓢꓷ ꓡꓰ ꓐꓯ ꓗꓷꓳ= ꓔꓲꓺ ꓒ ꓪ ꓔꓲ ꓠꓬ ꓡ ꓠꓹ ꓟ ꓥꓪꓽ ꓦ (16) ꓠꓬꓲ ꓕꓯˍ ꓟꓲ ꓣꓳ-ꓟ ꓗꓪ ꓛꓲꓺ ꓬꓰ ꓟ ꓟꓬ-ꓟ ꓗꓴꓷꓼ ꓑ ꓫꓬ ꓐꓴ ꓐꓰ ꓕꓲ ꓪꓽ꓾ ꓟꓬ-ꓟ ꓗꓴꓷꓼ ꓐꓱ ꓡ ꓪꓽ ꓘꓴꓶˍ ꓟ ꓟꓲ-ꓢ ꓬꓰ ꓠꓹ ꓟ ꓙ ꓖꓶ ꓔ ꓟ ꓔꓯ ꓢꓷꓸ ꓙ ꓟꓳ ꓙ ꓔ ꓡꓳ=

Photo courtesy of: BBC / Google images

https://bit.ly/3nDDM7x

 

Add new comment

9 + 6 =