ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓢꓲ‐ꓔ‐ꓐꓴ ꓗ‐ꓕꓳ‐ꓡꓲꓗ ꓪꓽ ꓘꓴ ꓦꓲꓻ ꓐꓱ ꓘꓴꓽ ꓗꓪ ꓟꓲ ꓠꓯ ꓢꓷ. ꓠꓲ, ꓢꓳ ꓔꓶ. ꓒꓴ ꓗꓷ ꓟ ꓓꓳꓽ

ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓢꓲ‐ꓔ‐ꓐꓴ ꓗ‐ꓕꓳ‐ꓡꓲꓗ ꓪꓽ ꓘꓴ ꓦꓲꓻ ꓐꓱ ꓘꓴꓽ ꓗꓪ ꓟꓲ ꓠꓯ ꓢꓷ. ꓠꓲ, ꓢꓳ ꓔꓶ. ꓒꓴ ꓗꓷ ꓟ ꓓꓳꓽ

8 ꓦ 15 ꓠꓬꓲ ꓠꓯꓼ 9 ꓙꓵ, ꓕꓯ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓢꓲ‐ꓔ‐ꓐꓴ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲꓻ ꓐꓱ ꓘꓴꓽ ꓗꓪ Student Learning Resources Center (SLRC) ꓢꓷ. ꓠꓲ, ꓕꓳ ꓶ ꓟ. ꓔꓶ. ꓒꓴ ꓗꓷꓳ ꓐꓰ ꓢꓷ. ꓪ ꓡꓳ꓿ ꓕꓱ ꓢꓷ. ꓠꓲ ꓢꓳꓻ ꓔꓶ. ꓗꓪ ꓟꓲ ꓠꓯ ꓢꓷ. ꓠꓲ, ꓮ ꓟꓬ, ꓫꓵꓽ ꓔꓯ ꓟ. ꓖꓶ ꓓꓴ ꓥꓳ ꓐꓰ ꓐꓯ ꓖꓶ ꓔ ꓡꓳ꓿ ꓢꓷ. ꓠꓲ, ꓢꓳ ꓜꓲꓼ ꓓꓴ ꓔꓯ ꓧꓳꓽ ꓪꓴ. ꓟꓴ ꓢꓴ ꓠꓬ ꓒꓲ‐ꓡꓲ‐ꓒꓲ ꓗꓴꓷꓼ ꓗꓪ ꓐꓰ ꓔꓲꓺ ꓒ Kurt Zion Pala ꓥ ꓡꓳ꓿ꓕꓱ ꓢꓷ. ꓠꓲ, ꓢꓳ ꓜꓲꓼ ꓔꓶ. ꓗꓪ ꓘꓴ ꓜꓲꓼ ꓞꓳ ꓟꓽ ꓘꓶꓽ꓾ ꓞꓳ ꓫꓵꓽ ꓟꓽ ꓘꓶꓽ ꓢꓳ ꓣꓴ ꓪ ꓓ ꓡꓳ꓿ ꓢꓳ ꓜꓲꓼ ꓔꓶ. ꓗꓪ ꓢꓳ ꓡ ꓢꓴ ꓢꓳ ꓤ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓐꓰ ꓚꓲ ꓛꓬ ꓠꓲ, ꓟ ꓐ, ꓟ ꓢꓷ. ꓠꓲ, ꓔꓯ ꓟ. ꓖꓶ ꓓꓴ ꓥꓳ ꓐꓰ ꓢꓷ. ꓪ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓢꓳ ꓦꓲꓻ ꓙꓰ ꓠ, ꓟ ꓫ ꓔꓬ ꓢꓴ ꓐꓴ ꓢꓳ ꓤ ꓐꓴ ꓔꓯ ꓢꓷ. ꓠꓲ, ꓟ. ꓖꓶ ꓠ, ꓟ ꓔꓶ ꓙꓱꓼ ꓛ, ꓢꓲ ꓠꓬꓲ ꓒꓴ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓦꓲꓻ ꓘꓴꓽ ꓗꓪ ꓮ ꓔꓳ ꓔꓳ ꓔꓬ ꓟ ꓞꓳ ꓡꓱ ꓞꓳ ꓡꓯ. ꓐꓴ ꓢꓳ ꓜꓲꓼ ꓔꓶ. ꓗꓪ ꓡꓯ꓾ ꓠꓴ ꓤꓶꓻ ꓐꓱ ꓶ ꓙꓲꓻ ꓖꓴꓽ ꓙꓳ ꓟ ꓢꓷ. ꓠꓲ, ꓔꓯ ꓘꓳ ꓣꓴ ꓟꓶ ꓓꓴ ꓥꓳ ꓐꓰ ꓐꓯ ꓖꓶ ꓔ ꓡꓳ꓿