ꓠꓬꓲꓸ ꓠꓬꓲ ꓟ ꓓꓳꓽ

1ꓸ ꓤ ꓠꓱ ꓤ 970 ꓣꓳ ꓐꓰ ꓑ ꓫꓬ 2 ꓟꓶꓽ ꓛꓲ ꓔꓯ ꓬꓴ-ꓗ-ꓣꓲꓸ ꓗꓪ ꓐꓰ ꓣ-ꓫꓸ ꓗꓪ ꓚꓵꓸꓸ ꓖꓶ_ ꓟ ꓓꓳꓽ

ꓤ ꓠꓱ ꓤ 970 ꓣꓳ ꓐꓰ ꓑ ꓫꓬ 2 ꓟꓶꓽ ꓛꓲ ꓔꓯ ꓬꓴ-ꓗ-ꓣꓲꓸ ꓗꓪ ꓐꓰ ꓣ-ꓫꓸ ꓗꓪ ꓕꓲꓽ ꓠꓬꓲꓽ ꓘꓴꓽ ꓗꓪ ꓚꓵꓸꓸ ꓖꓶ ꓓꓳ ꓡꓰꓳ ꓐꓰ ꓣ-ꓫꓸ ꓗ ꓕꓸ ꓜꓴ ꓗꓪ ꓐꓰ ꓜꓲꓽ ꓪꓴꓽ ꓢꓴ Michel Mizinse ꓡꓰ ꓠꓽ ꓫꓵꓽ ꓠꓬꓲ ꓕꓯ ꓐꓯ ꓔ ꓟ ꓥꓳ=

ꓣ-ꓫꓸ ꓬꓴ-ꓗ-ꓣꓲꓸ ꓟꓯꓼ ꓢꓰꓼ ꓡꓯꓼ ꓘꓳ ꓟ ꓗꓪ ꓐꓰ ꓠꓬꓲꓸ ꓠꓬꓲ ꓗꓪ ꓛꓲ ꓤ ꓠꓱ ꓤ 206610 ꓣꓳ ꓐꓰ ꓑ ꓫꓬ 1ꓹ185ꓹ791 ꓣꓳ ꓔꓯ ꓚꓵꓸꓸ ꓖꓶ ꓢꓲ-ꓸ ꓔꓬ ꓖ Center 9500 ꓛꓲ ꓥ ꓟꓲ ꓔꓬ ꓠꓹ ꓟ ꓐꓱ ꓶ ꓙꓽ ꓖꓶ ꓦ ꓡꓳ ꓐꓰ ꓥ ꓟꓲ ꓬꓲ ꓡꓰ ꓐꓯ ꓔ ꓡꓳ=

2ꓸ ꓧꓪꓽ ꓧꓶꓽ ꓗꓸ (Hot dog) ꓜ ꓢꓲ ꓞꓳ ꓤ 50 ꓣꓳ ꓛꓲ ꓜꓽ ꓫꓵꓽ ꓔꓳꓸ ꓬꓰ ꓟ ꓜꓽ ꓫꓵꓽ ꓖꓳ ꓡꓰ ꓟ ꓓꓳꓽ

 Yangon ꓡꓳ ꓒꓱ Yawtakyi ꓘꓹ ꓗꓪ ꓔꓬ ꓟ ꓤ ꓠꓱ ꓞꓳ ꓟꓳ 50 ꓣꓳ ꓛꓲ ꓠꓬ 5 ꓦ 9 ꓠꓬꓲ ꓟꓶꓽ ꓘꓶꓼ ꓙꓵꓹ ꓕꓯ ꓜ ꓟꓽ ꓓ ꓐꓰ ꓗꓽ ꓕꓸ ꓦ ꓟ ꓧꓪꓽ ꓧꓶꓽ ꓗꓸ ꓔꓯ ꓜ ꓞꓯꓼ ꓢꓲ-ꓸ ꓜꓽ ꓫꓵꓽ ꓔꓳꓸ ꓬꓰ ꓟ ꓥꓳ ꓐꓰ ꓢꓷꓸ ꓪ ꓡꓳ=

ꓬꓰ ꓙ ꓢꓴ ꓜꓴ ꓗꓪ ꓐꓰ ꓜꓽ ꓫꓵꓽ ꓔꓳꓸ ꓬꓰ ꓢꓴ ꓐꓴ ꓔꓯ ꓠꓯꓸꓹ ꓞꓲꓼ ꓦꓲ ꓗꓪ ꓧꓳꓽ ꓔꓯꓹ ꓦ ꓡꓳ ꓐꓰ ꓢꓷꓸ ꓪ ꓡꓳ= ꓜꓽ ꓫꓵꓽ ꓔꓳꓸ ꓬꓰ ꓢꓴ ꓐꓴ ꓠꓬ 5 ꓘꓳꓼ ꓗꓪ ꓐꓰ 30 ꓘꓳꓼ ꓗꓪ ꓛꓲ ꓤ (20) ꓣꓳ ꓛꓲ ꓤ ꓟꓶꓼ (30) ꓣꓳ ꓛꓲ ꓐ ꓟ ꓥꓳ= ꓠꓬꓲꓸ ꓠꓬꓲ ꓠꓯꓼ ꓗꓪ ꓛꓲ ꓮ ꓡꓰ ꓔꓬ ꓟ ꓔꓯ ꓟꓽ ꓢꓷꓸ ꓔ ꓢꓲ ꓐꓰ ꓟꓲꓠ ꓰꓮꓲꓠ ꓢꓧꓲꓠ ꓬꓰ ꓙ ꓢꓴ ꓗꓪ ꓐꓰ ꓕꓲꓽ ꓣꓳ ꓡꓰ ꓐꓯ ꓔ ꓡꓳ= ꓣꓳ ꓥ ꓟꓲ ꓗꓽ ꓕꓸ ꓦ ꓟ ꓜ ꓫꓵꓽ ꓔꓯ ꓟꓽ ꓜ ꓪ ꓡꓰ ꓠꓹ ꓟ ꓤ ꓟꓳ ꓓꓴ ꓬꓰ ꓡꓯ=

3ꓸ MOU ꓟꓬ-ꓟ ꓟꓬꓱꓽ ꓬꓰ ꓢꓴ 288 ꓣꓳ Thai ꓗꓪ ꓛꓲ ꓬꓰ ꓟ ꓓꓳꓽ

ꓟꓬ-ꓟ Thai  ꓞꓸ ꓡꓯꓼ ꓘꓳ ꓟ ꓗꓪ ꓐꓰ ꓝꓲ ꓩꓴ ꓗꓷ ꓟ ꓟꓬ-ꓟ ꓟꓳꓴ ꓟꓬꓱꓽ ꓬꓰ ꓢꓴ 288 ꓣꓳ ꓔꓧꓮꓲ ꓗꓪ ꓠꓬꓲꓸ ꓠꓬꓲ ꓗꓪ ꓓꓽ ꓪꓴ ꓕꓲꓽ ꓜꓴ ꓚꓵꓸꓸ ꓬꓰ ꓟ ꓥꓳ ꓐꓰ ꓢꓷꓸ ꓪ ꓡꓳ= Myawaddy ꓗꓪ ꓐꓰ ꓕꓲꓽ ꓞꓸ ꓠꓬꓲꓸ ꓠꓬꓲ ꓠꓯꓼ ꓕꓯ ꓟꓳꓴ ꓟꓬꓱꓽ ꓬꓰ ꓢꓴ ꓔꓧꓮꓲ ꓗꓪ ꓚꓵꓸꓸ ꓢꓲ ꓔꓧꓮꓲ ꓗꓪ ꓐꓰ ꓘꓳꓹ ꓣꓴ ꓡꓳ ꓐꓰ ꓢꓷꓸ ꓪ ꓡꓳ= ꓬꓲ ꓪ ꓠꓬ ꓮꓸ-ꓬꓸ ꓧꓪꓽ ꓟꓬꓱꓽ ꓬꓰ ꓔꓶꓸ ꓗꓪ ꓬꓰ ꓠꓹ ꓟ ꓥꓳ ꓐꓰ ꓔꓧꓮꓲ ꓟꓬ-ꓟ ꓙ ꓡꓯꓼ ꓘꓳ ꓣꓳꓸ ꓦꓲ ꓗꓪ ꓐꓰ ꓐꓯ ꓑꓶ ꓔ ꓡꓳ=

 

Add new comment

15 + 3 =