ꓟꓮꓚꓧꓮꓠꓐꓮꓪ ꓡꓳ ꓒꓱ꓾ ꓠꓮꓟꓗꓧꓮꓟ ꓞꓳ ꓘꓹ ꓔꓶꓺ ꓔ ꓟ 100 ꓘꓳꓼ ꓐꓲ ꓡꓰ ꓢꓲ ꓫꓸ ꓟꓳ ꓑꓮꓲꓽ ꓬꓰ ꓗꓷꓳ

Friday, December 09, 2022

ꓟꓮꓚꓧꓮꓠꓐꓮꓪ ꓡꓳ ꓒꓱ꓾ ꓠꓮꓟꓗꓧꓮꓟ ꓞꓳ ꓘꓹ ꓔꓶꓺ ꓔ ꓟ 100 ꓘꓳꓼ ꓐꓲ ꓡꓰ ꓢꓲ ꓫꓸ ꓟꓳ ꓑꓮꓲꓽ ꓬꓰ ꓗꓷꓳ

ꓟꓮꓚꓧꓮꓠꓐꓮꓪ ꓡꓳ ꓒꓱ꓾ ꓠꓯꓟꓗꓧꓮꓟ ꓞꓳ ꓘꓹ ꓗꓪ ꓞꓳ ꓘꓹ ꓗꓳ-ꓟ-ꓔꓲ ꓐꓴ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓞꓳ ꓘꓹ ꓔꓶꓺ ꓔ ꓟ 100 ꓘꓳꓼ ꓐꓲˍ ꓟ ꓑꓮꓲꓽ ꓗꓪ ꓣꓱꓽ ꓛꓰꓽ ꓐꓱ ꓶ ꓫꓸ ꓟꓳˍ ꓟ ꓪꓽ ꓘꓴ ꓑꓮꓲꓽ ꓔꓯ 2022 ꓘꓳꓼ 12 ꓦ 7 ꓠꓬꓲ ꓕꓯ꓾ ꓬꓰ ꓓꓳ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓑꓮꓲꓽ ꓪꓽ ꓘꓴ ꓙꓵꓹ ꓠꓬ ꓟꓳꓼ ꓡꓳ 12ꓽ00-2ꓽ00 ꓙꓵꓹ ꓗꓪ ꓛꓲꓺ ꓥ ꓢꓲ꓾ ꓪꓽ ꓘꓴ ꓗꓷ ꓗ ꓠꓯꓸ ꓑꓮꓲꓽ ꓗꓪ ꓛꓲꓺ ꓡ ꓢꓴ ꓐꓴ ꓔꓯ ꓚ ꓟꓲꓽ ꓐꓳ ꓢꓴ ꓞꓳ ꓪꓴꓽ ꓲ-ꓓꓴꓸ-ꓕꓲ-ꓢꓯꓹ ꓡꓰ ꓞꓳ ꓘꓹ ꓚꓺ ꓟꓲꓽ ꓔꓯ ꓐꓯ ꓑꓶ ꓗꓷꓳ=

ꓪꓽ ꓘꓴ ꓑꓮꓲꓽ ꓗꓪ ꓣꓮꓪꓮꓠꓖ ꓡꓲꓽ ꓒꓰꓼ ꓗꓪ ꓟ ꓞꓳ ꓪꓴꓽ ꓞꓳ ꓔꓲꓺ ꓐꓴ꓾ ꓡꓳ ꓒꓱ ꓗꓪ ꓟ ꓙꓵꓽ ꓪ ꓞꓳ ꓢꓴ ꓐꓴ ꓐꓰ ꓑ ꓫꓬ 800 ꓣꓳ ꓛꓲꓺ ꓔꓺ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓟꓮꓚꓧꓮꓠꓐꓮꓪ ꓡꓳ ꓒꓱ꓾ ꓠꓮꓟꓗꓧꓮꓟ ꓞꓳ ꓘꓹ ꓗꓪ ꓠꓬ ꓞꓳ ꓦꓲꓻ 140 ꓦꓲꓻ ꓙꓳˍ ꓟ ꓥ ꓢꓲ꓾ ꓞꓳ ꓘꓹ ꓘꓴꓽ ꓗꓪ ꓮ ꓘꓶꓸ ꓐꓲˍ ꓟ ꓢꓧꓮꓣꓰ ꓪꓮꓠꓖ 7 ꓝꓸ ꓬꓲꓻ ꓙꓬ ꓙꓳˍ ꓟ ꓞꓳ ꓘꓹ ꓕꓲ ꓟ ꓥ ꓡꓳ=