ꓟꓲ-ꓚꓲ-ꓠ ꓢ-ꓢꓶ-ꓠ ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓮ ꓟꓰ ꓠꓽ-ꓠꓬꓲ-ꓠꓬꓲ ꓕꓯ ꓢꓲꓽ ꓫꓬ ꓟ ꓟꓰ ꓞꓶꓻ ꓔꓯ ꓪꓽ ꓘꓴ ꓔꓲˍ ꓟ ꓐꓰ ꓔꓲꓺ ꓒ ꓐꓴ ꓪꓵꓼ ꓘꓶꓽ ꓗꓷ ꓔ ꓟ ꓔꓯ ꓚꓲꓸ ꓟꓶ ꓓꓴ ꓟꓲ‐ꓢ ꓬꓰ ꓗꓷ ꓟ

4 ꓦ ꓟ 4 ꓠꓬꓲ 2023 ꓘꓳꓼ꓾ ꓮ ꓟꓰ ꓠꓯꓼ 7ꓽ00 ꓙꓵ, ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓟꓲ‐ꓚꓲ‐ꓠ ꓡꓳ ꓒꓱ ꓢꓔ. ꓚꓳꓡꓴꓟꓐꓮꓠ ꓪꓽ ꓘꓴ ꓦꓲꓻ ꓗꓪ ꓔꓲꓺ ꓒ ꓐꓴ ꓡꓰ ꓠꓻ ꓢꓴ ꓒꓬꓽ ꓢꓴ ꓐꓴ ꓔꓯ ꓟꓰ ꓞꓶꓻ ꓟꓰ ꓖꓶ ꓓꓴ ꓔꓯ ꓪꓽ ꓘꓴ ꓔꓲꓺ ꓖꓶ ꓗꓷꓳ꓿ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓗꓪ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓟ ꓔꓲꓺ ꓒ ꓓꓽ ꓐꓴ ꓐꓰ ꓔꓲꓺ ꓒ ꓐꓴ ꓡꓰ ꓬꓰ ꓗꓷ ꓟ ꓥ ꓡꓳ꓿

ꓟꓲ-ꓢ ꓪꓽ ꓘꓴˍ ꓟ ꓗꓪ ꓔꓲꓺ ꓒ ꓓꓽ Cardinal Charles Mg Bo ꓡꓰ ꓟꓲ-ꓢ ꓕꓱ ꓟ ꓠꓬ ꓟꓰ ꓞꓶꓻ ꓐꓴ ꓔꓯ ꓶꓼ ꓥꓳ ꓙꓱꓽ ꓪꓽ ꓘꓴ ꓔꓲ ꓖꓶˍ ꓟ ꓡꓰꓽ ꓟꓽ ꓞꓲꓺ꓾ ꓔꓲ ꓒ ꓐꓴ ꓬꓲ ꓪ ꓔꓲꓺ ꓒ ꓙꓵꓽ ꓪ ꓘꓳꓹ ꓣꓴˍ ꓕꓯ ꓪꓴ-ꓢ ꓟꓲꓽ ꓙꓬꓼ ꓞꓳ ꓤ ꓟꓲꓽ ꓙꓬꓼ ꓪꓵꓼ ꓗꓷ ꓟ ꓪꓵꓼ ꓘꓶꓽ ꓐꓴ ꓔꓯ ꓝꓮꓲ ꓕꓲ ꓧꓪꓹ ꓬꓰˍ ꓟ ꓚꓲꓸ ꓟꓶ ꓓꓴ ꓟꓲ-ꓢ ꓥ ꓡꓳ= ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ ꓥˍ ꓟꓲ ꓚꓲꓸ ꓛꓬ ꓔꓲꓺ ꓒ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶ ꓠ ꓔ ꓟ ꓠꓬꓲ ꓥ ꓡꓳ=” ꓐꓰ ꓐꓯ ꓗꓷꓳ=

ꓟꓰ ꓞꓶꓻ ꓔꓯ ꓪꓽ ꓘꓴˍ ꓟ ꓬꓲ. ꓔꓲꓻ ꓙꓱꓼ ꓠꓬ ꓖꓳ ꓓꓱꓽ ꓔꓲ, ꓗꓷ ꓢꓲ ꓠꓬꓲ ꓪꓴ‐ꓢ ꓤ ꓠꓱ ꓒꓬꓱꓼ ꓡ ꓟ ꓐꓰ ꓢꓲꓽ ꓫꓬ ꓟ ꓦꓻ ꓪꓴ‐ꓢ ꓗꓪ ꓐꓰ ꓡꓯꓼ ꓫꓴꓻ ꓔꓯ ꓘꓳ, ꓣꓴ ꓟꓶˍ ꓟ ꓦꓬꓼ ꓠꓬꓲ ꓥ ꓡꓳ꓿ ꓔꓲꓺ ꓒ ꓐꓴ ꓠꓬ ꓟꓷꓽ ꓠꓷ, ꓝ. ꓢꓴ ꓐꓴ ꓥ ꓡꓳ꓾ ꓐꓯ ꓟ ꓔꓯ ꓢꓷ. ꓠ, ꓟ ꓟꓰ ꓞꓶꓻ ꓔꓯ ꓶꓼ ꓥꓳꓽ ꓙꓱꓽ ꓪꓽ ꓘꓴ ꓔꓲꓺ ꓔ ꓟ ꓥ ꓡꓳ꓿

ꓔꓲꓺ ꓒ ꓐꓴ ꓠꓬ ꓘꓴ ꓜꓲꓼ ꓞꓳ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓮ ꓕꓯ ꓟꓲ ꓢꓲꓺ ꓒ ꓬꓰ‐ꓢꓴˍ ꓡꓰ ꓐꓰ ꓧꓳꓽ ꓣꓱꓽ ꓠ, ꓟ ꓔꓯ ꓪꓵꓼ ꓘꓶꓽ ꓗꓷ ꓔ ꓟ ꓥ ꓡꓳ꓿