ꓟꓬ-ꓟ ꓗꓴꓷꓼ ꓟꓬ-ꓪ-ꓓꓲ ꓡꓳ ꓒꓱ ꓗꓪ ꓬꓲꓻ ꓙꓬ ꓟꓶꓸ ꓡ ꓟ ꓓꓳꓽ

#creditphoto #the Ayewandy news #credittoowner #flooding #Myanmar

ꓟꓬ-ꓟ ꓗꓴꓷꓼ ꓟꓬ-ꓪ-ꓓꓲ ꓡꓳ ꓒꓱ ꓗꓪ ꓬꓲꓻ ꓙꓬ ꓟꓶꓸ ꓡ ꓟ ꓓꓳꓽ

2021 ꓘꓳꓼ 9 ꓦ 27 ꓠꓬꓲ ꓕꓯ ꓟꓬ-ꓟ ꓗꓴꓷꓼ ꓟꓬ-ꓪ-ꓓꓲ ꓡꓳ ꓒꓱ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓪꓴꓸ ꓠꓬꓲ ꓡꓳ ꓒꓱ ꓘꓴꓽ ꓗꓪ ꓬꓲꓻ ꓙꓬ ꓟꓶꓸ ꓗꓷꓳ= ꓠꓯꓼ 3 ꓙꓵꓹ ꓕꓯ ꓬꓲ ꓪꓴꓸ ꓬꓲꓻ ꓙꓬ ꓓꓵꓽ ꓡ ꓢꓲ ꓠꓬꓲ꓾ ꓡꓳ ꓒꓱ ꓘꓴꓽ ꓗꓪ ꓟ ꓘꓹ ꓮ ꓟꓬꓹ ꓗꓪ ꓬꓲꓻ ꓙꓬ ꓟꓶꓸ ꓡꓰ ꓗꓷ ꓟ ꓥꓳ= ꓞꓳ ꓦꓲꓻ (500) ꓦꓲꓻ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓬꓲꓻ ꓙꓬ ꓟꓽ ꓛꓲꓺ ꓡ ꓟ ꓟꓵꓽ ꓗꓪ ꓧꓳꓽ ꓗꓷ ꓪ꓾ ꓐꓰ ꓢꓷꓸ ꓪ ꓡꓳ= ꓝꓮꓲ ꓕꓱ ꓬꓲꓻ ꓙꓬ ꓟꓶꓸ ꓡ ꓟ ꓠꓬ ꓟꓶ ꓦ ꓦ ꓢꓲ ꓠꓬꓲ ꓟꓽ ꓥ꓾ ꓕꓮꓲꓸ ꓗꓴꓷꓼ ꓗꓪ ꓐꓰ ꓬꓲꓻ ꓙꓬ ꓓꓵꓽ ꓡ ꓟ ꓥ ꓡꓳ꓾ ꓐꓰ ꓑ ꓫꓬ ꓐꓴ ꓡꓰ ꓫꓸ ꓕꓱ ꓔ ꓡꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓟꓬ-ꓪ-ꓓꓲ ꓡꓳ ꓒꓱ ꓘꓴꓽ ꓗꓪ ꓔꓬ ꓟ ꓑ ꓫꓬ ꓐꓴ ꓤ ꓟꓳ ꓢꓲ ꓠꓬꓲ ꓔꓬ ꓓꓴ ꓬꓰ ꓡꓯ ꓐꓰ ꓢꓲꓽ ꓒ ꓐꓴ ꓡꓰ ꓐꓯ ꓑꓶ ꓔ ꓡꓳ꓾ ꓐꓰ The Irrawaddy Fb ꓗꓪ ꓐꓰ ꓢꓷꓸ ꓪ ꓡꓳ=

Add new comment

10 + 9 =