ꓠꓬꓲꓸ ꓠꓬꓲ ꓟ ꓓꓳꓽ

1ꓸ ꓖꓴ ꓪꓴꓸ Korea ꓗꓪ ꓠꓸꓹ ꓫꓵꓽ ꓙꓳ ꓢꓴ 10 ꓫꓬꓹ ꓛꓲ ꓙꓳ ꓡꓰ ꓟ ꓓꓳꓽ

Covid 19 ꓠꓸꓹ ꓫꓵꓽ ꓟꓬ ꓡ ꓟ ꓖꓴ ꓪꓴꓸ Korea ꓗꓪ ꓠꓸꓹ ꓢꓴ 10 ꓫꓬꓹ ꓛꓲ ꓙꓳ ꓡꓰꓳ ꓐꓰ ꓗꓚꓠꓮ ꓓꓳꓽ ꓗꓪ ꓐꓯ ꓔ ꓡꓳ= Covid 19 ꓠꓸꓹ ꓫꓵꓽ ꓟꓬ ꓡꓳ ꓐꓰ ꓐꓯ ꓑꓶ ꓓꓳꓸꓸ ꓗꓸ ꓠꓯꓸ 4 ꓠꓬꓲ ꓘꓴꓽ ꓗꓪ ꓠꓸꓹ ꓫꓵꓽ ꓙꓳ ꓢꓴ 10 ꓫꓬꓹ ꓛꓲ ꓙꓳ ꓡꓰ ꓢꓲ-ꓸ ꓫꓵꓸꓹ ꓢꓴ 50 ꓛꓲ ꓙꓳ ꓡꓰꓳ ꓐꓰ ꓗꓚꓠꓮ ꓓꓳꓽ ꓗꓪ 16 ꓠꓬꓲ ꓕꓯ ꓐꓯ ꓑꓶ ꓔ ꓡꓳ=

ꓮ ꓟꓶ ꓗꓪ ꓛꓲ 564860 ꓣꓳ ꓛꓲ ꓠꓬ Quarantine ꓓꓴ ꓔꓬ ꓟ ꓥꓳ= ꓠꓸꓹ ꓫꓵꓽ ꓕꓱ ꓡꓱ ꓟꓬ ꓡ ꓟ ꓙꓵꓹ ꓗꓪ ꓖꓴ ꓪꓴꓸ Korea ꓗꓴꓷꓼ ꓙꓵꓽ ꓢꓲ ꓒꓽ Kim Jong-Un ꓡꓰ ꓠꓯꓸꓹ ꓞꓲꓼ ꓟꓬꓱꓽ ꓣꓱꓽ ꓢꓴ ꓐꓴ ꓔꓯ ꓝꓴꓲ ꓐꓯ_ ꓟ ꓥꓳ= ꓗꓴꓷꓼ ꓙꓵꓽ ꓢꓲ ꓒꓽ Kim Jong-Un ꓡꓰ ꓠꓯꓸꓹ ꓞꓲꓼ ꓟꓬꓱꓽ ꓗꓪ ꓣꓱꓽ ꓙ ꓠꓹ ꓟ ꓐꓱ ꓶ ꓬꓰ ꓙ ꓠꓹ ꓟ ꓟꓯꓼ ꓐꓴ ꓔꓯ ꓐꓯ ꓔ ꓟ ꓥꓳ=

2ꓸ ꓟꓴ-ꓢꓯ 105 Mile ꓧꓶꓽ ꓟꓬ-ꓟ ꓟꓵꓽ ꓫꓸ ꓗ Gate ꓒꓴ_ ꓟ ꓓꓳꓽ

ꓧꓶꓽ ꓟꓬ-ꓟ ꓟꓵꓽ ꓫꓸ ꓗ ꓖꓮꓔꓰ ꓥ ꓟ ꓟꓴ-ꓢꓯ ꓙꓲꓠ-ꓢꓮꓠ-ꓙꓳ Gate ꓔꓯ 5 ꓦ 16 ꓠꓬꓲ ꓠꓽ ꓕꓲ ꓠꓬꓲ ꓕꓯ ꓶꓸꓸ ꓟꓳ-ꓓꓳ ꓔꓯ ꓓꓵꓽ ꓓꓳꓸꓸ ꓙꓰ ꓓ ꓡꓳ ꓐꓰ ꓟꓵꓽ ꓫꓸ ꓗ ꓶꓸꓸ ꓡꓯꓼ ꓬꓰ ꓢꓴ ꓕꓲ ꓣꓳ ꓗꓪ ꓐꓰ ꓢꓷꓸ ꓪ ꓡꓳ= ꓶꓸꓸ ꓟꓳ-ꓓꓳ ꓓꓵꓽ ꓓꓳ ꓙꓰ ꓠꓹ ꓟ ꓬꓰ ꓠꓹ ꓟ ꓚꓱꓹ ꓔꓯ ꓠꓬ ꓮ ꓟꓶ ꓗꓪ ꓛꓲ ꓐꓯ ꓑꓶ ꓦ ꓟ ꓟꓽ ꓙꓳ ꓢꓰ ꓐꓰ ꓐꓯ_ ꓡꓳ=

ꓕꓱ ꓟ ꓠꓬ 2020 ꓘꓳꓼ ꓗꓪ ꓐꓰ ꓒꓬꓱꓼ ꓔꓬ ꓟ ꓚꓳꓦꓲꓓ ꓠꓸꓹ ꓫꓵꓽ ꓑꓶ ꓓꓴ ꓟꓵꓽ ꓫꓸ ꓗ ꓖꓮꓔꓰ ꓔꓯ ꓶꓸꓹ ꓟꓳ-ꓓꓳ ꓓꓵꓽ ꓓꓳ ꓙꓰ ꓓꓴ ꓑꓲꓸ ꓔ ꓟ ꓗꓪ ꓐꓰ ꓝꓮꓲ ꓒꓴ_ ꓟ ꓥꓳ=

3. ꓐꓶ-ꓬꓲ (ꓮ ꓢꓮ) ꓟꓵ: ꓔꓯ ꓟꓳ. (11) ꓧꓪꓹ ꓟ ꓡꓲ-ꓢꓴ ꓕꓳ ꓶ ꓐꓰ ꓡꓲ: ꓒꓰꓼ ꓧꓳ: ꓣꓱ: ꓢꓴ ꓑꓺ ꓡꓶ. ꓟ ꓓꓳ:

ꓐꓶ-ꓬꓲ ꓟꓵ: ꓔꓯ ꓟꓳ. ꓡꓲ-ꓢꓴ ꓕꓳ ꓶ ꓐꓰ ꓡꓲ: ꓒꓰꓼ ꓔꓯ ꓧꓳ: ꓣꓱ: ꓢꓴ ꓬꓲ. ꓫꓵꓼ ꓑꓺ ꓡꓶ. ꓟ ꓔꓯ 5 ꓦ 6 ꓠꓬꓲ 7 ꓠꓬꓲ ꓗꓪ ꓑꓬꓲꓠ-ꓴ-ꓡꓪꓲꓠ ꓗꓪ ꓬꓰ ꓗꓷꓳ ꓐꓰ ꓢꓷ. ꓪ ꓡꓳ=

ꓢ ꓡ ꓙꓵ: = ꓞꓳ ꓔꓲꓺ ꓢꓳꓰ ꓪꓲꓠ

ꓔꓳꓹ ꓙ ꓢ ꓡ ꓙꓵ: = ꓞꓳ ꓔꓲꓺ ꓮꓪꓠꓖ ꓡꓲ

ꓟꓬꓱ: ꓢꓲꓺꓒ = ꓞꓳ ꓔꓲꓺ ꓡꓲ-ꓡꓰ

ꓔꓳꓹ ꓙ ꓟꓬꓱ: ꓢꓲꓺ ꓒ = ꓞꓳꓺ ꓔꓲꓺ ꓔꓳ-ꓢꓲ

ꓒꓴꓻ ꓶ ꓫꓺ ꓢꓴ = ꓞꓳ ꓔꓲꓺꓦꓯ-ꓖꓰ-ꓒ

ꓕꓱ ꓡꓳ ꓐꓰ ꓖꓪ ꓙꓱ ꓧꓳ ꓡꓰꓳ ꓐꓰ ꓢꓷ. ꓪ ꓡꓳ=