ꓟꓬ-ꓟ ꓗꓴꓷꓼ ꓓꓳꓽ

ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓫꓸ ꓢꓴ ꓟꓶ ꓢꓴ ꓐꓴ ꓔꓯ ꓬꓰ ꓙ ꓔꓬ ꓟ ꓗ-ꓔꓳ-ꓡꓲ ꓞꓳ ꓡꓯꓸ ꓐꓴ ꓔꓯ ꓗꓴꓷꓼ ꓡꓳꓸ ꓟꓯꓼ ꓐꓴ ꓡꓰ ꓞꓳꓹ ꓧꓳꓽ ꓗꓷ ꓟ ꓓꓳꓽ

5 ꓦ ꓟ 3 ꓠꓬꓲ 2021 ꓘꓳꓼ ꓠꓽ ꓕꓲ ꓠꓬꓲ ꓠꓯꓼ ꓙꓵꓹ ꓕꓯ ꓟꓶ-ꓚꓲ-ꓠ ꓡꓳ ꓒꓱ NJang Dung ꓘꓹ ꓗꓪ ꓫꓸ ꓢꓴ ꓟꓶ ꓢꓴ ꓐꓴ ꓔꓯ ꓬꓰ ꓙ ꓔꓬ ꓟ ꓗ-ꓔꓳ-ꓡꓲ ꓞꓳ ꓡꓯꓸ ꓐꓴ ꓔꓯ ꓗꓴꓷꓼ ꓡꓳꓸ ꓟꓯꓼ ꓐꓴ ꓡꓰ ꓞꓳꓹ ꓧꓳꓽ ꓗꓷ ꓪ= ꓗꓴꓷꓼ ꓡꓳꓸ ꓟꓯꓼ ꓐꓴ ꓡꓰ ꓞꓳꓹ ꓟꓶ ꓡꓰ ꓟ ꓮ ꓙꓵꓽ ꓠꓬ (11) ꓣꓳ ꓥ ꓡꓳ= ꓞꓳꓹ ꓧꓳꓽ ꓙꓰ ꓗꓷ ꓟ ꓤ ꓟꓶ ꓤ 5 ꓣꓳ ꓘꓴꓽ ꓗꓪ ꓗ-ꓔꓳ-ꓡꓲ ꓞꓳ ꓡꓯꓸ 3 ꓣꓳ ꓐˍ ꓡꓳ=

ꓞꓳ ꓡꓯꓸ ꓐꓴ ꓔꓯ ꓞꓳꓹ ꓡˍ ꓕꓯ ꓗꓴꓷꓼ ꓡꓳꓸ ꓟꓯꓼ ꓟꓳ ꓓꓳ 6 ꓦꓲꓻ ꓐꓰ ꓡ ꓢꓲ ꓞꓳꓹ ꓡˍ ꓡꓳ=  ꓟꓶ-ꓚꓲ-ꓠ ꓡꓳ ꓒꓱ ꓗ-ꓔꓳ-ꓡꓲ ꓞꓳ ꓡꓯꓸ ꓐꓴ ꓠꓬ ꓫꓸ ꓢꓴ ꓟꓶ ꓢꓴ ꓔꓯ ꓬꓰ ꓙˍ ꓟ(Myitkyina Youth) ꓜꓴ ꓐꓴ ꓡꓰ 5 ꓦ ꓟ ꓕꓲ ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓬꓰ ꓙ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓞꓳꓹ ꓟꓶ ꓡꓰ ꓟ ꓞꓳ ꓡꓯꓸ ꓐꓴ ꓔꓯ ꓪꓽ ꓘꓴ ꓙ ꓓꓴ ꓬꓰ ꓡꓯ ꓐꓰ ꓮ ꓙꓵ ꓔꓯ ꓓꓰꓽ ꓩꓴ ꓡˍ ꓥꓳ=