ꓟꓲ-ꓜꓳ-ꓣꓯꓟ ꓟꓴꓺ ꓕꓲꓸ ꓢꓳꓺ ꓦꓲ ꓗꓪ ꓟꓬ-ꓟ ꓥꓳꓽ ꓢꓷꓸ ꓠꓲꓹ ꓟ ꓐꓱ ꓶ ꓙ ꓖꓶꓽ ꓔꓬ ꓟ

Friday, September 23, 2022

ꓟꓲ-ꓜꓳ-ꓣꓯꓟ ꓟꓴꓺ ꓕꓲꓸ ꓢꓳꓺ ꓦꓲ ꓗꓪ ꓟꓬ-ꓟ ꓥꓳꓽ ꓢꓷꓸ ꓠꓲꓹ ꓟ ꓐꓱ ꓶ ꓙ ꓖꓶꓽ ꓔꓬ ꓟ

ꓟꓬ-ꓟ ꓟꓯꓼ ꓛꓰꓹ ꓑꓬ ꓢꓴ ꓬꓲ ꓪꓸ ꓟꓽ ꓛꓲꓺ ꓛꓰꓹ ꓑꓬ ꓔꓬ ꓟ ꓲ-ꓓꓲ-ꓬ ꓗꓴꓷꓼ ꓐꓶ ꓓꓳ ꓖꓴ ꓟꓶꓸ ꓟꓲ-ꓜꓳ-ꓣꓯꓟ ꓗꓴꓷꓼ ꓫꓴ ꓗꓪ ꓙꓳˍ ꓟ ꓟꓲ-ꓜꓳ-ꓣꓯꓟ ꓟꓴꓺ ꓕꓲꓸ ꓢꓳꓺ ꓦꓲ ꓗꓪ ꓓꓲ-ꓑ-ꓡꓳ-ꓟ ꓖꓶˍ ꓟ ꓟꓬ-ꓟ ꓥꓳꓽ ꓢꓳꓺ ꓓꓴ ꓔꓯ ꓡ ꓠꓹ ꓟ ꓞꓲꓺ ꓦ ꓕꓯ +ꓪꓴꓸ ꓔꓴ ꓢꓲ ꓟꓸ ꓖꓶ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓚꓧꓲꓠ ꓟꓴꓺ ꓕꓲ ꓢꓳ ꓦꓲ ꓲꓚꓮ ꓐꓰ ꓟꓲ-ꓜꓳ-ꓣꓯꓟ ꓟꓴꓺ ꓕꓲ ꓢꓳꓺ ꓦꓲ ꓟꓜꓴ ꓐꓴ ꓡꓰ ꓙ ꓖꓶ ꓔ ꓟ ꓟꓬ-ꓟ ꓥꓳꓽˍ ꓐꓰ ꓙ ꓡꓯ ꓘꓳꓹ ꓐ ꓡˍ ꓟ ꓚꓱꓹ ꓔꓯ ꓟꓳꓸ ꓢꓷꓸ ꓠꓲꓹ ꓔꓯ ꓟꓸ ꓖꓶ ꓓꓴ ꓥꓳ ꓐꓰ ꓟꓴꓺ ꓕꓲꓸ ꓢꓳꓺ ꓦꓲ ꓠꓬꓲꓽ ꓟ ꓡꓱꓸꓼ ꓗꓪ ꓐꓯ ꓑꓶ ꓔ ꓡꓳ=

ꓟꓲ-ꓜꓳ-ꓣꓯꓟ ꓗꓴꓷꓼ ꓫꓴ ꓠꓬ ꓟꓬ-ꓟ ꓗꓴꓷꓼ ꓐꓰ ꓡꓳ ꓔ 300 ꓟꓽ ꓞꓲꓺ ꓕꓲꓺ ꓓꓹ ꓟ ꓗꓴꓷꓼ ꓫꓴ ꓥ ꓢꓲ꓾ ꓟꓬ-ꓟ ꓗꓴꓷꓼ ꓗꓪ ꓗꓴꓷꓼ ꓫꓵꓽ ꓪꓴ ꓓꓳꓻ ꓡ ꓗꓷ ꓗ ꓠꓯꓸꓼ ꓖꓳ ꓗꓪ ꓟꓬ-ꓟ ꓑ ꓫꓬ ꓐꓴ ꓛꓰꓹ ꓑꓬ ꓙꓰ ꓟ ꓥ ꓡꓳ=

ꓮ ꓟꓶ ꓗꓪ ꓠꓬ ꓟꓬ-ꓟ ꓟꓯꓼ ꓑꓬ ꓔꓬ ꓢꓴ 3 ꓪꓸ ꓟꓽ ꓞꓲꓺ ꓠꓬ ꓗꓳꓸ ꓗꓷ ꓟ 5 ꓦ ꓕꓯ ꓗꓴꓷꓼ ꓫꓴ ꓙꓵꓽ ꓢꓴ ꓐꓴ ꓡꓰ ꓖꓶˍ ꓟ ꓲ-ꓓꓲ-ꓬ ꓗꓪ ꓔꓬ ꓓꓴ ꓟ-ꓑꓳ-ꓔꓲ ꓘꓳꓹ ꓣꓴ ꓟꓶ ꓡꓰ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=