ꓟꓬ-ꓟ ꓗꓴꓷꓼ ꓓꓳꓽ

ꓔꓲꓺ ꓟ ꓮnn Rose NU TAWNG ꓔꓯ ꓫꓱ. ꓖꓶ: ꓓꓳ ꓟꓴ ꓖꓶ: ꓟ ꓓꓳ:

1 ꓠꓬꓲ 2 ꓦ 2021 ꓗꓪ ꓐꓰ ꓡꓳ-ꓟꓲ ꓟꓵ: ꓗꓪ ꓗꓴꓷꓼ ꓙꓵ: ꓟꓯꓼ ꓐꓴ ꓙꓵ: ꓪ ꓧꓴꓻ ꓔꓯ ꓙꓰꓳ= ꓕꓱ ꓟ ꓑꓶ. ꓓꓴ ꓑ ꓫꓬ ꓡ: ꓞꓳ ꓐꓴ ꓠꓬ ꓕꓲ: ꓠꓬꓲ ꓡꓰ ꓕꓲ: ꓠꓬꓲ꓾ ꓙ ꓖꓴ ꓫꓱ: ꓢꓲ ꓠꓲꓹ ꓡꓶ ꓟꓳ. ꓖꓶ: ꓔꓬ ꓟ ꓥꓳ=

ꓮ: ꓟꓲ ꓕꓯ꓾ ꓟꓲ-ꓚꓲ-ꓠ ꓮꓴꓠꓖ ꓠꓮꓠ ꓗꓪ ꓑ ꓫꓬꓼ ꓐꓴ ꓕꓱ ꓡꓱ ꓐꓰ ꓚꓳ ꓔꓬ ꓟ꓾ ꓔꓲꓺ ꓟ ꓚꓳ: ꓦꓲ ꓬꓲ. ꓘꓶ: ꓗꓪ ꓛꓲ ꓬꓰꓳ= ꓖꓳ ꓕꓯ ꓟꓯꓼ ꓜꓴ ꓐꓴ ꓠꓬ ꓑ ꓫꓬꓼ ꓐꓴ ꓔꓯ꓾ ꓑꓳꓺ ꓠ ꓟ ꓬꓰˍ ꓡꓳ= ꓖꓳ ꓕꓯ ꓔꓲꓺ ꓟ ꓠꓴ-ꓔꓮꓴ ꓠꓬ ꓬꓲ.ꓪ ꓠꓬꓲ: ꓗꓴ. ꓝꓲ. ꓗꓪ ꓓꓵ: ꓙꓰ ꓢꓲ꓾ ꓑ ꓫꓬ ꓐꓴ ꓔꓯ ꓕ: ꓑꓳꓺ ꓐꓰ ꓙꓲ: ꓟꓳ ꓬꓰ ꓖꓶ: ꓡꓳ=

ꓕꓱ ꓟ ꓠꓬ ꓮ ꓘꓶ. ꓙꓲꓻ ꓟ ꓟꓬꓱ: ꓥ ꓢꓲ꓾ ꓢꓯꓼ ꓟꓬꓺ ꓔꓶꓺ ꓢꓲ ꓙꓰ ꓑꓶ. ꓟ ꓔꓯ ꓫꓱ. ꓖꓶ: ꓓꓴ ꓥꓳ ꓐꓯ ꓢꓲ꓾ ꓠꓯꓼ ꓠꓯꓼ ꓙꓵ (1.3.2021) ꓗꓪ ꓔꓲꓺ ꓒ ꓓ: ꓟ ꓝꓣꓮꓠꓚꓲꓢ ꓡꓰ ꓮꓴꓠꓖ ꓠꓮꓠ ꓔꓲꓺ ꓟ ꓦꓲꓻ ꓗꓪ ꓟꓲ-ꓢ ꓔꓲꓺ ꓖꓶ: ꓓꓴ ꓕꓲ: ꓟ ꓬꓰ ꓗꓷꓳ=

ꓔꓲꓺ ꓒ ꓓ ꓟ ꓝꓣꓮꓠꓚꓲꓢ ꓡꓰ ꓕꓱ ꓟ ꓠꓬ ꓔꓯꓺ ꓢꓳꓺ ꓓꓴ ꓥꓳ ꓐꓯ ꓢꓲ ꓫꓱ. ꓖꓶ: ꓓꓴ ꓬꓰ ꓗꓓꓳ=