Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓬ-ꓟ ꓗꓴꓷꓼ ꓓꓳꓽ
ꓣꓦꓮ ꓡꓲꓢꓴ ꓓꓳꓽ
(1) ꓣꓦꓮ ꓡꓲꓢꓴ ꓚꓳꓣꓳꓓꓲꓠꓮꓔꓳꓣ ꓥˍ ꓟ ꓔꓲꓺ ꓒ ꓮ ꓒꓴ ꓠꓬ ꓚꓳꓦꓲꓓ ꓠ ꓫꓵꓽ ꓗꓪ ꓐꓰ ꓠꓻ ꓔꓬꓹ ꓟ ꓓꓳꓽ
(2) ꓟꓶ ꓚꓲ ꓠꓽ ꓡꓳ ꓒꓱ ꓗꓪ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓺ ꓟꓵꓽ ꓔꓶꓸ ꓗꓪ ꓐꓱ ꓚꓱ ꓕꓵꓽ ꓠꓹ ꓟ ꓬꓰ ꓔꓬ ꓹ ꓟ ꓓꓳꓽ
(3) ꓟꓯꓼ ꓜꓴ ꓡꓰ ꓐꓶꓺ ꓩꓴ ꓡ ꓟ ꓒꓳꓸ ꓢꓲꓽ (ꓐꓳꓽ) ꓗꓪ ꓐꓰ ꓗ-ꓔꓳ-ꓡꓲꓗ ꓪꓽ ꓘꓴ ꓦꓲꓻ ꓐꓬꓺ ꓡꓰ ꓟ ꓓꓳꓽ
(4) ꓲꓠ-ꓓꓳ-ꓠꓲ-ꓢꓲꓮ ꓔꓲꓺ ꓒ ꓕꓲꓽ ꓣꓳ ꓔꓯ ꓮꓖꓰꓠꓔꓲꓠꓮ ꓗꓴꓷꓼ ꓗꓪ ꓗꓴꓷꓼ ꓙꓵꓽ ꓟꓯꓼ ꓡꓰ ꓡꓯ ꓫꓴ ꓖꓶꓽ ꓫꓱꓸ ꓖꓶꓽ ꓟ ꓓꓳꓽ
ꓣꓦꓮ ꓡꓲꓢꓴ ꓑꓣꓳꓖꓣꓮꓟ ꓚꓳꓣꓓꓲꓠꓮꓔꓳꓣ ꓥˍ ꓟ ꓔꓲꓺ ꓒ ꓮ ꓒꓴ ꓠꓬ ꓠꓬꓲꓸ ꓠꓬꓲ 25 ꓠꓬꓲ 10 ꓦ ꓕꓯ ꓧꓪꓽ ꓖꓳ ꓓꓱ ꓔꓬꓹ ꓟꓽ ꓢ ꓟ ꓑꓶꓸ ꓓꓴ ꓠꓯꓺ ꓞꓲꓼ ꓚꓰꓼ ꓠꓬꓲ ꓗꓶ ꓕꓯ ꓚꓳꓦꓲꓓ ꓥꓳ ꓐꓰ ꓢꓷꓸ ꓪ ꓓ ꓡꓳ=
ꓟꓶ ꓚꓲ ꓠꓽ ꓡꓳ ꓒꓱ ꓗꓪ ꓟꓬ-ꓟ ꓗꓴꓷꓼ ꓡ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰ ꓜꓴ ꓚꓰ ꓟꓵꓽ ꓔꓶꓸ ꓗꓪ ꓕꓳ ꓶ ꓐꓰ ꓡꓲꓽ ꓒꓰ ꓢ ꓡ ꓙꓵꓽ ꓮ-ꓩꓴ-ꓟꓲ-ꓡꓲ ꓗꓪ ꓐꓰ ꓮ ꓡꓰ ꓗꓪ ꓐꓬꓱꓺ ꓕꓵꓽ ꓠ ꓟ ꓟꓳꓸ ꓖꓶꓽ ꓗꓷꓳ ꓐꓰ ꓢꓷꓸ ꓪ ꓓˍ ꓡꓳ=
ꓡꓳ-ꓟꓲ ꓟꓯꓼ ꓜꓴ ꓡꓰ ꓐꓶꓺ ꓩꓴ ꓡ ꓟ ꓒꓳꓸ ꓢꓲꓽ (ꓐꓳꓽ) ꓠꓬ ꓗ-ꓬ ꓡꓳ ꓒꓱ ꓒ-ꓣꓴ-ꓢꓳ ꓗꓪ ꓓ ꓟ ꓗ-ꓔꓳ-ꓡꓲ ꓪꓽ ꓘꓴ ꓦꓲ ꓗꓪ ꓬꓯ ꓡꓰ ꓢꓲ ꓪꓽ ꓘꓴ ꓦꓲ ꓖꓳ ꓟ ꓠꓬ ꓐꓬꓺ ꓡꓰꓳ ꓐꓰ ꓢꓷꓸ ꓪ ꓓ ꓡꓳ=
ꓲꓠ-ꓓꓳ-ꓠꓲ-ꓢꓲꓮ ꓔꓲꓺ ꓒ ꓮꓟꓮ ꓠꓬ ꓮꓣꓖꓰꓠꓔꓲꓠꓮ ꓗꓴꓷꓼ ꓗꓪ ꓟꓬꓱꓽ ꓬꓰꓹ ꓠ ꓟ ꓔꓲꓺ ꓖꓶ ꓔꓸ ꓡꓳ= ꓬꓲꓸ ꓠꓬ ꓖꓳ ꓗꓪ ꓔꓬꓹ ꓟ ꓫ ꓢꓴ ꓟꓷꓸ ꓢꓴ ꓔꓯ ꓮ ꓘꓶꓸ ꓬꓰ ꓙ ꓢꓲ꓾ ꓤ ꓠꓱ ꓤ ꓐꓴ ꓢꓷꓸ ꓠꓲꓹ ꓢꓷꓸ ꓠꓹ ꓟ ꓕꓳꓽ ꓶ ꓢꓳꓺ ꓙꓳ ꓦꓲ ꓟꓲ ꓠꓬꓲꓽ ꓦꓲꓻ ꓒꓴ ꓔ ꓡꓳ= ꓮꓖꓰꓠꓔꓲꓠꓮ ꓮ ꓝꓴ ꓬ ꓡꓰ ꓬꓲꓸ ꓟꓬꓱꓺ ꓔꓯ ꓣꓴ ꓢꓲ ꓙ ꓖꓴ ꓟꓬꓱꓺˍ ꓟꓲ ꓕꓲꓽ ꓟ ꓟꓬꓱꓺ ꓖꓶꓽ ꓔ ꓡꓳ=
ꓟꓶ-ꓚꓲ-ꓠ ꓡꓳ ꓒꓱ ꓮꓴ-ꓠ mali ginddai ꓠꓯꓻ ꓞꓲꓼ ꓦꓲꓻ ꓗꓪ ꓤ ꓠꓱ ꓦꓵꓻ ꓖꓶ ꓟ ꓓꓳꓽ
ꓦ ꓟ 22 ꓠꓬꓲ 2021 ꓘꓳꓼ ꓕꓯ ꓟꓶꓽ-ꓚꓲ-ꓠ ꓡꓳ ꓒꓱ ꓮꓴ-ꓠ ꓗꓪ Mali Gindai ꓠꓯꓻ ꓞꓲꓼ ꓦꓲꓻ ꓗꓪ ꓤ ꓠꓱ ꓦꓵꓻ ꓖꓶˍ ꓡꓳ ꓐꓰ ꓢꓷꓸ ꓪ ꓡꓳ=Mali Gindai ꓠꓯꓻ ꓞꓲꓼ ꓦꓲꓻ ꓔꓯ ꓗꓳꓸ ꓗꓷ ꓟ (2012-2020) ꓕꓯ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓟꓶꓽ-ꓚꓲ-ꓠ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓒꓴ ꓗꓷꓳ=
ꓖꓳ ꓡꓱ ꓥ ꓟꓲ (2021) ꓘꓳꓼ 5 ꓦ ꓕꓯ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ (Health Commission) ꓜꓴꓻ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ ꓒꓴˍ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=
Mali Gindai ꓠꓯꓻ ꓞꓲꓼ ꓦꓲꓻ ꓗꓪ ꓠꓬ (22ꓸ10ꓸ2021) ꓗꓪ ꓐꓰ ꓪꓴꓸ ꓔꓴ ꓢꓲ ꓠꓬꓲ ꓠꓯꓻ ꓞꓲꓼ ꓦꓲꓻ ꓗꓪ ꓤ ꓠꓱ ꓦꓵꓻ ꓖꓶ꓾ ꓦꓰꓼ ꓟ ꓘꓶꓽ ꓖꓶ ꓐꓰ ꓮ ꓟꓬꓹ ꓫꓵꓽ ꓠꓻ ꓫꓬꓹ ꓖꓶ ꓔꓬ ꓡꓳ꓾ ꓐꓰ ꓢꓷ ꓪˍ ꓡꓳ= ꓠꓯꓻ ꓞꓲꓼ ꓦꓲꓻ ꓗꓪ ꓔꓲꓺ ꓟ ꓐꓰ ꓟꓸ ꓟ ꓟꓸ ꓒ (28) ꓣꓳ ꓐꓰ ꓟꓬꓱꓽ ꓬꓰ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓰꓳ=
(6) ꓟꓬꓮꓠꓟꓮꓣ ꓗꓴꓷꓼ ꓗ-ꓡꓰ ꓡꓳ ꓒꓱ ꓗꓪ ꓔꓲꓺ ꓒ ꓓ: ꓟ ꓒꓲ-ꓡꓲ ꓘꓮꓠ-ꓕꓮꓠ ꓡꓰ ꓐꓣꓳ. 4 ꓪ ꓟ ꓔꓯ ꓓꓰ-ꓗꓮꓠ ꓶ ꓖꓪ: ꓔꓯ ꓮ ꓟꓰ 24.10.2021 ꓕꓯ ꓖꓶ: ꓗꓷꓳ=
ꓕꓲ: ꓞꓲꓼ ꓡꓳ. ꓪꓴ-ꓢ ꓟꓬꓱ: ꓬꓰ ꓐꓹ ꓡ ꓠꓹ ꓟ ꓪ: ꓘꓴ ꓙ ꓖꓶ:
Add new comment