ꓟꓵꓽ ꓗꓳ ꓓꓵꓺ ꓓꓵ ꓗ‐ꓔꓳ‐ꓡꓲꓗ ꓞꓳ ꓡꓱ ꓤ ꓜꓲꓼ ꓓꓴ ꓑꓳ‐ꓔꓴ‐ꓖꓮꓡ ꓗꓪ ꓬꓰ ꓟ ꓓꓳꓽ

ꓟꓵꓽ ꓗꓳ ꓓꓵꓺ ꓓꓵ ꓗ‐ꓔꓳ‐ꓡꓲꓗ ꓞꓳ ꓡꓱ ꓤ ꓜꓲꓼ ꓓꓴ ꓑꓳ‐ꓔꓴ‐ꓖꓮꓡ ꓗꓪ ꓬꓰ ꓟ ꓓꓳꓽ

 ꓟꓵꓽ ꓗꓳ ꓓꓵꓺ ꓓꓵ ꓞꓳ ꓡꓱ ꓤꓽ ꓑꓮꓲꓽ ꓔꓯ ꓑꓳ‐ꓔꓴ‐ꓖꓮꓡ ꓡꓲꓢꓐꓳꓠ ꓗꓪ ꓬꓰ ꓠ, ꓟ ꓖꓪ ꓙꓱ ꓜꓲꓼ ꓧꓳꓽ ꓡꓰꓳ꓿ ꓕꓲꓽ ꓟꓵꓽ ꓕꓲꓽ ꓫꓰ ꓡꓱ. ꓗꓪ ꓔꓬ, ꓟ ꓗ‐ꓔꓳ‐ꓡꓲꓗ ꓞꓳ ꓡꓱ ꓤ ꓐꓴ ꓠꓬ 2023 ꓘꓳꓼ 8 ꓦ 1 ꓠꓬꓲ ꓗꓪ ꓐꓰ 6 ꓠꓬꓲ ꓗꓪ ꓛꓲ ꓖꓳ ꓗꓪ ꓡꓳꓽ ꓛꓲ ꓠ, ꓟ ꓥꓳ꓿ ꓟꓵꓽ ꓗꓳ ꓓꓵꓺ ꓓꓵꓺ ꓞꓳ ꓡꓱ ꓤ ꓠꓬꓲ ꓔꓯ ꓠꓬ 1958 ꓘꓳꓼ ꓕꓯ ꓔꓲꓺ ꓒ ꓪ ꓔꓲ. ꓙꓳꓧꓠ ꓑꓮꓴꓡ ꓲꓲ ꓡꓰ ꓫꓬ, ꓔꓶꓺ ꓔ ꓟ ꓥꓳ꓿ ꓡꓲꓢꓐꓳꓠ ꓡꓳ ꓒꓱ ꓠꓬ ꓞꓳ ꓤ ꓥꓪ ꓫꓬ ꓟꓽ ꓛꓲ ꓔꓬ, ꓢꓲ ꓮ ꓘꓶ. ꓐꓲˍ ꓟ ꓡꓳ ꓒꓱ ꓥ ꓡꓳ꓿ ꓞꓳ ꓤ ꓐꓴ ꓮ ꓟꓬ ꓕꓶ ꓙꓰ ꓔꓬ, ꓟ ꓮ ꓘꓶ. ꓐꓲˍ ꓟ ꓡꓳ ꓒꓱ ꓕꓲꓽ ꓟ ꓥ ꓡꓳ꓿

ꓡꓲꓢꓐꓳꓠ ꓗꓪ ꓬꓰ ꓠ, ꓟ ꓔꓯ ꓠꓬ 10 ꓦ 4 ꓠꓬꓲ ꓗꓪ ꓙꓲ ꓫꓬ ꓢꓴ ꓝꓣꓮꓠꓚꓲꓢ ꓮꓢꓲꓢꓲ ꓑꓮꓲꓽ ꓦꓬꓼ ꓠꓬꓲ ꓗꓪ ꓐꓯꓺ ꓒꓬꓱꓺ ꓗꓷ ꓟ ꓥꓳ꓿ 2023 ꓘꓳꓼ ꓗꓪ ꓬꓰ ꓠꓹ ꓔ ꓟ ꓞꓳ ꓡꓱ ꓤ ꓑꓮꓲ: ꓗꓪ ꓣꓴ ꓔ ꓟ ꓐꓯ ꓧꓪ. ꓘꓶ: ꓠꓬ ꓡꓴ-ꓘ 1:39 ꓗꓪ ꓓꓯ ꓟ꓾ ꓟ-ꓡꓲ ꓠꓬ ꓔꓴ ꓢꓲ ꓠꓲꓹ ꓞ ꓙꓰ ꓡꓳ꓾ ꓐꓰ ꓐꓯ ꓟ ꓥꓳ=

#RVALISU

#Churchnews

#worldyouthday