Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓲ-ꓚꓲ-ꓠ ꓗꓪ ꓟ ꓟꓯꓼ ꓛꓰꓹ ꓑꓬ ꓢꓴ 600 ꓣꓳ ꓛꓲꓺ ꓚꓲꓸ ꓛꓬ ꓔꓬ ꓟꓵꓽ ꓗꓪ ꓬꓲꓼ ꓙꓰˍ ꓟ
ꓟꓲ-ꓚꓲ-ꓠ ꓗꓪ ꓟ ꓟꓯꓼ ꓛꓰꓹ ꓑꓬ ꓢꓴ 600 ꓣꓳ ꓛꓲꓺ ꓚꓲꓸ ꓛꓬ ꓔꓬ ꓟꓵꓽ ꓗꓪ ꓬꓲꓼ ꓙꓰˍ ꓟFriday, May 27, 2022
ꓗ-ꓛꓲ ꓗꓴꓷꓼ ꓫꓴ ꓟꓲ-ꓚꓲ-ꓠꓽ ꓡꓳ ꓒꓱ ꓗꓪ 11 ꓘꓳꓼ ꓛꓲꓺ ꓛꓰꓹ ꓑꓬ ꓔꓬ ꓟ ꓑ ꓫꓬ 600 ꓣꓳ ꓛꓲꓺ ꓠꓬ ꓥꓪꓽ ꓦ 25 ꓠꓬꓲ ꓠꓯꓼ ꓕꓯ ꓚꓲꓸ ꓛꓬ ꓔꓬ ꓖꓴ ꓟꓵꓽ ꓗꓪ ꓬꓲꓼ ꓙꓰ ꓗꓷꓳ꓾ ꓐꓰ ꓟꓯꓼ ꓛꓰꓹ ꓑꓬ ꓢꓴ ꓔꓯ ꓬꓰ ꓙ ꓔꓬ ꓟ ꓗ-ꓛꓲ ꓖꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ ꓜꓴꓻ KBC ꓡꓰ ꓐꓯ ꓡꓳ=
ꓓꓶꓽ ꓡꓯ ꓘꓳ ꓢꓰꓼ ꓡꓯ ꓘꓳꓹ ꓟ ꓪꓴꓸ ꓠꓬꓲ ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓛꓰꓹ ꓑꓬ ꓔꓬ ꓗꓷ ꓟ ꓑ ꓫꓬ ꓕꓲ ꓫꓬꓹ ꓟꓽ ꓛꓲꓺ ꓘꓴꓽ ꓗꓪ ꓐꓰ 600 ꓣꓳ ꓛꓲꓺ ꓬꓲ ꓪ ꓔꓬ ꓟꓵꓽ ꓗꓪ ꓬꓲꓼ ꓙꓰ ꓐ ꓡˍ ꓟ ꓥ ꓡꓳ꓾ ꓐꓰ KBC ꓜꓴꓻ ꓢꓽ ꓡ ꓙꓵꓽ Dr. Hka Lam Samsun ꓡꓰ ꓐꓯ ꓡꓳ=
ꓮ ꓟꓶ ꓬꓲ ꓪ ꓔꓬ ꓟꓵꓽ ꓗꓪ ꓬꓲꓼ ꓙꓰ ꓗꓷ ꓢꓴ ꓐꓴ ꓠꓬ ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓙꓳˍ ꓟ ꓙꓬ-ꓟꓮꓲ-ꓗꓮꓳ ꓐꓰ ꓟꓯ-ꓘꓰꓠ ꓢ-ꓬ-ꓗ-ꓕꓮꓳ ꓐꓯ-ꓔ-ꓡꓲ ꓟꓯꓼ ꓛꓰꓹ ꓑꓬ ꓔꓶꓸ ꓗꓪ ꓔꓬ ꓢꓴ ꓥ ꓢꓲ ꓬꓲ ꓪ ꓔꓬ ꓖꓴ ꓥ ꓟ ꓬꓰ-ꓚꓬꓲ꓾ ꓗꓮꓳ-ꓣ꓾ ꓔꓮꓲ-ꓡꓯꓠꓸ꓾ ꓦꓳ-ꓗꓯꓸ ꓘꓹ ꓐꓴ ꓗꓪ ꓬꓲꓼ ꓙꓰ ꓗꓷ ꓟ ꓥ ꓡꓳ= ꓬꓲ ꓪ ꓠꓬ ꓗꓳꓸ ꓗꓷ ꓟ 2011 ꓘꓳꓼ ꓕꓯ ꓟꓯꓼ ꓐꓰ KIA ꓐꓴ ꓠꓬꓲꓽ ꓗꓴꓸ ꓚꓸꓼ ꓗꓪ ꓓꓶꓽ ꓡꓯ ꓘꓳˍ ꓟ ꓪꓴꓸ ꓠꓬꓲ ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓛꓰꓹ ꓑꓬ ꓡ ꓟ ꓥ ꓡꓳ꓾ ꓐꓰ RFA ꓓꓳꓽ ꓗꓪ ꓐꓯ ꓔ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment