ꓟꓴ-ꓓꓳ ꓡꓳ ꓒꓱ ꓔꓬ ꓦꓲꓻ ꓮ ꓟꓬꓹ ꓗꓪ ꓬꓲꓻ ꓙꓬ ꓓꓵ_ ꓟ ꓑꓶ ꓓꓴ ꓞꓳ ꓤ 200 ꓣꓳ ꓛꓲ ꓔꓯ ꓚꓵꓸ ꓖꓶ ꓠ ꓗꓷ ꓡꓰ ꓟ꓾

photo: credit

Thursday, July 20, 2023

ꓟꓴ-ꓓꓳ ꓡꓳ ꓒꓱ ꓔꓬ ꓦꓲꓻ ꓮ ꓟꓬꓹ ꓗꓪ ꓬꓲꓻ ꓙꓬ ꓓꓵ_ ꓟ ꓑꓶ ꓓꓴ ꓞꓳ ꓤ 200 ꓣꓳ ꓛꓲ ꓔꓯ ꓚꓵꓸ ꓖꓶ ꓠ ꓗꓷ ꓡꓰ ꓟ꓾

ꓟꓳꓠ ꓗꓴꓷꓼ ꓫꓴꓺ꓾ ꓟꓴ-ꓓꓳ ꓡꓳ ꓒꓱ ꓗꓪ 7 ꓦ 18 ꓠꓬꓲ ꓠꓯꓼ ꓗꓪ ꓐꓰ ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓑꓶ ꓓꓴ ꓟꓴ-ꓓꓳ ꓡꓳ ꓒꓱ ꓗꓪ ꓔꓬ ꓟ ꓞꓳ ꓘꓹ ꓘꓴꓽ ꓔꓬ ꓦꓲꓻ ꓘꓴꓽ ꓗꓪ ꓬꓲꓻ ꓙꓬ ꓓꓵ ꓓꓴ ꓗꓷ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓗꓪ ꓐꓰ ꓢꓷꓸ ꓪ ꓡꓳ=

ꓬꓲꓻ ꓙꓬ ꓠꓬ 3 ꓒꓯꓸ ꓛꓲ ꓟꓬ ꓡ ꓢꓲ꓾ ꓖꓳ ꓗꓪ ꓔꓬ ꓢꓴ ꓐꓴ ꓔꓯ ꓬꓲꓻ ꓙꓬ ꓟꓽ ꓙꓳ ꓟ ꓗꓪ ꓚꓵꓸ ꓖꓶ ꓦ ꓡꓳ ꓐꓰ ꓢꓷꓸ ꓪ ꓡꓳ= ꓬꓲꓻ ꓙꓬ ꓮ ꓟꓬꓹ ꓓꓵ ꓡ ꓟ ꓞꓳ ꓦꓲꓻ ꓔꓯ ꓦꓶꓸ ꓕꓯ ꓚꓵꓸ ꓖꓶ ꓔꓬ ꓟ ꓥꓳ= ꓮ ꓟꓶ ꓞꓳ ꓦꓲꓻ 56 ꓦꓲꓻ꓾ꓞꓳ ꓤ 230 ꓣꓳ ꓔꓯ ꓚꓵꓸ ꓖꓶ ꓦ ꓡꓳ= ꓝꓮꓲ ꓟꓶꓽ ꓦ ꓦ ꓡ ꓢꓲ꓾ ꓬꓲꓻ ꓙꓬ ꓟꓬ ꓡ ꓢꓰ ꓐꓯ ꓚꓵꓸ ꓖꓶ ꓠ ꓔ ꓟ ꓞꓳ ꓦꓲꓻ ꓔꓬ ꓢꓰ ꓟ ꓥꓳ ꓐꓰ ꓬꓰ ꓙ ꓢꓴ ꓜꓴ ꓗꓪ ꓐꓰ ꓕꓲ ꓣꓳ ꓡꓰ ꓐꓯ ꓔ ꓡꓳ=

ꓮ ꓟꓶ ꓚꓵꓸ ꓖꓶ ꓔꓬ ꓢꓴ ꓔꓯ ꓜ ꓓꓴ ꓓꓳ ꓓꓴ ꓠꓬ ꓙꓵꓽ ꓪ ꓙꓳ ꓢꓴ ꓐꓴ꓾ ꓞꓳ ꓘꓹ ꓙꓵ ꓢꓴ ꓐꓴ꓾ ꓬꓰ ꓙ ꓢꓴ ꓜꓴ ꓐꓴ ꓡꓰ ꓙ ꓖꓶ ꓔꓬ ꓢꓲ꓾ ꓠꓯꓺ ꓞꓲꓼ ꓟꓬꓱꓽ ꓣꓱ ꓜꓴ ꓗꓪ ꓐꓰ ꓥ ꓟꓲ ꓠꓯꓺ ꓞꓲꓼ ꓠꓯ ꓟꓲ ꓙ ꓖꓶ ꓬꓰ ꓙ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=