ꓟꓶ-ꓚꓲ-ꓠ Zone ꓗ‐ꓔꓳ‐ꓡꓲ ꓮꓽ ꓐ ꓜꓴ ꓐꓴ ꓐꓲ ꓡꓴ. ꓡꓳ ꓖꓪ ꓑꓮꓲ ꓬꓰ ꓗꓷ ꓕꓯ ꓟꓲ-ꓚꓲ-ꓠ ꓮ: ꓐ ꓜꓴꓻ ꓧꓪ. ꓡꓰ ꓟ

ꓟꓶ-ꓚꓲ-ꓠ Zone ꓗ‐ꓔꓳ‐ꓡꓲ ꓮꓽ ꓐ ꓜꓴ ꓐꓴ ꓐꓲ ꓡꓴ. ꓡꓳ ꓖꓪ ꓑꓮꓲ  ꓬꓰ ꓗꓷ ꓕꓯ ꓟꓲ-ꓚꓲ-ꓠ ꓮ: ꓐ ꓜꓴꓻ ꓧꓪ. ꓡꓰ ꓟ

ꓟꓶ-ꓚꓲ-ꓠ Zone ꓗ‐ꓔꓳ‐ꓡꓲ ꓮ ꓐꓽ ꓜꓴ ꓐꓴ 2 ꓧꓪ, ꓕꓲ ꓧꓪ, ꓟ ꓐꓲ ꓡꓴ. ꓡꓳ ꓖꓪ ꓑꓮꓲ ꓔꓯ 8 ꓦ ꓟ 5 ꓠꓬꓲ 2023 ꓘꓳꓼ ꓟꓶꓼ ꓘꓶꓼ 3 ꓙꓵꓽ ꓗꓪ ꓐꓰ 9 ꓦ 2 ꓠꓬꓲ 2023 ꓘꓳ ꓕꓯ Edin ꓙꓲ ꓫꓬ ꓢꓴ ꓢꓲ ꓫꓬ ꓕꓳꓽ ꓶ ꓢꓳ ꓙꓳ ꓦꓲꓸꓹ ꓐꓲ ꓡꓴ. ꓡꓳ ꓖꓪ ꓔꓶꓸ ꓗꓪ ꓑꓰꓹ ꓔꓯꓺ ꓡꓯꓼ ꓘꓳ ꓗꓷ ꓟ ꓥ ꓡꓳ=

ꓕꓱ ꓟ ꓗꓪ ꓠꓬ ꓔꓲꓸ ꓒ ꓙꓵꓽ ꓔꓶꓸ 9 ꓟ ꓗꓪ ꓟ ꓮꓽ ꓐ ꓐꓴ ꓐꓲ ꓡꓴ. ꓡꓳ ꓖꓪ ꓡꓯꓼ ꓘꓳ ꓓꓴ ꓥ ꓡꓳ = ꓬꓲ. ꓟꓶ ꓡꓳ ꓖꓪ ꓑꓮꓲ ꓗꓪ ꓠꓬ ꓟꓲ-ꓚꓲ-ꓠ ꓮ: ꓐ ꓜꓴꓻ ꓐꓰ ꓙꓲˍ ꓮ ꓣꓳ ꓡꓳ. ꓒ ꓜꓴꓻ ꓡꓳ ꓖꓪ ꓗꓷ ꓟ ꓙꓵꓹ ꓕꓯ ꓟꓲ-ꓚꓲ-ꓠ ꓮ: ꓐ ꓜꓴꓻ ꓠꓬ ꓧꓪ. ꓡꓰ ꓟ ꓥ ꓡꓳ=

ꓕꓱ ꓡꓳ ꓖꓪ ꓑꓮꓲ: ꓬꓰ ꓗꓷ ꓟ ꓬꓲ. ꓔꓶ ꓐꓬꓱ ꓠꓬ ꓮ: ꓐꓴ ꓦꓲꓻ ꓘꓴ ꓔꓯ ꓧꓳ: ꓪꓴ. ꓟꓴ ꓕꓯ ꓙꓲꓻ ꓟ ꓕꓲ ꓒꓳꓹ ꓗꓪ ꓐꓰ ꓧꓳ: ꓪꓴ. ꓟꓴ ꓐ ꓡ ꓠꓹ ꓟ ꓐꓰ ꓘꓴ ꓜꓲꓼ ꓞꓳ ꓘꓴ: ꓗꓪ ꓐꓰ ꓚꓲ. ꓛꓬ ꓟꓬꓱ: ꓬꓰ ꓟ ꓚꓱꓹ ꓗꓪ ꓮ ꓘꓶ. ꓢꓯꓼ ꓕꓵꓼ ꓐ ꓡ ꓠꓹ ꓟ  ꓐꓰ ꓬꓲꓼ ꓡ ꓟ ꓜ ꓫꓵꓽ ꓓꓳ ꓫꓵꓽ ꓔꓯ ꓠꓽ ꓗꓷ ꓠ, ꓟ ꓥ ꓡꓳ ꓐꓰ ꓟꓲ-ꓚꓲ-ꓠ ꓔꓲꓺ ꓒ ꓬꓳ-ꓦ ꓡꓮ-ꓣꓮꓪ ꓗꓪ ꓐꓰ ꓢꓯꓼ ꓖꓶ ꓗꓷꓳ=

ꓠ ꓐꓼ ꓠꓬꓲ ꓡꓯꓽ ꓫꓴ ꓔꓯ ꓠꓬ ꓙꓲꓻ ꓟ ꓮꓽ ꓣꓳ ꓡꓳ. ꓒꓽ ꓜꓴꓻ ꓧꓪ ꓡꓰ ꓢꓲ ꓠꓬꓲ ꓢꓽ ꓡꓯ ꓫꓴ ꓔꓯ ꓠꓬ ꓢꓔ. ꓟꓲꓚꓧꓮꓰꓡ ꓑꓲ ꓡꓴ. ꓡꓳ ꓖꓪ ꓜꓴꓻ ꓧꓪ. ꓡꓰ ꓥ ꓡꓳ꓿