ꓟꓲ ꓠꓯ ꓕꓯ ꓢꓲ ꓤ ꓑ ꓤ ꓐꓴ ꓘꓴꓽ ꓗꓪ ꓐꓰ ꓞꓲꓼ ꓪꓴꓽ ꓓꓲ ꓡꓰ ꓢꓴ ꓠꓬ ꓕꓲ ꓠꓬꓲ ꓘꓴꓽ ꓗꓪ ꓣꓳ‐ꓢ‐ꓡꓲ ꓠꓬꓲꓽ ꓧꓪ, ꓪꓽ ꓘꓴ_ ꓟ ꓓꓳꓽ

ꓟꓲ ꓠꓯ ꓕꓯ ꓢꓲ ꓤ ꓑ ꓤ ꓐꓴ ꓘꓴꓽ ꓗꓪ ꓐꓰ ꓞꓲꓼ ꓪꓴꓽ ꓓꓲ ꓡꓰ ꓢꓴ ꓠꓬ ꓕꓲ ꓠꓬꓲ ꓘꓴꓽ ꓗꓪ ꓣꓳ‐ꓢ‐ꓡꓲ ꓠꓬꓲꓽ ꓧꓪ, ꓪꓽ ꓘꓴ_ ꓟ ꓓꓳꓽ

6 ꓦ ꓟ 8 ꓠꓬꓲ 2022 ꓘꓳꓼ ꓕꓯ Juan Vicente Perez Mora ꓟꓬꓱꓺ ꓔ ꓟ ꓬꓲ ꓞꓲꓼ (113) ꓘꓳꓼ ꓙꓳˍꓟ ꓞꓳ ꓟꓳ ꓒꓽ ꓕꓲ ꓣꓳ ꓠꓬ ꓕꓲ ꓠꓬꓲ ꓘꓴꓽ ꓗꓪ ꓣꓳ‐ꓢ‐ꓡꓲ ꓠꓬꓲꓽ ꓧꓪ, ꓪꓽ ꓘꓴ ꓡꓳ ꓐꓰ ꓢꓷ. ꓡꓳ꓿ ꓬꓲ ꓠꓬ venezuela ꓗꓴꓷꓼ ꓐꓰ ꓥ ꓡꓳ꓿ 1909 ꓘꓳꓼ 4 ꓦ ꓕꓯ ꓬꓲ ꓔꓯ ꓦꓵꓻ ꓗꓷꓳ꓿ 2022 ꓘꓳꓼ 2 ꓦ ꓟ 4 ꓠꓬꓲ ꓕꓯ ꓟꓲ ꓠꓯ ꓕꓯ ꓢꓲ ꓗꓪ ꓤ ꓑ ꓤ ꓐꓴ ꓘꓴꓽ ꓗꓪ ꓐꓰ ꓞꓲꓼ ꓪꓴꓽ ꓓꓲ ꓡꓰ ꓢꓴ ꓟꓬꓱꓺ ꓔꓯ ꓪ ꓡꓰꓳ꓿ ꓬꓲ ꓠꓬ ꓟꓬꓱꓽ ꓔꓯ ꓮ ꓘꓶ. ꓢꓯꓼ ꓕꓵꓼ ꓢꓲ ꓠꓬꓲ ꓬꓰ ꓢꓴ ꓥ ꓡꓳ꓿ ꓟꓬꓱꓽ ꓠꓽ ꓠꓬꓲ ꓕꓯ ꓥ ꓟꓲ ꓙꓲ ꓙꓲ ꓐꓰ ꓠꓽ ꓢꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓠꓯꓼ ꓠꓯꓼ ꓗꓪ ꓣꓳ‐ꓢ‐ꓡꓲ ꓠꓬꓲꓽ ꓧꓪ, ꓪꓽ ꓘꓴ ꓡꓳ ꓐꓰ ꓟꓲ ꓐꓯ ꓖꓶ ꓔ ꓡꓳ꓿ꓬꓲ ꓡꓰ ꓐꓯ ꓖꓶ ꓔ ꓟ ꓠꓬ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓗꓪ ꓪꓴ‐ꓢ ꓔꓯ ꓠꓲ, ꓠꓵ ꓠ, ꓟ ꓐꓰ ꓕꓲ ꓦꓲꓻ ꓢꓴ ꓮ ꓙꓵꓽ ꓔꓯ ꓠꓲ, ꓠꓵ ꓠ, ꓟ ꓥ ꓡꓳ ꓐꓰ ꓐꓯ ꓖꓶ ꓔ ꓡꓳ꓿ ꓬꓲ ꓠꓬ ꓟꓬꓱꓽ ꓬꓰ ꓜꓽ ꓢꓴ ꓥ ꓢꓲ ꓠꓬꓲ ꓬꓲ ꓤ ꓠꓱ (11) ꓣꓳ ꓐꓰ ꓬꓲ ꓡꓲ. ꓑ. ꓡꓲ. ꓟ (53) ꓣꓳ ꓙꓳˍ  ꓢꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿