ꓠꓬꓲꓸ ꓠꓬꓲ ꓟ ꓓꓳꓽ

1ꓸ ꓢꓯꓸ ꓬꓯꓼ ꓡ ꓑꓮꓲ ꓝꓲꓸ ꓗꓪ ꓬꓴ-ꓗ-ꓣꓲꓸ ꓐꓰ ꓣ-ꓫꓸ ꓐꓶꓸꓸ ꓡꓯꓼ ꓘꓳꓹ ꓟ ꓢꓰꓼ ꓡꓯꓼ ꓘꓳ_ ꓟ ꓔꓯ ꓠꓽ ꓗꓷ ꓠꓹ ꓟ ꓔꓲꓸꓸ ꓒ ꓪ ꓔꓲ ꓡꓰ ꓐꓯ_ ꓟ ꓓꓳꓽ

ꓡ ꓠꓹ ꓟ 4 ꓦ 17 ꓠꓬꓲ ꓬꓰ-ꓢꓴ ꓢꓯꓸ ꓬꓯꓼ ꓡ ꓑꓮꓲ ꓛꓵꓸ ꓟꓶꓸꓸ ꓓꓴ ꓬꓴ-ꓗ-ꓣꓲꓸ ꓗꓪ ꓐꓶꓸꓸ ꓡꓯꓼ ꓘꓳ ꓟ ꓔꓯ ꓠꓽ ꓗꓷ ꓠꓹ ꓟ ꓔꓲꓸꓸ ꓒ ꓪ ꓔꓲ ꓡꓰ ꓡꓳꓸ ꓬꓰ_ ꓟ ꓢꓲ ꓒ ꓬꓰ-ꓢꓴ ꓔꓯ ꓢꓲꓹ ꓑꓴ ꓔꓯꓹ ꓢꓲ ꓘꓳꓹ ꓣꓴ_ ꓟ ꓑꓮꓲ (ꓑꓮꓡꓟ ꓢꓴꓠꓓꓮꓬ) ꓪꓽ ꓘꓴ ꓙꓵꓹ ꓗꓪ ꓐꓯ ꓔ ꓡꓳ= ꓟꓯꓼ ꓢꓰꓼ ꓡꓯꓼ ꓘꓳ_ ꓟ ꓗꓪ ꓐꓰ ꓡꓽ ꓞꓳ ꓮ ꓟꓬꓹ ꓔꓯ ꓢꓰꓼ_ ꓟ ꓫꓵꓸꓸ ꓡꓰ ꓟ ꓕꓱ ꓡꓱ ꓬꓰ_ ꓟ ꓔꓯ ꓣꓳ ꓟꓲ ꓙꓬ ꓗꓪ ꓟꓳ ꓡꓰ ꓟ ꓥꓳ= ꓕꓱ ꓡꓱ ꓟꓯꓼ ꓢꓰꓼ ꓡꓯꓼ ꓘꓳ ꓓꓴ ꓟꓽ ꓒꓬꓱꓼ ꓡꓰ ꓠꓹ ꓟ ꓠꓽ ꓗꓷ ꓡꓰ ꓠꓹ ꓟ ꓐꓱ ꓶ ꓡ ꓛꓴꓸ ꓔꓯ ꓡꓳ ꓩꓴ ꓗꓷ ꓠꓹ ꓟ ꓪꓴ-ꓢ ꓠꓯꓼ ꓗꓪ ꓪꓽ ꓘꓴ ꓓꓴ ꓬꓰ ꓡꓯ ꓐꓰ ꓐꓯ ꓔ ꓡꓳ=

2ꓸ ꓬꓴ-ꓗ-ꓣꓲꓸ ꓠꓯꓸꓸ ꓞꓲꓼ ꓟꓸ ꓟ ꓐꓰ ꓣ-ꓫꓸ ꓠꓯꓸꓸ ꓞꓲꓼ ꓟꓸ ꓟ ꓐꓴ ꓠꓬ ꓚꓳꓡꓳꓢꓢꓰꓴꓟ ꓗꓪ ꓬꓰ ꓠꓹ ꓟ ꓡꓯꓼ ꓐꓳ ꓔꓶꓸ ꓓꓴ ꓔꓯꓹ ꓚꓳ ꓢꓲ-ꓸ ꓪꓽ ꓘꓴ_ ꓟ ꓗꓪ ꓐ ꓠꓹ ꓟ ꓓꓳꓽ

ꓕꓱ ꓕꓲ ꓘꓳꓼ ꓚꓳꓡꓳꓢꓢꓰꓴꓟ ꓗꓪ ꓬꓰ ꓠꓹ ꓟ ꓡꓯꓼ ꓐꓳ ꓔꓶꓸ ꓓꓴ ꓔꓯꓹ ꓚꓳ ꓢꓲ-ꓸ ꓪꓽ ꓘꓴ ꓟ ꓙꓵꓹ ꓗꓪ ꓠꓯꓸꓸ ꓞꓲꓼ ꓟꓸ ꓟ ꓠꓬꓲ ꓣꓳ ꓥ ꓟꓲ ꓐ ꓓꓴ ꓥ ꓢꓲ-ꓸ ꓕꓲ ꓣꓳ ꓠꓬ ꓬꓴ-ꓗ-ꓣꓲꓸ ꓗꓪ ꓐꓰ ꓥ ꓢꓲ ꓕꓲꓽ ꓣꓳ ꓠꓬ ꓣ-ꓫꓸ ꓗꓪ ꓐꓰ ꓥ ꓡꓳ= ꓬꓲ ꓪ ꓠꓬꓲ ꓣꓳ ꓠꓬ ꓣꓳ-ꓟ ꓗꓪ ꓔꓬ ꓟ Bio-Medico Campus ꓠꓯꓸꓸ ꓞꓲꓼ ꓦꓲ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓥ ꓢꓲ ꓮ ꓟꓶꓸꓸ ꓗꓴꓷꓼ ꓢꓰꓼ ꓡꓯꓼ ꓘꓳ ꓟ ꓙꓵꓹ ꓗꓪ ꓥ ꓟꓲ ꓬꓲ ꓪ ꓪ ꓡꓯꓼ ꓘꓳ_ ꓟ ꓫꓱꓹ ꓡꓯꓼ ꓘꓳ_ ꓟ ꓦꓲꓓꓰꓳ ꓔꓯ ꓥ ꓟꓲ ꓟꓸ ꓖꓶ_ ꓟ ꓥꓳ=

ꓬꓴ-ꓗ-ꓣꓲꓸ ꓠꓯꓸꓸ ꓞꓲꓼ ꓟꓸ ꓟ ꓠꓬ Irina ꓥ ꓢꓲ-ꓸ ꓬꓲ ꓠꓬ Italy ꓗꓪ ꓔꓬ ꓥ ꓟꓲ ꓬꓲ ꓔꓬ ꓖ ꓥ ꓟ ꓬꓴ-ꓗ-ꓣꓲꓸ ꓐꓱ ꓶ ꓙꓬ ꓫꓸ ꓔꓬ ꓟ ꓥꓳ= ꓬꓲ ꓠꓲꓹ ꓠꓵ ꓢꓴ ꓐꓴ ꓐꓱ ꓶ ꓙꓬ ꓫꓸ ꓔꓬ ꓟ-ꓸ ꓬꓲ ꓟꓸ ꓟ ꓠꓬ ꓮ ꓟꓶꓸꓸ ꓬꓴ-ꓗ-ꓣꓲ ꓗꓪ ꓔꓬ ꓟ ꓔꓯ ꓬꓲ ꓡꓰ ꓐꓯ ꓔ ꓡꓳ= ꓣ-ꓫꓸ ꓠꓯꓸꓸ ꓞꓲꓼ ꓟꓸ ꓟ ꓠꓬ Albina ꓥ ꓢꓲ-ꓸ ꓑꓳꓸꓸ ꓡ ꓛꓴꓸ ꓐꓰ ꓢꓰꓼ ꓡꓯꓼ ꓘꓳ_ ꓟ ꓕꓱ ꓡꓱ ꓬꓰ ꓟ ꓠꓬ ꓙꓵ_ ꓟ ꓟꓽ ꓥ= ꓠꓵ ꓠꓲꓹ ꓢꓯꓼ ꓪ ꓡꓰ ꓮ ꓙꓵꓽ ꓔꓯ ꓡꓳꓹ ꓬꓰ ꓐ ꓡ ꓥꓳ= ꓥꓪ ꓠꓬ ꓣ-ꓫꓸ ꓑ ꓫꓬ ꓥ ꓡꓳ ꓖꓳ ꓡꓱ ꓥ ꓟꓲ ꓕꓱ ꓡꓱ ꓢꓰꓼ ꓡꓯꓼ ꓘꓳ ꓟ ꓔꓯ ꓥꓪ ꓓ ꓔꓳꓹ ꓔ ꓡꓳ ꓐꓰ ꓐꓯ ꓔ ꓡꓳ=

ꓟꓯꓼ ꓢꓰꓼ ꓡꓯꓼ ꓘꓳ ꓟ ꓑꓶ ꓓꓴ ꓬꓲ ꓪ ꓠꓬꓲ ꓣꓳ ꓔꓯ ꓟꓬ ꓠꓬꓲ ꓪ ꓡꓯꓼ ꓘꓳ ꓫꓱꓸ ꓡꓯꓼ ꓘꓳ ꓡꓰ ꓝꓲ_ ꓡꓳ ꓐꓰ ꓐꓯ ꓢꓲ-ꓸ ꓕꓲ ꓟꓲ ꓠꓯ ꓡꓱꓼ ꓟꓳ ꓠꓹ ꓟ ꓐꓱ ꓶ ꓠꓽ ꓥꓪ ꓠꓬꓲ ꓕꓯ ꓚꓳꓡꓳꓢꓢꓰꓴꓟ ꓕꓲꓽ ꓚꓳ ꓡꓳ ꓗꓪ ꓕꓲ ꓠꓲꓹ ꓕꓲ ꓪꓼ ꓙꓸꓸ ꓫꓱꓽ ꓓꓴ ꓥꓳ= 

3ꓸ Thingyan ꓣꓳꓸ ꓑꓲꓸ ꓔ ꓟ ꓙꓵꓹ ꓗꓪ Mawlamyine- Yangon ꓧꓳꓽ ꓙꓱꓸꓸ ꓚꓱꓹ ꓙꓸꓸ ꓫꓱꓽ ꓓꓴ ꓥꓳ ꓐꓰ ꓐꓯ_ ꓟ ꓓꓳꓽ

Thingyan ꓣꓳꓸ ꓑꓲꓸ ꓔ ꓟ ꓙꓵꓹ ꓗꓪ ꓔꓬ ꓖ ꓗꓪ ꓡ ꓠꓲꓹ ꓫꓵꓽ ꓢꓴ ꓙꓸꓹ ꓫꓱꓽ ꓓꓴ ꓢ ꓡꓰ ꓠꓹ ꓟ ꓐꓱ ꓶ Mawlamyine- Yangon ꓧꓳꓽ ꓙꓱꓸꓸ ꓔꓯ ꓕꓲꓽ ꓠꓬꓲ ꓡꓲ ꓕꓲ ꓠꓬꓲ ꓙꓸꓹ ꓫꓱꓽ ꓓꓴ ꓥꓳ ꓐꓰ ꓟꓬ-ꓟ ꓧꓳꓽ ꓙꓱꓸꓸ ꓜꓴ ꓗꓪ ꓐꓰ ꓢꓷꓸ ꓪ ꓡꓳ=

ꓕꓱ ꓧꓳꓽ ꓙꓱꓸꓹ ꓔꓯ Mawlamyine ꓗꓪ ꓐꓰ ꓠꓯꓼ 8 ꓙꓵꓹ ꓕꓯ ꓪꓴꓸ ꓔꓴ ꓠꓹ ꓟ ꓥ ꓡꓳ= ꓧꓳꓽ ꓙꓱꓸꓸ ꓗꓪ ꓛꓰ ꓪꓴ ꓜ ꓢꓴ ꓕꓲꓽ ꓣꓳ ꓡꓰ ꓥꓪ ꓠꓴ ꓐꓱ ꓶ ꓮ ꓘꓶꓸ ꓢ ꓡꓰ ꓟ ꓥꓳ= ꓥꓪ ꓠꓴ ꓠꓬ ꓕꓲ ꓦꓲ ꓢꓴ ꓔꓬ ꓜ ꓠꓹ ꓟ ꓐꓱ ꓶ ꓕꓱ ꓧꓳꓽ ꓙꓱꓸꓸ ꓗꓪ ꓛꓰ ꓪꓴ ꓜ ꓔꓬ ꓟ ꓥ ꓡꓳ= ꓮ ꓟꓶꓸꓸ ꓡꓰ ꓐꓰ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓧꓳꓽ ꓙꓱꓸꓸ ꓙ ꓫꓱꓽ ꓠꓬ Thingyan ꓑꓲꓸ ꓔꓸ ꓟ ꓙꓵꓹ ꓗꓪ ꓥ ꓟꓲ ꓛꓰ ꓪꓴ ꓜ ꓪ ꓡꓰ ꓥꓳ ꓐꓰ ꓐꓯ_ ꓡꓳ-ꓸ ꓐꓰ Popular News Journal ꓗꓪ ꓐꓰ ꓢꓷꓸ ꓪ ꓡꓳ=