ꓟꓴꓠ‐ꓗꓳꓠꓖ ꓡꓳ ꓒꓱ ꓗꓪ ꓠꓻ ꓧꓶꓻ ꓑꓶ. ꓓꓴ ꓮ.‐ꓠꓬꓲ ꓮ‐ꓡꓳꓽ (100) ꓘꓼ ꓟꓽ ꓛꓲ ꓫꓵꓻ ꓡꓰ ꓟ ꓓꓳꓽ

ꓟꓴꓠ‐ꓗꓳꓠꓖ ꓡꓳ ꓒꓱ ꓗꓪ ꓠꓻ ꓧꓶꓻ  ꓑꓶ. ꓓꓴ ꓮ.‐ꓠꓬꓲ ꓮ‐ꓡꓳꓽ (100) ꓘꓼ ꓟꓽ ꓛꓲ ꓫꓵꓻ ꓡꓰ ꓟ ꓓꓳꓽ

4 ꓦ ꓟ 4 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓟꓴ‐ꓖꓳ ꓡꓳ ꓒꓱ ꓗꓪ ꓠꓻ ꓫꓵꓽ ꓑꓶ. ꓓꓴ ꓮ.‐ꓠꓬꓲ ꓮꓽ‐ꓡꓳ ꓫꓵꓻ ꓡꓰ ꓟ ꓠꓬ (100) ꓘꓼ ꓟꓽ ꓛꓲ ꓙꓳ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓐꓰ ꓮ.‐ꓬꓲ꓾ ꓮ‐ꓡꓳ ꓫꓵꓻ ꓡꓰ ꓟ ꓠꓬ ꓡꓯ ꓐꓲ ꓗꓪ ꓠꓻ ꓫꓵꓽ ꓔꓳ ꓜꓳ ꓡꓰ ꓟ ꓑꓶ. ꓓꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓗꓳ. ꓗꓷ ꓟ ꓦ‐ꓐ ꓕꓯ ꓥ ꓟꓲ ꓒ‐ꓗ ꓡꓳ ꓒꓱ ꓗꓪ ꓮ.‐ꓠꓬꓲ ꓠꓻ ꓫꓵꓽ ꓑꓶ. ꓓꓴ ꓮ.‐ꓠꓬꓲ ꓮꓽ‐ꓡꓳ ꓫꓵꓻ ꓡꓰ ꓟ ꓮ ꓟꓬ, ꓙꓳ ꓡꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓟꓴ‐ꓖꓳ ꓡꓳ ꓒꓱ ꓗꓪ ꓠꓻ ꓫꓵꓽ ꓑꓶ. ꓓꓴ ꓮ.‐ꓠꓬꓲ ꓮꓽ‐ꓡꓳ ꓫꓵꓻ ꓡꓰ ꓟ ꓠꓬ ꓢꓯꓼ ꓦꓻ ꓟꓽ ꓓꓽ ꓗꓷ ꓡꓰ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓠꓻ ꓔꓬ ꓟ ꓮ.‐ꓠꓬꓲ ꓮꓽ‐ꓡꓳ ꓔꓯ ꓗꓽ ꓔ ꓓꓴ ꓠꓯꓻ ꓞꓲꓼ ꓔꓴ/ ꓗ. ꓖꓶ ꓠ, ꓟ ꓠꓯꓻ ꓞꓲꓼ ꓟ. ꓒ ꓐꓴ ꓔꓯ ꓐꓯ ꓔ ꓡꓳ ꓐꓰ ꓐꓯ ꓔ ꓡꓳ꓿

ꓠꓻ ꓫꓵꓽ ꓠꓻ ꓔꓬ ꓟ ꓮ.‐ꓠꓬꓲ ꓮꓽ‐ꓡꓳ ꓔꓯ ꓗꓽ ꓕꓽ ꓠ, ꓟ ꓠꓯꓼ ꓔꓯ ꓞꓼ ꓞꓼ ꓟꓽ ꓫꓬ, ꓖꓶ ꓡ ꓠꓬ ꓮ.‐ꓠꓬꓲ ꓮ‐ꓡꓳ ꓮ ꓟꓬ, ꓫꓵꓻ ꓡ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ ꓐꓰ (The 74 media ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿