ꓟꓬ-ꓟ ꓚꓴꓹ ꓡꓯ ꓘꓳꓹ ꓟ ꓗꓪ ꓓ ꓒ Awng La Nsang ꓠꓬ ꓧꓶꓽ ꓚꓴꓹ ꓡꓯ ꓘꓳ ꓒ Fan Rong ꓐꓰ ꓚꓴꓹ ꓡꓯ ꓘꓳ ꓠꓹ ꓟ ꓐꓱ ꓶ ꓮ ꓟꓬꓹ ꓙꓽ ꓖꓶ ꓔꓬ ꓡꓳ

ꓧꓶꓽ ꓚꓴꓹ ꓡꓯ ꓘꓳ ꓒ Fan Rong ꓐꓰ ꓚꓴꓹ ꓡꓯ ꓘꓳ ꓠꓹ ꓟ ꓐꓱ ꓶ ꓮ ꓟꓬꓹ ꓙꓽ ꓖꓶ ꓔꓬ ꓡꓳ꓾ ꓐꓰ Awng La Nsang ꓡꓰ ꓐꓯ ꓡꓳ=

Awng La Nsang ꓠꓬ ꓡ ꓠꓹ ꓟ 5 ꓦ 5 ꓠꓬꓲ ꓕꓯ Middle weight ꓑꓮꓲꓽ ꓗꓪ ꓧꓶꓽ ꓚꓴꓹ ꓡꓯ ꓘꓳ ꓒ Fan Rong ꓐꓰ ꓮ-ꓟꓰ-ꓣꓲ-ꓗ ꓗꓴꓷꓼ ꓗꓪ ꓚꓴꓹ ꓡꓯ ꓘꓳ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ= Awng La Nsang ꓡꓰ “ꓥꓪ ꓠꓬ ꓮ ꓘꓶꓸ ꓢꓯꓼ ꓕꓵꓼ ꓢꓲ ꓬꓰˍ ꓥꓳ꓾” ꓐꓰ ꓐꓯ ꓗꓷꓳ=

ꓛꓲꓺ ꓠꓲꓹ ꓕꓲ ꓘꓳꓼ 1 ꓦ 14 ꓠꓬꓲ ꓕꓯ ꓕꓯꓲꓹ ꓗꓴꓷꓼ꓾ ꓐꓮꓠꓗꓳꓗ ꓡꓳ ꓒꓱ ꓗꓪ ꓬꓰ ꓗꓷ ꓟ One Fight Night 6 ꓡꓰ ꓬꓰˍ ꓟ CatchWeight ꓗꓪ ꓠꓬ Awng La Nsang ꓡꓰ ꓐ-ꓣ-ꓜꓰꓹ ꓚꓴꓹ ꓡꓯ ꓘꓳ ꓒ Gilberto Galvoa ꓔꓯ ꓬꓲ ꓪꓴꓸ ꓕꓲ ꓧꓪꓹ ꓕꓯ ꓡꓰ ꓚꓴꓹ ꓧꓪꓸ ꓡꓰ ꓗꓷ ꓟ ꓥ ꓡꓳ=