ꓟꓬ-ꓟ ꓗꓴꓷꓼ ꓓꓳꓽ

1. ꓔꓲꓺ ꓒ ꓪ ꓔꓲꓸ ꓝꓣꓮꓠꓚꓲꓢ ꓡꓰ ꓚꓲꓸ ꓛꓬ ꓗꓴꓷꓼ ꓗꓪ ꓟꓵꓽ ꓡꓪꓸ ꓟ ꓑꓶꓸ ꓓꓴ ꓛꓰꓺ ꓓꓳꓺꓡ ꓟ ꓔꓯ ꓚꓲꓸ ꓛꓬ ꓗꓴꓷꓼ ꓗꓪ ꓕꓽ ꓧꓳꓽ ꓩꓴ ꓖꓶꓽ ꓐꓯ ꓟ ꓓꓳꓽ=2. ꓮ ꓟꓲꓽ ꓕꓯ 10 ꓦ 25 ꓠꓬꓲ ꓗꓪ ꓡꓳꓽ ꓟꓲꓽ ꓟꓯꓼ ꓡꓰ ꓗ-ꓬ ꓡꓳ ꓒꓱ ꓓꓮꓪ ꓟꓬ-ꓡꓰ ꓢꓲꓫꓬ ꓟ-ꓣꓲ-ꓬ ꓪꓽ ꓘꓴ ꓦꓲ ꓗꓪ ꓮ ꓔꓳ ꓔꓳ ꓑꓳꓺ ꓗꓪ ꓐꓰ ꓒꓬꓺ ꓦ ꓟ ꓓꓳꓽ
3. ꓔꓲꓺ ꓒ ꓮ-ꓒꓴ ꓡꓰ ꓛꓬꓽ ꓖꓳꓼ ꓟꓵꓽ ꓗꓪ ꓙꓰ ꓢꓲ ꓫ ꓢꓴ ꓟꓷꓼ ꓢꓴ ꓔꓯ ꓬꓰꓹ ꓙ ꓟ ꓓꓳꓽ4. ꓟꓶ ꓚꓲ ꓠꓽ ꓮꓴꓠꓖ ꓠꓮꓠ ꓗꓪ ꓪꓽ ꓘꓴ ꓦꓲ ꓔꓯ ꓐꓲꓺ ꓐꓲꓺ ꓡꓰ ꓫꓬꓹ ꓟꓶ ꓡꓰ ꓔꓬꓹ ꓟ
ꓓꓳꓽ5. ꓗ-ꓐꓳ-ꓓꓲꓮ ꓗꓪ ꓒꓲꓼ ꓡꓰ ꓟ ꓪꓽ ꓘꓴ ꓦꓲ ꓕꓲꓽ ꓦꓲ ꓔꓯ ꓧꓪꓹ ꓟꓶ ꓡꓰ ꓟ ꓓꓳꓽ
(1) ꓔꓲꓺ ꓒ ꓪ ꓔꓲꓸ ꓩ-ꓣ-ꓢꓲ ꓡꓰ ꓮꓝꓣꓲꓚꓮꓠ ꓠꓲꓢꓔꓮꓠ ꓗꓴꓷꓼ ꓗꓪ ꓐꓰ ꓛꓰ ꓓꓳ ꓡ ꓟ ꓡ ꓞꓳꓔꓯ ꓬꓲꓸ ꓪ ꓗꓴꓷꓼ ꓗꓪ ꓝꓮꓲꓸ ꓕꓽ ꓬꓰꓼ ꓙꓰ ꓝꓲ= ꓬꓲꓸ ꓪ ꓔꓬꓹ ꓗꓪ ꓢꓰꓼ ꓡꓯ ꓘꓳ ꓟ ꓑꓶꓸꓓꓴ꓾ ꓡ ꓞꓳ ꓟꓽ ꓙꓲ ꓫꓵꓽ ꓧꓳꓽ ꓣꓱꓽ ꓔꓬꓹ ꓟ ꓑꓶꓸ ꓓꓴ ꓐꓹ ꓡ ꓕ ꓑꓳꓸ ꓬꓲꓸ ꓪ ꓔꓯ ꓗꓪꓽ
ꓫꓵꓼ ꓖꓶꓽ= ꓬꓲꓸ ꓪ ꓗꓴꓷꓼ ꓗꓪ ꓬꓲꓼ ꓙꓰ ꓝꓲ ꓕꓯ ꓠ ꓬꓲꓸ ꓪ ꓔꓯ ꓞꓳ ꓥꓶ ꓟꓯꓼ ꓡꓰ ꓢꓰꓼ ꓩꓴ ꓗꓷ ꓥꓳ ꓐꓰ ꓐꓯ ꓡꓳ=(2) ꓮ ꓟꓲꓽ ꓕꓯ 25 ꓠꓬꓲ 10 ꓕꓯ ꓗ-ꓬ ꓗꓳ ꓒꓱ ꓓꓰ-ꓟꓳ-ꓢꓳ꓾ ꓓꓮꓪ ꓟꓬ-ꓡꓰ ꓘꓴ ꓜꓲꓼꓞꓳ ꓗꓪ ꓓꓯ ꓟ ꓗ-ꓔꓳ-ꓡꓲ ꓢꓲꓽ ꓫꓬ ꓟ-ꓣꓲ-ꓬ ꓪꓽ ꓘꓴ ꓦꓲ ꓔꓯ ꓡꓳꓽ ꓟꓲ ꓟꓯꓼ ꓡꓰ ꓒꓬꓩꓴ ꓗꓷꓳ= ꓬꓲꓸ ꓪ ꓠꓬ ꓙꓰ ꓖꓴ ꓡ ꓖꓴ ꓗꓪ ꓟꓳ ꓟ ꓮ ꓙꓵꓽ ꓔꓯ ꓒꓬ ꓠꓬꓲ ꓓꓶꓽ ꓠꓬꓲ ꓔꓲꓸꓠꓬꓲ ꓬꓰ ꓔꓬꓹ ꓡꓳ ꓐꓰ ꓢꓷꓸ ꓪ ꓓ ꓡꓳ=
(3) ꓔꓲꓺ ꓒ ꓮ ꓒꓴ ꓡꓰ ꓛꓬ ꓖꓳꓼ ꓔꓯ ꓟꓳꓸ ꓙꓰ ꓢꓲ ꓫ ꓢꓴ ꓟꓷꓼ ꓢꓴ ꓔꓯ ꓐꓹ ꓡ ꓕ ꓑꓳꓸ ꓬꓰ ꓙꓔꓳ ꓙ ꓗꓷꓳ= ꓰꓠꓖꓮꓡꓮꓠꓓ ꓗꓪ ꓔꓬꓹ ꓟ ꓮ ꓒꓴꓸ ꓗ-ꓔꓳ-ꓡꓲꓗ ꓗꓪ ꓐꓰ ꓒꓴ ꓫꓵꓺꓗꓪ ꓐꓰ ꓬꓰ ꓙ ꓔꓳ ꓙ ꓟ ꓗꓪ ꓐꓰ ꓛꓬ ꓖꓳꓼ ꓗꓪ ꓞꓳ ꓦꓲ 350 ꓦꓲ ꓟꓽ ꓞꓲ ꓜ ꓒꓴ ꓐꓰꓧꓪꓽ ꓞꓲ ꓬꓰ ꓙ ꓔꓳ ꓙ ꓐꓹ ꓡ-ꓳ= ꓙꓵꓹ ꓠꓲꓹ ꓚꓱꓹ ꓟꓽ ꓘꓶꓽ ꓘꓶꓽ ꓐꓰ ꓮ ꓙꓵꓽ ꓔꓯ ꓖꓶꓽ ꓟ ꓑꓶꓸꓓꓴ ꓫ ꓟꓳ ꓡꓳ ꓐꓰ ꓛꓬ ꓖꓳꓽ ꓗꓪ ꓔꓬꓹ ꓟ ꓡꓲ ꓢꓴ ꓬꓲꓼ ꓤ ꓠꓬꓲ ꓤ ꓐꓴ ꓐꓯ ꓔꓬꓹ ꓖꓴ ꓡꓳ

(4) ꓟꓶ-ꓚꓲ-ꓠ ꓮꓴꓠꓖ ꓠꓮꓠ ꓪꓽ ꓘꓴ ꓦꓲ ꓗꓪ ꓣꓱꓽ ꓛ ꓟ ꓔꓯ ꓫꓬꓹ ꓔꓬꓹ ꓟ ꓮ ꓟꓶ ꓠꓬꓫꓬꓹ ꓓꓳ ꓡꓰ ꓔꓬꓹ ꓡꓳ=ꓪꓽ ꓘꓴ ꓦꓲ ꓔꓯ ꓐꓲꓺ ꓐꓲꓺ ꓡꓰ ꓫꓬꓹ ꓟꓶ ꓡꓰ ꓔꓬꓹ ꓡꓳ= ꓮ ꓟꓶ ꓠꓬ ꓠꓽ ꓦꓬꓼ ꓠꓬꓲ ꓕꓯ ꓪꓽ ꓘꓴ ꓦꓲ ꓒꓴ ꓔ-0 ꓐꓰ ꓢꓷꓸ ꓪ ꓡꓳ=

(5) ꓗ-ꓐꓳ-ꓓꓲꓮ ꓗꓪ ꓪꓽ ꓘꓴ ꓦꓲ ꓕꓲꓽ ꓟ ꓒꓲꓼ ꓡꓰ ꓟ ꓧꓪꓹ ꓟꓶ ꓡꓰꓳ ꓐꓰ ꓢꓷꓸ ꓪ ꓡꓳ=ꓮ ꓠꓱ ꓕꓯ 1910 ꓗ ꓡꓯ ꓗ ꓙꓲ ꓕꓯ ꓟꓵꓽ ꓟ ꓙꓲ ꓟ ꓑꓶꓸ ꓓꓴ ꓔꓳꓮꓟ ꓗꓪ ꓫꓬꓹ ꓔ ꓟ ꓗ-ꓔꓳ-ꓡꓲꓗ ꓪꓽ ꓘꓴ ꓦꓲ ꓠꓬ ꓒꓲꓼ ꓡꓰꓳ= ꓑꓳꓽ ꓡꓯ ꓘꓳ ꓓꓶꓽ ꓡꓯ ꓘꓳ ꓟ ꓑꓶꓸ ꓓꓴ ꓘ ꓢꓴ ꓮꓙꓵꓽ ꓢꓴ ꓥˍ ꓟꓲ ꓘꓰ ꓑꓬꓹ ꓙꓰ ꓖꓴ ꓳ= ꓖꓳ ꓡꓱ ꓠꓬꓲ ꓪꓽ ꓘꓴ ꓦꓲ ꓕꓲꓽ ꓟ ꓡꓰ ꓙꓰ ꓓꓰꓡꓳ= ꓦꓬꓼ ꓠꓬꓲ ꓬꓲꓸ ꓙꓵ ꓖꓴ ꓡꓰ ꓕꓯ ꓦꓲ ꓖꓳ ꓟ ꓠꓬ ꓮ ꓠꓬꓲꓽ ꓦꓲ ꓒꓬꓱꓼ ꓬꓰꓳ= ꓖꓳ ꓡꓱ ꓥˍ ꓟꓲ ꓚꓺ ꓟꓲ ꓖꓳ ꓟ ꓔꓯ ꓢꓷꓸ ꓢꓴ ꓝꓮꓲꓸ ꓧꓪꓸ ꓕꓯ ꓠꓬ ꓮ ꓟꓶ ꓧꓪꓺ ꓟꓶ ꓡꓰꓳ= ꓮ
ꓟꓶ ꓠꓬ ꓝ ꓫꓬ ꓗꓷ ꓢꓲ ꓪꓽ ꓘꓴ ꓦꓲ ꓬꓰ ꓔ ꓡꓳ ꓐꓰ ꓢꓷꓸ ꓪ ꓡꓳ=