ꓟꓵꓽ ꓗꓳ ꓓꓵ ꓓꓵ ꓚꓳꓑ 26 ꓖꓪ ꓙꓱ ꓜꓲꓼ ꓓꓴ ꓗꓪ ꓔꓲꓺ ꓒ ꓪ ꓔꓲꓸ ꓔꓲꓽ ꓪꓲꓸ ꓔꓲꓺ ꓒ ꓓꓽ ꓕꓲ ꓣꓳ ꓙꓰˍ ꓟ

ꓢ-ꓗꓳ-ꓔ-ꓡꓮꓠ ꓗꓴꓷꓼ ꓖꓡꓮꓢꓖꓳꓪ ꓗꓪ ꓬꓰˍ ꓟ ꓟꓵꓽ ꓗꓳ ꓓꓵꓺ ꓓꓵꓺ ꓗꓴꓷꓼ ꓗꓪ ꓟ ꓖꓪ ꓙꓱ ꓜꓲꓼ ꓓꓴ ꓗꓪ ꓔꓲꓺ ꓒ ꓪ ꓔꓲꓸ ꓝꓣꓮꓠꓚꓲꓢ ꓔꓲꓽ ꓪꓲꓸ ꓔꓲꓺ ꓒ ꓓ ꓟ ꓑꓲꓰꓔꓣꓳ ꓑꓮꓣꓳꓡꓲꓠ ꓙꓰ ꓗꓷꓳ=

ꓬꓲꓸ ꓡꓰ ꓖꓳ ꓖꓪ ꓙꓱ ꓜꓲꓼ ꓓꓴ ꓗꓪ ꓔꓲꓺ ꓒ ꓪ ꓔꓲꓸ ꓡꓰ ꓖꓶꓽ ꓩꓴ ꓡˍ ꓟ ꓡꓯ ꓘꓪ ꓘꓶꓽ ꓔꓯ ꓵ ꓟꓸ ꓖꓶꓽ ꓗꓷꓳ=

“ꓮ ꓟꓶ ꓠꓬ ꓡꓯ ꓒꓯ ꓗꓪ ꓐꓰ ꓬꓰꓹ ꓠ ꓟ ꓬꓲꓸ ꓙꓵ ꓛꓲ ꓡ-ꓳ= ꓟꓷ ꓠꓷ ꓗꓪ ꓐꓰ ꓡꓰ ꓟꓽ ꓥ ꓥ ꓐꓰ ꓬꓰ ꓠ ꓔ ꓟ ꓟꓬꓱꓽ ꓔꓯ ꓕꓲꓽ ꓡꓰˍ ꓐꓰ ꓔꓽ ꓔꓽ ꓧꓳꓽ ꓧꓳꓽ ꓬꓰ ꓠꓯˍ ꓡꓳ= ꓣꓳ ꓟꓲꓺ ꓠꓯꓺ ꓠꓬ ꓘ ꓕꓲ ꓘˍ ꓡꓰ ꓐꓰ ꓒꓬꓱꓼ ꓬꓰ ꓟ ꓑꓶꓸ ꓓꓴ ꓮ ꓙꓵꓽ  ꓢꓴ ꓕꓲꓽ ꓡꓰˍ ꓐꓰ ꓬꓰ ꓡꓯ= ꓢꓯꓽ ꓕꓵꓼ ꓡꓯ=” ꓐꓰ ꓔꓲꓺ ꓒ ꓓꓽ ꓟ ꓡꓰ ꓐꓯ ꓗꓷꓳ=

ꓔꓲꓺ ꓒ ꓪ ꓔꓲꓸ ꓝꓮꓠꓚꓲꓢ ꓠꓬ ꓟꓹ ꓟ ꓟꓲꓺ ꓠꓯ ꓔꓯ ꓮ ꓘꓶꓸ ꓠꓲꓹ ꓠꓵˍ ꓟ ꓔꓲꓺ ꓒ ꓪ ꓔꓲꓸ ꓕꓲꓽ ꓣꓳˍ ꓟꓲ ꓥˍ ꓡꓳ= ꓖꓳ ꓡꓱ ꓠꓬꓲ ꓬꓲꓸ ꓠꓬ Laudato Si ꓐꓯ ꓟ ꓕꓳ ꓶ ꓔꓯˍ ꓟꓲ ꓐꓳ ꓢꓴ ꓥˍ ꓡꓳ= ꓕꓳ ꓶ ꓑꓶ ꓖꓳ ꓟ ꓘꓴꓽ  ꓗꓪ ꓠꓬ꓾ ꓟꓲꓺ ꓠꓯ ꓔꓯ ꓮ ꓡꓰ ꓐꓰ ꓖꓪꓽ ꓫꓵꓼ ꓠꓹ ꓟ꓾ ꓮ ꓡꓰ ꓐꓰ ꓠꓲꓹ ꓠꓵ ꓠꓹ ꓟ ꓐꓯ ꓔ ꓡꓳ=

“ꓗꓴꓷꓼ ꓪꓴꓸ ꓓꓵ ꓣꓱꓽ ꓢꓴ ꓐꓴ ꓟꓬꓱꓽ ꓔꓯ ꓙꓵꓹ ꓙꓵꓹ ꓢꓯꓼ ꓕꓵꓼ ꓡꓯ= ꓗꓳꓸ ꓡˍ ꓟ ꓢꓶꓸ ꓟ ꓛꓲ ꓟꓬꓱꓽ ꓬꓰ ꓠ ꓔ ꓡꓳ= ꓣꓳꓽ ꓟꓲꓺ ꓠꓯ ꓔꓯ ꓣꓳꓽ ꓟꓽ ꓠꓬꓲ ꓡꓳꓸ ꓟꓽ ꓖꓪꓽ ꓫꓵꓼ ꓠꓬ ꓮ ꓟ ꓬꓰ ꓙ ꓔꓳꓹ ꓙ ꓡ ꓢꓰ” ꓐꓰ ꓔꓲꓺ ꓒ ꓓ ꓟ ꓡꓰ ꓟꓵꓽ ꓗꓳ ꓓꓵ ꓓꓵ ꓖꓪ ꓙꓱꓼ ꓜꓲꓼ ꓓꓴ ꓗꓪ ꓔꓲꓺ ꓒ ꓪ ꓔꓲꓸ ꓡꓰ ꓐꓯ ꓝꓲ ꓠꓲꓹ ꓫꓵˍ ꓟ ꓐꓯ ꓗꓷꓳ ꓐꓰ ꓢꓷ ꓪ ꓡꓳ=