Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓬ-ꓟ ꓗ-ꓔꓳ-ꓡꓲ ꓞꓳ ꓤ ꓡꓰ “ꓥꓪ ꓠꓴ ꓠꓬ ꓮ ꓫꓵꓽˍ ꓟꓲ ꓬꓰ ꓟꓽ ꓐ ꓡ-ꓳ”
Thursday, November 18, 2021
ꓟꓬ-ꓟ ꓗ-ꓔꓳ-ꓡꓲ ꓞꓳ ꓤ ꓡꓰ “ꓥꓪ ꓠꓴ ꓠꓬ ꓮ ꓫꓵꓽˍ ꓟꓲ ꓬꓰ ꓟꓽ ꓐ ꓡ-ꓳ”
ꓟꓬ-ꓟ ꓗꓴꓷꓼ ꓗꓪ ꓞꓳ ꓙꓲꓽ ꓟꓯꓼ ꓡꓰ ꓙꓵꓽ ꓪ ꓦꓴꓹ ꓔꓯ ꓙꓰ ꓟ ꓑꓶꓸ ꓓꓴ ꓞꓳ ꓡꓱ ꓤ ꓮ ꓟꓬꓽˍ ꓟꓲ ꓫ ꓙꓵ ꓔꓬ ꓖꓴ ꓡꓳ= ꓥꓳ ꓡꓳꓸ ꓓꓴˍ ꓟꓲ ꓒꓲꓼ ꓬꓰ ꓔꓬꓹ ꓖꓴˍ ꓡꓳ=
ꓘ-ꓕꓴ ꓤ ꓟꓶ ꓡꓯꓸ ꓕꓲꓽ ꓣꓳ ꓥˍ ꓟ ꓟꓮꓲ ꓚꓡꓮꓣꓰ ꓠꓬ “ꓥꓪ ꓠꓴ ꓠꓬ ꓟꓲꓽ ꓙꓬ ꓢꓲ ꓙ ꓖꓴˍ ꓟꓲ ꓒꓲꓼ ꓬꓰ ꓳ ꓮ ꓡꓰ ꓬꓰ ꓠ ꓥ ꓟꓽ ꓢꓷꓸ” ꓐꓰ ꓐꓯˍ ꓡꓳ=
“ꓲ-ꓔ-ꓠꓮꓔˍ ꓟꓲ ꓟꓽ ꓙꓳ ꓟ ꓑꓶꓸ ꓓꓴ ꓮ ꓫꓵꓽˍ ꓟꓲ ꓬꓰ ꓟꓽ ꓠ-ꓳ ꓮ ꓫꓵꓽˍ ꓟꓲ ꓢꓳꓺ ꓟꓽ ꓠ-ꓳ” ꓐꓰ ꓐꓯˍ ꓡꓳ=”
ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓟ ꓞꓳ ꓡꓱ ꓤ ꓐꓴ ꓠꓬ꓾ ꓚꓲꓸ ꓛꓬ ꓢꓷꓸ ꓔ ꓟ ꓢꓷꓸ ꓠꓲꓹ꓾ ꓢꓯꓼ ꓪ ꓮ ꓙꓵꓽ ꓫ ꓙꓵ ꓟꓷ ꓙꓵ ꓔꓬꓹ ꓢꓴ ꓔꓯ ꓬꓰ ꓙ ꓔꓳꓹ ꓙ ꓔꓬˍ ꓖꓴ ꓡꓳ= ꓝꓮꓲꓸ ꓕꓲꓽ ꓐꓱ ꓟ ꓠꓬ ꓑꓓꓝ ꓟꓯꓼ ꓬꓰ ꓢꓲ ꓞꓳꓽ ꓙꓲꓽ ꓟꓯꓼ ꓪꓴꓸ ꓐꓴ ꓔꓯ ꓒꓳ ꓔꓳꓹ ꓔꓬˍ ꓖꓴ ꓡꓳ=
“ꓥꓪ ꓡꓰ ꓬꓲꓼ ꓟꓬ ꓘꓳ ꓔꓯ ꓟ ꓮ ꓙꓵꓽ ꓒꓲꓼ ꓬꓰꓳ= ꓥꓪ ꓬꓰ ꓠꓹ ꓟ ꓓꓵꓽ ꓙ ꓔ ꓫꓵꓽ ꓮ ꓟꓬꓹ ꓙꓳˍ ꓡꓳ= ꓖꓳ ꓟ ꓔꓯ ꓬꓰ ꓟꓽ ꓐ ꓡ-ꓳ ꓠꓲꓹ ꓟ ꓙꓬꓺ ꓙꓬꓺ ꓡꓰ ꓥꓳ” ꓐꓰ ꓟꓳ-ꓠꓲ-ꓗꓮ ꓟꓬꓱꓺ ꓔ ꓟ ꓤꓽ ꓟꓶꓼ ꓤ ꓕꓲꓽ ꓣꓳ ꓐꓯ ꓖꓶꓽ ꓡˍ ꓡꓳ=
Add new comment