ꓟꓵꓽ ꓚꓳ ꓢꓲ ꓠꓻ ꓫꓬꓹ ꓖꓶ ꓔꓬ ꓟ ꓗ-ꓛꓲ ꓠꓯꓻ ꓞꓲꓼ ꓟꓬꓱꓽ ꓬꓰ ꓢꓴ ꓐꓴ ꓠꓯꓻ ꓞꓲꓼ ꓣꓱꓽ ꓞꓹ ꓔꓬ ꓡꓳ

ꓗ-ꓛꓲ ꓗꓴꓷꓼ ꓫꓴ ꓘꓴꓽ ꓗꓪ ꓟꓵꓽ ꓚꓳ ꓢꓲ ꓠꓻ ꓫꓬꓹ ꓖꓶ ꓔꓬ ꓟ ꓗ-ꓛꓲ ꓠꓯꓻ ꓞꓲꓼ ꓟꓬꓱꓽ ꓬꓰ ꓢꓴ ꓐꓴ (Kachin Back Pack Health Worker Team) ꓗꓪ ꓠꓯꓻ ꓞꓲꓼ ꓣꓱꓽ ꓞꓹ ꓟ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓬꓲ ꓪ ꓐꓴ ꓠꓬ ꓑꓴ-ꓔ-ꓳ꓾ ꓟ-ꓛ-ꓐꓳ꓾ ꓧꓴ-ꓗꓮꓴ ꓐꓴ ꓗꓪ ꓙꓰ ꓢꓲ ꓠꓻ ꓫꓬꓹ ꓖꓶ ꓔꓬ ꓕꓯ ꓖꓳ ꓗꓪ ꓦꓰꓽ ꓧꓳꓹ ꓠꓻ ꓐꓰ ꓠꓻ ꓧꓶ(ꓛꓱ ꓧꓶ ꓠꓻˍ ꓟ) ꓮ ꓟꓬꓹ ꓒꓬꓱꓼ ꓔꓬ ꓟ ꓥ ꓢꓲ ꓠꓻ ꓧꓶ ꓠꓯꓻ ꓞꓲꓼ ꓠꓬ ꓟꓽ ꓙꓳ ꓡꓰ ꓢꓰ: ꓐꓰ ꓐꓯ ꓡꓳ=

ꓠꓯꓻ ꓞꓲꓼ ꓟꓽ ꓡꓳꓼ ꓟ ꓑꓶꓸ ꓓꓴ ꓬꓲ ꓪ ꓔꓯ ꓙꓳˍ ꓟ ꓠꓯꓻ ꓞꓲꓼ ꓔꓯ ꓡꓰꓽ ꓐ ꓡ ꓠ ꓛꓲ ꓑꓶ ꓖꓶ ꓔꓬ ꓟ ꓥ ꓢꓲ꓾ ꓠꓯꓻ ꓞꓲꓼ ꓟꓽ ꓡꓳꓼ ꓠꓬꓲ ꓠꓻ ꓓ ꓡꓰˍ ꓗꓪ ꓛꓲꓽ ꓫꓬꓹ ꓖꓶ ꓟꓽ ꓐ ꓡ ꓟ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓠꓻ ꓧꓶ (ꓛꓱ ꓧꓶ) ꓐꓰ ꓗꓴꓸ ꓙꓲꓽ ꓙꓳˍ ꓟ ꓠꓯꓻ ꓞꓲꓼ ꓬꓲ ꓪ ꓔꓯ ꓟꓽ ꓙꓳ ꓟ ꓑꓶꓸ ꓓꓴ ꓠꓱꓸ ꓐꓯ ꓠꓻ ꓫꓬꓹ ꓢꓴ ꓜꓴ ꓐꓰ ꓙ ꓡꓯꓽ ꓘꓳ ꓔꓬ ꓥ ꓟꓲ ꓠꓯꓻ ꓞꓲꓼ ꓠꓬ ꓟꓽ ꓡꓳꓼ ꓟ ꓙꓳˍ ꓡꓳ= ꓬꓰ ꓙ ꓔꓳꓹ ꓙ ꓢꓴ ꓐꓴ ꓠꓬ ꓮ ꓘꓶꓸ ꓠꓲꓸ ꓡꓰ ꓔꓬ ꓟ ꓪꓴꓸ ꓠꓬꓲ ꓞꓳ ꓘꓹ ꓐꓴ ꓗꓪ ꓙꓰ ꓢꓲ ꓠꓻ ꓫꓬꓹ ꓖꓶˍ ꓟ ꓔꓯ ꓧꓶꓸ ꓕꓯ ꓟ ꓡꓰ ꓬꓰ ꓟꓽ ꓐ ꓡꓻꓳ꓾ ꓐꓰ ꓟꓵꓽ ꓚꓳ ꓢꓲ ꓠꓻ ꓫꓬꓹ ꓖꓶ ꓔꓬ ꓢꓴ ꓜꓴ ꓗꓪ ꓐꓰ ꓢꓷꓸ ꓪ ꓡꓳ=