ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓞꓳ ꓦꓲꓻ 2 ꓢꓶꓽ ꓮ ꓔꓳꓸ ꓐꓬ ꓗꓷꓳ

ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓞꓳ ꓦꓲꓻ 2 ꓢꓶꓽ ꓮ ꓔꓳꓸ ꓐꓬ ꓗꓷꓳ (Photo: The 74 Media)
Wednesday, March 22, 2023

ꓮ ꓟꓰ ꓟꓶꓼ ꓘꓶꓽ 7ꓽ00 ꓙꓵꓹ ꓛꓲꓺ ꓕꓯ꓾ ꓟꓲ-ꓚꓲ-ꓠ ꓡꓳ ꓒꓱ ꓢꓲ-ꓔ-ꓑꓴ ꓘꓹ ꓗꓪ ꓞꓳ ꓤ ꓔꓬ ꓦꓲꓻ 2 ꓢꓶꓽ ꓮ ꓔꓳꓸ ꓐꓬ ꓢꓲ ꓐꓬ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓙ-ꓑ ꓙ ꓖꓴ ꓐꓰ ꓘꓴˍ ꓟ ꓓꓴ-ꓪ-ꓜꓮꓪ-ꓣꓲ ꓙ ꓖꓴ ꓗꓪ ꓟ ꓦꓲꓻ ꓕꓲ ꓦꓲꓻ ꓗꓪ ꓑꓱꓸ ꓛꓵꓽ꓾ ꓦꓲꓻ ꓫꓵ ꓑꓱꓸ ꓮ ꓔꓳꓸ ꓛꓴˍ ꓟ ꓗꓪ ꓐꓰ ꓦꓲꓻ ꓗꓪ ꓮ ꓔꓳꓸ ꓐꓬ ꓗꓷ ꓟ ꓥ ꓢꓲ꓾ ꓝꓮꓲ ꓕꓲ ꓦꓲꓻ ꓗꓪ ꓮ ꓔꓳꓸ ꓝꓲꓸ ꓙꓰ ꓢꓲ ꓐꓬ ꓗꓷ ꓟ ꓥ ꓡꓳ꓾ ꓐꓰ ꓬꓰ ꓙ ꓢꓴ ꓜꓴꓻ ꓗꓪ ꓟ ꓐꓯ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=

ꓦꓲꓻ ꓢꓴ ꓐꓴ ꓠꓬ ꓦꓲꓻ ꓗ ꓠꓯꓸ ꓢꓲ ꓗꓪ ꓑꓱꓸ ꓛꓵꓽ ꓐꓴ ꓔꓯ ꓮ ꓔꓳꓸ ꓛꓴꓻ ꓗꓷ ꓢꓲ ꓬꓲ ꓐꓽ ꓗꓪ ( ꓦꓲ ꓢꓳꓸ ꓟꓸ) ꓗꓪ ꓙꓰ ꓗꓷ ꓟ ꓥ ꓡꓳ= ꓛꓴꓻ ꓔ ꓟ ꓮ ꓔꓳꓸ ꓠꓬ ꓦꓲꓻ ꓗꓪ ꓛꓲꓺ ꓐꓬ ꓡꓰ ꓢꓲ ꓦꓲ ꓕꓲ ꓚꓳ ꓡꓳ ꓢꓴ ꓐꓴ ꓡꓰ ꓢꓰꓼ ꓙˍ ꓥˍ ꓟꓲ ꓢꓰꓼ ꓟꓽ ꓐ ꓡ꓾ ꓒ ꓕꓲ ꓗꓪ ꓟ ꓦꓲꓻ ꓗꓪˍ ꓟꓲ ꓮ ꓔꓳꓸ ꓐꓬ ꓡꓰ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓮ ꓔꓳꓸ ꓐꓬˍ ꓟ ꓗꓪ ꓮ ꓔꓳꓸ ꓢꓰꓼ ꓟꓳ ꓓꓳ 10 ꓒ ꓡꓰ ꓫꓵꓽ ꓫꓵ ꓕꓲ ꓐꓶꓽ ꓛꓲꓺ ꓢꓰꓼ ꓗꓷ ꓪ ꓡꓰꓳ꓾ ꓐꓰ ꓢꓲ-ꓔ-ꓑꓴ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ

Add new comment

5 + 8 =

Quick Links