ꓟꓵꓽ ꓗꓳ ꓓꓵ ꓓꓵ ꓞꓳ ꓡꓱ ꓤꓽ ꓐꓴ ꓔꓯ ꓟꓬꓱꓽ ꓢꓯꓼ ꓐꓬꓱꓽ ꓓꓶꓽ ꓔꓯꓺ ꓑꓮꓲꓽ ꓬꓰ ꓖꓶꓽˍ ꓟ ꓓꓳꓽ

#rvalis #creditphoto #news #Don- bosco #Festival

ꓟꓵꓽ ꓗꓳ ꓓꓵ ꓓꓵ ꓞꓳ ꓡꓱ ꓤꓽ ꓐꓴ ꓔꓯ ꓟꓬꓱꓽ ꓢꓯꓼ ꓐꓬꓱꓽ ꓓꓶꓽ ꓔꓯꓺ ꓑꓮꓲꓽ ꓬꓰ ꓖꓶꓽˍ ꓟ ꓓꓳꓽ

 

116 ꓘꓳꓼ ꓗꓪ ꓔꓬˍ ꓟ ꓞꓳ ꓡꓱ ꓤ ꓐꓴ ꓔꓯ ꓐꓬꓱꓽ ꓢꓯꓼ ꓓꓶꓽ ꓢꓲ ꓔꓯꓺ ꓡꓯ ꓘꓳ ꓝꓲˍ ꓡꓳ= ꓢꓮꓡꓰꓢꓲꓮꓠ ꓔꓲꓺ ꓒ ꓐꓴ ꓡꓰ ꓧꓳꓽ ꓣꓱꓽ ꓢꓲ ꓑꓮꓲꓽ ꓕꓱ ꓟ ꓔꓯ ꓬꓰˍ ꓟ ꓥꓳ=

ꓕꓱ ꓡꓱ ꓬꓰ ꓠꓹ ꓟ  ꓠꓬ ꓗꓳꓸ ꓡˍ ꓕꓯ 2020 ꓘꓳꓼ ꓕꓯ ꓓꓳꓠ ꓐꓳꓢꓚꓳ ꓔꓲꓺ ꓒ ꓐꓴ ꓡꓰ ꓧꓳꓽ ꓣꓱꓽ ꓢꓲ ꓬꓰ ꓪꓴꓸ ꓔꓴꓸ ꓔ ꓟ ꓥꓳ=

ꓐꓬꓱꓽ ꓢꓯꓸ ꓕꓱ ꓟ ꓕꓯ ꓓꓶꓽ ꓢꓴ ꓬꓲꓸ ꓞꓲꓼ ꓠꓬ 15 ꓘꓳꓼ ꓗꓪ ꓐꓰ 30 ꓘꓳꓼ ꓠꓬꓲꓽ ꓗꓴꓸ ꓝꓲꓸˍ ꓗꓪ ꓥ ꓠꓯ ꓡꓳ= ꓐꓬꓱꓽ ꓢꓯꓸ ꓓꓶꓽˍ ꓕꓯ ꓬꓲꓸ ꓙꓵ 10 ꓧꓶꓹ꓾ ꓥ ꓠꓬ 15 ꓧꓶꓹ ꓗ ꓡꓯ ꓗ ꓙꓲ ꓤ ꓥ ꓠꓯˍ ꓡꓳ=

ꓓꓶꓽ ꓓꓳꓺ ꓡꓰ ꓟ ꓐꓬꓱꓽ ꓢꓯꓸ ꓔꓯ 10 ꓦ ꓟ ꓔꓯ ꓬꓲꓸ ꓟꓶꓽ ꓗꓷ ꓔ ꓢꓲ ꓖꓶꓽ ꓩꓴ ꓠꓹ ꓟ ꓥ ꓡꓳ=

ꓔꓲꓺ ꓒ ꓐꓴ ꓡꓰ ꓬꓲꓸ ꓪ ꓖꓶꓽ ꓩꓴ ꓡ ꓟ ꓐꓬꓱꓽ ꓔꓯ ꓢꓲꓺ ꓢꓲ ꓡꓯ ꓢꓴ ꓖꓶꓽ ꓠꓹ ꓟ ꓥꓳ=

ꓡꓯ ꓢꓴ ꓔꓯ ꓠꓬ ꓒꓴ ꓗꓪ ꓐꓰ ꓥˍ ꓟꓲ ꓠꓱꓸ ꓐꓯꓼ ꓚꓱꓹ ꓗꓪ ꓐꓰ ꓥˍ ꓟꓲ ꓡꓯ ꓫꓴ ꓖꓶꓽ ꓓꓴ ꓥꓳ=

 

“ꓙꓲ ꓫꓬ ꓢꓴ ꓓꓳꓠ ꓐꓳ-ꓢ-ꓗꓳ ꓥˍ ꓟꓲ ꓕꓱ ꓞꓳ ꓡꓱ ꓤ ꓐꓴ ꓐꓬꓱꓽ ꓢꓯꓸ ꓔꓯꓺ ꓡꓯ ꓘꓳ ꓑꓮꓲꓽ ꓔꓯ ꓟꓳˍ ꓠꓬ ꓗ ꓛꓲ ꓥꓳ” ꓐꓰ ꓓꓳꓠ ꓐꓳ-ꓢ-ꓗꓳ ꓔꓲꓺ ꓒ ꓕꓲꓽ ꓣꓳ ꓡꓰ ꓐꓯˍ ꓡꓳ=

ꓙꓲ ꓫꓬ ꓢꓴ ꓓꓳꓠ ꓐꓳ-ꓢ-ꓗꓳ ꓠꓬ ꓞꓳ ꓡꓱ ꓤꓽ ꓐꓴ ꓔꓯ ꓠꓬꓲ ꓡꓳꓸ ꓖꓪꓽ ꓫꓵꓼ ꓠꓹ ꓟ ꓬꓲꓸ ꓤ ꓔꓯ ꓖꓶꓽ ꓗꓷ ꓢꓲ꓾ ꓝꓴꓲꓸ ꓖꓶꓽˍ ꓟ ꓢꓶꓸ ꓟꓽ ꓛꓲ ꓠꓵꓹ ꓠꓲ ꓗꓪ ꓐꓰ ꓞꓳ ꓡꓱ ꓤꓽ ꓐꓴ ꓔꓯ ꓟꓸ ꓖꓶꓽ ꓑꓱ ꓖꓶꓽ ꓗꓳꓸ ꓢꓴ ꓕꓲ ꓣꓳˍ ꓟꓲ ꓥꓳ= ꓬꓲꓸ ꓠꓬ ꓟꓲꓺ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰ ꓢꓲ꓾ ꓮ ꓟꓶ ꓠꓬ ꓙꓲ ꓫꓬ ꓢꓴ ꓕꓲꓽ ꓣꓳ ꓒꓬꓱꓼ ꓡ-ꓳ=

Add new comment

7 + 0 =