ꓟꓰꓚꓚꓮ ꓡꓳ ꓒꓱ ꓗꓪ ꓟꓲ ꓞ ꓮ ꓟꓬ, ꓞ ꓡ ꓟ ꓪꓴ. ꓠꓬꓲ ꓪꓽ ꓘꓴ ꓠ, ꓟ ꓡ ꓢꓴ ꓟꓴꓢꓡꓲꓟ ꓙꓵꓻ ꓠꓲ, ꓔꓯ ꓦꓻ ꓡꓱ ꓢꓴ (1000) ꓣꓳ ꓫꓵꓻ ꓡꓰ ꓟ ꓓꓳꓽ (Over 1000 haj pilgrims die in extreme heat in Mecca)

ꓟꓰꓚꓚꓮ ꓡꓳ ꓒꓱ ꓗꓪ ꓟꓲ ꓞ ꓮ ꓟꓬ, ꓞ ꓡ ꓟ ꓪꓴ. ꓠꓬꓲ ꓪꓽ ꓘꓴ ꓠ, ꓟ ꓡ ꓢꓴ ꓟꓴꓢꓡꓲꓟ ꓙꓵꓻ ꓠꓲ, ꓔꓯ ꓦꓻ ꓡꓱ ꓢꓴ (1000) ꓣꓳ ꓫꓵꓻ ꓡꓰ ꓟ ꓓꓳꓽ (Over 1000 haj pilgrims die in extreme heat in Mecca)

6 ꓦ ꓟ 21 ꓠꓬꓲ 2024 ꓘꓳꓼ ꓔꓯ ꓢꓴ‐ꓓꓲ‐ꓮ‐ꓬꓯ‐ꓐꓲ ꓗꓴꓷꓼ ꓗꓪ ꓟꓰꓚꓚꓮ ꓡꓳ ꓒꓱ ꓗꓪ ꓟꓶ ꓞ ꓮ ꓟꓬ, ꓞ ꓡ ꓟ ꓪꓴ. ꓠꓬꓲ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓐꓰ ꓟꓴꓢꓡꓲꓟ ꓙꓵꓻ ꓠꓲ, ꓔꓯ ꓦꓻ ꓡꓰ (1000) ꓣꓳ ꓟꓽ ꓞꓲ ꓪꓽ ꓘꓴ ꓠ, ꓟ ꓐꓱ ꓶ ꓡ ꓟ ꓙꓵ, ꓕꓯ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓟꓴꓢꓡꓲꓟ ꓐꓴ ꓐꓱ ꓶ ꓟꓰꓚꓚꓮ ꓠꓬ ꓮ ꓘꓶ. ꓛꓲ ꓢꓲꓽ ꓫꓬ ꓡꓳ ꓒꓱ ꓥ ꓟ ꓪꓴ. ꓠꓬꓲ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓐꓰ ꓪꓽ ꓘꓴ ꓠ, ꓟ ꓐꓱ ꓶ ꓡ ꓢꓴ ꓮ ꓟꓬ, ꓔꓬ ꓟ ꓥ ꓡꓳ꓿ ꓰꓖꓬꓑꓔ ꓑ ꓫꓬ ꓐꓴ ꓠꓬ ꓟꓰꓚꓚꓮ ꓡꓳ ꓒꓱ ꓗꓪ ꓪꓽ ꓘꓴ ꓠ, ꓟ ꓐꓱ ꓶ ꓙꓰ ꓟ ꓙꓵ, ꓕꓯ ꓪꓽ ꓘꓴ ꓢꓴ (600) ꓣꓳ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ 

ꓕꓱ ꓡꓰ ꓗꓷ ꓡꓰ ꓟ ꓠꓬ ꓟꓰꓚꓚꓮ ꓡꓳ ꓒꓱ ꓗꓪ ꓟꓶ ꓞ ꓞ ꓟ (51) ꓢꓲ‐ꓓꓲ‐ꓗ‐ꓣꓲ ꓕꓯ ꓢꓲ ꓙꓳˍ ꓡꓰ ꓟ ꓪꓴ. ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓐꓰ ꓫꓵꓻ ꓡꓰ ꓑ ꓫꓬ ꓐꓴ ꓮ ꓙꓵꓽ ꓮ ꓟꓬ, ꓙꓳˍ ꓟ ꓔꓯ ꓮ ꓟꓶ ꓟ ꓙꓵ, ꓗꓪ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓟꓽ ꓐꓯ ꓔ ꓢꓰ ꓐꓰ ꓐꓯ ꓔ ꓡꓳ꓿

ꓕꓱ ꓡꓰ ꓐꓰ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓫꓵꓻ ꓟꓳ ꓔꓯ ꓰꓑꓬꓑꓔ ꓗꓴꓷꓼ ꓙꓵꓽ ꓪ ꓙꓳˍ ꓢꓴ ꓐꓴ ꓔꓯ ꓖꓶ ꓠ, ꓟ ꓬꓰ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓰꓚꓚꓮ ꓗ  ꓡ ꓢꓴ ꓑ ꓫꓬ ꓐꓴ ꓠꓬ ꓟꓮꓡꓮꓬꓢꓲꓮ꓾ ꓲꓠꓓꓳꓠꓰꓢꓲ ꓙꓳꓣꓓꓮꓠ ꓑꓮꓗꓲꓢꓔꓮꓠ ꓔꓴꓠꓲꓢꓲꓮ ꓗꓴꓷꓼ ꓐꓰ ꓲꓠꓓꓲꓮ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓴꓢꓡꓲꓟ ꓙꓵꓻ ꓠꓲ, ꓔꓯ ꓦꓻꓡꓱ ꓢꓴ ꓐꓴ ꓐꓱ ꓶ ꓟꓰꓚꓚꓮ ꓠꓬ ꓬꓲ ꓪ ꓢꓯ. ꓔꓬ ꓟ ꓤꓶꓻ ꓗꓪ ꓕꓲ ꓧꓪ, ꓛꓲ ꓠ ꓗꓪ ꓛꓲ ꓢꓯꓼ ꓕꓵꓼ ꓢꓲ ꓠꓬꓲ ꓪꓽ ꓘꓴ ꓠ, ꓟ ꓙꓰ ꓥ ꓡꓳ ꓐꓰ (ꓦꓮꓔꓲꓚꓮꓠ ꓠꓰꓪꓢ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

ꓐꓲ‐ꓔꓲ ꓗꓴꓷꓼ ꓗꓪ ꓗ‐ꓔꓳ‐ꓡꓲꓗ ꓔꓲꓺ ꓒ ꓬꓲ ꓫꓵꓼ (106) ꓣꓳ ꓔꓲꓺ ꓒ ꓙꓵꓽ ꓪ ꓘꓳꓼ ꓣꓴ ꓪ ꓡꓰ ꓟ ꓓꓳꓽ