ꓠꓬꓲꓸ ꓠꓬꓲ ꓟ ꓓꓳꓽ

1. Myitsone ꓒ ꓕꓲ ꓔꓲ-ꓬ-ꓤꓴꓸꓼ ꓞꓳ ꓘꓹ ꓗꓪ ꓓꓳꓸꓸ ꓓꓴ ꓬꓲꓸꓹ ꓙꓬ ꓫꓸ ꓔꓬ ꓟ ꓓꓳꓽ

ꓟꓶ-ꓚꓲ-ꓠ ꓡꓳ ꓒꓱ Myitsone ꓒ ꓕꓲ ꓔꓲ-ꓬ-ꓤꓴꓸꓼ ꓞꓳ ꓘꓹ ꓗꓪ ꓪꓽ ꓙꓵꓽ ꓗꓪ ꓐꓰ ꓬꓲꓻ ꓡˍ ꓟ ꓬꓲꓸꓹ ꓙꓬ ꓢꓱ ꓡˍ ꓟ ꓑꓶ ꓓꓴ ꓓꓳꓸꓸ ꓓꓴ ꓬꓲꓸꓹ ꓙꓬ ꓫꓸ ꓔꓬ ꓡꓳ꓾ ꓐꓰ ꓞꓳ ꓘꓹ ꓞꓳ ꓪꓴꓽ ꓕꓲꓽ ꓣꓳ ꓡꓰ ꓐꓯˍ ꓡꓳ=ꓒ ꓕꓲ ꓗꓪ ꓟꓶ-ꓡꓲꓸ ꓬꓲꓻ ꓙꓬ ꓡꓳ ꓙꓳˍ ꓥ ꓟꓲ ꓫꓵꓸꓸ ꓚꓴꓸ ꓔꓬ ꓟ ꓪꓴꓸ ꓠꓬꓲ ꓬꓲꓸꓹ ꓙꓬ ꓠꓶꓸꓹ ꓡ ꓢꓲ-ꓸ ꓬꓲꓸꓹ ꓙꓬ ꓓꓳꓸꓸ ꓟꓽ ꓙꓲꓻ ꓐꓰ ꓖꓳ ꓗꓪ ꓔꓬ ꓢꓴ ꓡꓰ ꓐꓯˍ ꓡꓳ= ꓮ ꓟꓶ ꓠꓬ ꓡꓳꓹ ꓬꓰ ꓟ ꓘꓳꓼ ꓕꓯꓽ ꓢꓲ ꓬꓲꓸꓹ ꓙꓬ ꓢꓱ ꓡꓰ ꓓꓴ ꓔꓳꓹ ꓜꓳꓽ ꓡ ꓟ ꓑꓶ ꓓꓴ ꓡ ꓠꓹ ꓟ 4 ꓦ ꓗꓪ ꓟꓬꓽ ꓠꓬꓲ ꓫꓸ ꓡ ꓥꓳ꓾ ꓐꓰ ꓖꓳ ꓔꓬ ꓢꓴ ꓡꓰ ꓐꓯˍ ꓡꓳ=ꓔꓲ-ꓬ-ꓤꓴꓸꓼ ꓞꓳ ꓘꓹ ꓠꓬ  Myitsone ꓒ ꓕꓲ ꓗꓪ ꓓꓹ ꓟ ꓥ ꓢꓲ-ꓸ ꓞꓳ ꓦꓲꓸꓹ 200 ꓦꓲꓻ ꓛꓲꓺ ꓐꓰ ꓞꓳ ꓤ 1000 ꓣꓳ ꓛꓲꓺ ꓔꓬ ꓡꓳ ꓐꓰ ꓢꓷꓸ ꓪˍ ꓡꓳ=

2ꓸ ꓣ-ꓫ ꓔꓦ ꓓꓳꓽ ꓚ ꓔꓬ ꓕꓯ ꓒꓳꓹ ꓔꓳꓹ ꓢꓴ ꓕꓲ ꓣꓳ ꓙꓳ ꓔꓬ ꓟ ꓓꓳꓽ

2022 ꓘꓳꓼ 3ꓦ ꓟ 15 ꓠꓬꓲ-ꓸ ꓣ-ꓫ ꓔꓦ Channel 1 ꓗꓪ ꓟꓶ ꓘꓶꓼ 9 ꓙꓵꓹ ꓓꓳꓽ ꓐꓯ ꓔꓬ ꓕꓲ ꓑꓹ ꓗꓪ ꓔꓦ ꓟꓬꓱꓽ ꓬꓰ ꓔꓬ ꓢꓴ ꓕꓲ ꓣꓳ ꓡꓰ ꓟꓯꓼ ꓢꓰꓼ ꓡꓯ ꓘꓳˍ ꓟ ꓠꓽ ꓩꓴ ꓗꓷ꓾ ꓐꓳ ꓔꓸ ꓟ ꓕꓳ ꓶ ꓔꓯ ꓟꓳꓸ ꓢꓲꓸ ꓒꓳꓹ ꓔꓳꓹ ꓓꓴ ꓕꓲ ꓟ ꓬꓰ ꓩꓴ ꓡ ꓡꓳ ꓐꓰ ꓢꓷ ꓪ ꓡꓳ= ꓔꓦ ꓟꓬꓱꓽ ꓬꓰ ꓢꓴ ꓖꓳ ꓟ ꓡꓰꓽ ꓟꓯꓼ ꓢꓱꓼ ꓡꓯ ꓘꓳ ꓟ ꓠꓽ ꓩꓴ ꓗꓷ = ꓮ ꓔꓳ ꓔꓳ ꓐꓯ ꓓꓴ ꓟ ꓔꓯ ꓕꓽ ꓙꓵꓸꓹ ꓕꓱ ꓗꓪ ꓬꓲꓸ ꓪ ꓗꓶꓸ ꓔꓬ ꓡꓳ꓾ ꓐꓰ ꓐꓳ ꓔꓸ ꓟ ꓕꓳ ꓶ ꓕꓲ ꓛꓬꓼ ꓔꓯ ꓓꓳꓽ ꓚ ꓟꓸ ꓢꓴ ꓗꓸ ꓠꓯ ꓢꓲ ꓗꓪ ꓔꓯꓹ ꓟꓳꓸ ꓢꓲꓸ ꓒꓳꓹ ꓔꓳꓹ ꓗꓷ ꓟ ꓥ ꓡꓳ= ꓔꓦ ꓚꓱꓹ ꓕꓱ ꓕꓲ ꓟ ꓔꓯ ꓛꓳꓽ ꓢꓴ ꓬꓲꓸ ꓪꓸ ꓣꓳ ꓟꓽ ꓞꓲ ꓙꓳˍ ꓡꓰꓳ ꓐꓰ The lisu Times ꓗꓪ ꓐꓯ ꓔ ꓡꓳ=

3ꓸ ꓚꓳꓦꓲꓓ-19 ꓠꓸꓹ ꓫꓵꓽ ꓟꓬ ꓡˍ ꓟ ꓪꓴꓸ ꓠꓬꓲ ꓧꓶ-ꓟꓵꓽ ꓗꓪ ꓙꓳˍ ꓟ ꓡꓳ ꓒꓱ ꓐꓰ ꓟꓬꓱꓽ ꓬꓰ ꓔꓶꓸ ꓔꓯ ꓬꓲ ꓐꓽ ꓟꓽ ꓓꓳ ꓝꓲ Lockdown ꓬꓰ ꓔ ꓟ ꓓꓳꓽ

ꓧꓶꓽ-ꓟꓵꓽ ꓗꓪ ꓠꓬ ꓚꓳꓦꓲꓓ -19 ꓠꓸꓹ ꓫꓵ ꓮ ꓟꓬꓹ ꓛꓲ ꓠꓸꓹ ꓔꓬ ꓟ ꓔꓯ ꓔꓳꓹ ꓜꓳꓽ ꓔꓬ ꓟ ꓥ ꓡꓳ= ꓖꓳ ꓟ ꓑꓶ ꓓꓴ ꓚꓳꓦꓲꓓ -19 ꓠꓸꓹ ꓐꓶ ꓓꓲꓻ ꓕꓱ ꓟ ꓮ ꓟꓬꓹ ꓟꓽ ꓬꓲꓼ ꓡ ꓠꓹ ꓟ ꓐꓱ ꓶ ꓞꓳ ꓣꓳ 170 ꓫꓬꓹ ꓔꓬ ꓟ Shanghai ꓡꓳ ꓒꓱ ꓗꓪ 3ꓦ ꓟ 14 ꓠꓬꓲ ꓕꓯ Shanghai ꓡꓳ ꓒꓱ ꓐꓰ ꓠꓱꓸ ꓐꓯꓼ ꓡꓳ ꓒꓱ ꓔꓯ ꓥ ꓟꓲ ꓬꓲꓸ ꓐ ꓗꓪ ꓙꓰ ꓟꓽ ꓓ ꓐꓰ ꓐꓯ ꓢꓲꓸ Lockdown ꓬꓰ ꓔ ꓟ ꓥ ꓡꓳ ꓐꓰ ꓢꓷꓸ ꓪ ꓡꓰꓳ=