ꓟꓲ‐ꓚꓲ‐ꓠ ꓐ ꓡꓳ ꓒꓱ ꓟꓲ‐ꓠ ꓞꓳ ꓘ, ꓗꓪ ꓲ‐ꓬ‐ꓪ‐ꓓꓲ ꓬꓲꓻ ꓙꓬ ꓬꓲ ꓟ ꓒ ꓕꓲ ꓗꓪ ꓔꓬ ꓢꓴ ꓑ ꓫꓬ ꓦꓲꓻ (17) ꓦꓲꓻ ꓕꓯ ꓢꓲ ꓠꓬꓲ ꓐꓬ ꓡꓰ ꓢꓲ ꓠꓬꓲ ꓝꓮꓲ ꓦꓲꓻ ꓫꓵꓼ ꓫꓬ, ꓖꓶ ꓠ, ꓟ ꓬꓰ ꓙ ꓢꓴ ꓣꓱ ꓬꓯꓼ ꓔꓬ ꓟ (Local news)

Monday, July 15, 2024

ꓟꓲ‐ꓚꓲ‐ꓠ ꓐ  ꓡꓳ ꓒꓱ ꓟꓲ‐ꓠ ꓞꓳ ꓘ, ꓗꓪ ꓲ‐ꓬ‐ꓪ‐ꓓꓲ ꓬꓲꓻ ꓙꓬ ꓬꓲ ꓟ ꓒ ꓕꓲ ꓗꓪ ꓔꓬ ꓢꓴ ꓑ ꓫꓬ ꓦꓲꓻ (17) ꓦꓲꓻ ꓕꓯ ꓢꓲ ꓠꓬꓲ ꓐꓬ ꓡꓰ ꓢꓲ ꓠꓬꓲ ꓝꓮꓲ ꓦꓲꓻ ꓫꓵꓼ ꓫꓬ, ꓖꓶ ꓠ, ꓟ ꓬꓰ ꓙ ꓢꓴ ꓣꓱ ꓬꓯꓼ ꓔꓬ ꓟ

7 ꓦ ꓟ 12 ꓠꓬꓲ 2024 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓗꓴꓷꓼ ꓟꓲ‐ꓠ ꓘꓳ, ꓘ ꓗꓪ ꓲ‐ꓬ‐ꓪ‐ꓓꓲ ꓬꓲꓻ ꓟ ꓡꓳ ꓒ ꓕꓲ ꓗꓪ ꓔꓬ ꓢꓴ ꓑ ꓫꓬ ꓦꓲꓻ (17) ꓦꓲꓻ ꓕꓯ ꓢꓲ ꓐꓬ ꓡꓰ ꓢꓲ ꓠꓬꓲ ꓝꓮꓲ ꓫꓬ, ꓠ, ꓟ ꓬꓰ ꓙ ꓔꓳ, ꓙ ꓢꓴ ꓣꓱ ꓬꓯꓼ ꓣꓱ ꓞ ꓔꓬ ꓟ ꓡꓳ ꓐꓰ ꓢꓷ. ꓪ ꓡꓳ꓿

ꓕꓱ ꓐꓬ ꓡꓰ ꓦꓲꓻ ꓢꓲꓺ ꓒ ꓐꓴ ꓠꓬ ꓕꓲ ꓠꓬꓲ ꓪꓽ ꓒꓴ ꓕꓲ ꓠꓬꓲ ꓜ ꓢꓴ ꓐꓴ ꓥ ꓟ ꓪꓴ. ꓠꓬꓲ ꓝꓮꓲ ꓦꓲꓻ ꓫꓬ, ꓠ ꓟ ꓮ ꓘꓶ. ꓫ. ꓢꓴ ꓐꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓫ ꓢꓴ ꓟꓷ ꓢꓴ ꓐꓴ ꓠꓬ ꓕꓲ ꓞꓲ ꓒꓵꓽ ꓠꓽ ꓔ ꓢꓲ ꓠꓬꓲ ꓫꓬ, ꓔ ꓟ ꓦꓲꓻ ꓥ ꓢꓲ ꓠꓬꓲ ꓕꓱ ꓦꓲꓻ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓐꓬ ꓡꓰ ꓟ ꓪꓴ. ꓠꓬꓲ ꓮ ꓘꓶ. ꓫ. ꓓꓴ ꓟꓷ ꓢꓴ ꓔꓳ, ꓜꓳ ꓔꓬ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓡꓳ꓿

ꓝꓮꓲ ꓡꓳ ꓒꓱ ꓙꓵꓽ ꓪ ꓙꓳˍ ꓢꓴ ꓐꓴ ꓔꓯ ꓐꓬ ꓡꓰ ꓦꓲꓻ ꓔꓯ ꓝꓮꓲ ꓫꓬ, ꓖꓶ ꓡ ꓠ, ꓟ ꓓꓰꓽ ꓔ ꓡꓳ ꓐꓰ ꓐꓯ ꓔ ꓡꓳ꓿ꓗꓳ. ꓗꓷ ꓟ 6 ꓦ ꓟ 30 ꓠꓬꓲ ꓗꓪ ꓟꓲ‐ꓛꓲ‐ꓠ ꓡꓳ ꓒꓱ ꓘꓴꓽ ꓮ ꓟꓬ ꓗꓪ ꓬꓲꓻ ꓙꓬ ꓙꓵꓽ ꓡ ꓢꓲ ꓠꓬꓲ ꓑ ꓫꓬ ꓐꓴ ꓮ ꓟꓬ, ꓛꓲ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓡꓰꓳ꓿ ꓟꓲ‐ꓛꓲ‐ꓠ ꓡꓳ ꓒꓱ ꓘꓴꓽ ꓞꓳ ꓘ, ꓮ ꓟꓬ, ꓗꓪ ꓬꓲꓻ ꓙꓬ ꓙꓵꓽ ꓟꓶ ꓡꓰ ꓟ ꓙꓳˍ ꓡꓳ ꓐꓰ (Myitkyina News Journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

Add new comment

2 + 6 =

Quick Links