ꓟꓬ-ꓟ ꓗꓴꓷꓼ ꓗ-ꓔꓳ-ꓡꓲꓗ ꓘꓴ-ꓜꓲ-ꓞꓳ ꓔꓯ ꓧꓳ ꓪꓴꓸ ꓟꓳ ꓢꓴ ꓔꓲꓺ ꓒ ꓓ ꓐꓴ ꓡꓰ (Myanmar’s Catholic Bishops) ꓗꓪ ꓐꓰ Covid-19 ꓠꓯ ꓞꓲꓼ ꓪꓴꓸꓹ ꓠꓸꓹ ꓟ ꓒꓴ ꓫꓵꓸꓸ ꓬꓰ ꓙˍ ꓟ ꓓꓳꓽ=

ꓟꓬ-ꓟ ꓗꓴꓷꓼ ꓗ-ꓔꓳ-ꓡꓲꓗ ꓘꓴ-ꓜꓲ-ꓞꓳ ꓔꓯ ꓧꓳ ꓪꓴꓸ ꓟꓳ ꓢꓴ ꓔꓲꓺ ꓒ ꓓ ꓐꓴ ꓡꓰ (Myanmar’s Catholic Bishops) ꓗꓪ ꓐꓰ Covid-19 ꓠꓯ ꓞꓲꓼ ꓪꓴꓸꓹ ꓠꓸꓹ ꓟ ꓒꓴ ꓫꓵꓸꓸ ꓬꓰ ꓙˍ ꓟ ꓓꓳꓽ=

ꓟꓬ-ꓟ ꓗꓴꓷꓼ ꓗꓪ ꓗ-ꓔꓳ-ꓡꓲꓗ ꓘꓴ-ꓜꓲ-ꓞꓳ ꓔꓯ ꓧꓳ ꓪꓴꓸ ꓟꓳ ꓢꓴ ꓔꓲꓺ ꓒ ꓓ ꓐꓴ(Myanmar’s Catholic Bishops) ꓗꓪ ꓐꓰ Covid-19 ꓠꓯ ꓞꓲꓼ ꓪꓴ ꓠꓹ ꓟ 1 ꓦ ꓟ 26 ꓠꓬꓲ 2021 ꓕꓯ ꓠꓯ ꓞꓲꓼ ꓟꓸ ꓒ ꓐꓴ꓾ ꓡꓯꓽ ꓒꓯꓹ ꓗꓪ ꓬꓰ ꓙ ꓗꓷ ꓪ=

Covid-19 ꓠꓻ ꓫꓵꓽ ꓠꓬ ꓟꓬ-ꓟ ꓗꓴꓷꓼ ꓗꓪ ꓮꓽ ꓟꓬꓹ ꓒꓬꓱꓼ ꓔꓬ ꓟ ꓥ ꓡꓳ= ꓕꓲ ꓗꓴꓷꓼ ꓡꓱꓸꓼ ꓗꓪ ꓠꓸꓹ ꓫꓵꓽ ꓔꓯ ꓮ ꓟꓬꓹ ꓢꓯꓼ ꓕꓵꓼ ꓢꓲ ꓗꓽ ꓕꓸ ꓔꓬ ꓟ ꓥ ꓡꓳ= ꓠꓸꓹ ꓫꓵꓽ ꓗꓽ ꓕꓸ ꓠꓹ ꓟ ꓠꓯ ꓞꓲꓼ ꓠꓬ ꓮ ꓟꓬꓹ ꓬꓮꓳ ꓚꓵˍ ꓟ ꓥ ꓡꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ꓾ ꓠꓸꓹ ꓫꓵꓽ ꓗꓽ ꓕ ꓠꓹ ꓟ ꓠꓯ ꓞꓲꓼ ꓔꓯ ꓗꓴꓷꓼ ꓘꓴꓽ ꓗꓪ ꓟ ꓑ ꓫꓬ ꓐꓴ ꓪ ꓡꓰ ꓕꓯ Covid-19 ꓠꓸꓹ ꓫꓵꓽ ꓔꓯ ꓗꓽ ꓕ ꓓˍ ꓡꓳ꓾ ꓐꓰ ꓠꓯ ꓞꓲꓼ ꓟꓸ ꓒ ꓐꓴ ꓡꓰ ꓫꓸ ꓕꓱ ꓔˍ ꓡꓳ=

1 ꓦ ꓟ 26 ꓠꓬꓲ 2021 ꓘꓳꓼ ꓕꓯ ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓟ ꓠꓻ ꓫꓵꓽ ꓕꓱ ꓟ ꓠꓸꓹ ꓔꓬ ꓢꓴ ꓡ ꓞꓳ 137ꓹ957 ꓣꓳ ꓙꓳ ꓡꓰ ꓪ=

ꓠꓻ ꓫꓵꓽ ꓑꓶꓸ ꓓꓴ ꓫꓵꓻ ꓢꓴ ꓡ ꓞꓳ 3069 ꓣꓳ ꓙꓳ ꓡꓰꓳ꓾ ꓐꓰ ꓠꓯ ꓞꓲꓼ ꓦꓲꓻ ꓗꓪ ꓐꓰ ꓐꓯ ꓑꓶ ꓗꓷ ꓟ ꓠꓬ ꓗꓴꓷꓼ ꓘꓴ ꓗꓪ ꓠꓻ ꓫꓵ ꓠꓻ ꓔꓬ ꓢꓴ ꓡ ꓞꓳ 122ꓹ116 ꓣꓳ ꓙꓳ ꓡꓳ ꓐꓰ ꓠꓯ ꓞꓲꓼ ꓦꓲꓻ ꓗꓪ ꓐꓰ ꓐꓯ ꓑꓶ ꓔ ꓡꓳ=