ꓠꓬꓲꓽ ꓠꓬꓲ ꓘꓴꓽ ꓗꓪ꓾ ꓟꓬ-ꓟ ꓗꓴꓷꓼ ꓗꓪ ꓟ ꓟꓵꓽ ꓕꓲ ꓐꓱ ꓗꓪ ꓟꓶꓽ ꓦ ꓬꓲ ꓓꓽ ꓟ ꓦ ꓡ ꓓꓴ ꓙꓳˍ ꓡꓳ꓾

4 ꓦ 10 ꓠꓬꓲ꓾ 2024 ꓘꓳꓼ꓾ ꓠꓬꓲꓸ ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ 4 ꓦ (12) ꓠꓬꓲ ꓘꓴꓽ ꓠꓯꓸꓼ ꓗꓪ ꓔ-ꓠꓲꓹ-ꓔ-ꓬꓲ ꓟꓵꓽ ꓫꓴ꓾ ꓗ-ꓬꓲꓠ ꓗꓴꓷꓼ ꓫꓴ ꓐꓰ ꓟꓳꓠ ꓗꓴꓷꓼ ꓫꓴ꓾ ꓢ-ꓖꓮꓲꓹ ꓟꓵꓽ ꓫꓴ꓾ ꓑꓯ-ꓖꓴꓹ ꓟꓵꓽ ꓫꓴ꓾ ꓗ-ꓛꓲ ꓗꓴꓷꓼ ꓫꓴ꓾ ꓐꓶ-ꓬꓲ ꓗꓴꓷꓼ ꓫꓴ ꓐꓶ ꓓꓳ ꓐꓰ ꓗ-ꓬꓮ ꓗꓴꓷꓼ ꓫꓴ ꓐꓴ ꓗꓪ ꓟ ꓟꓵꓽ ꓕꓲ ꓐꓱ ꓗꓪ ꓟꓶꓽ ꓦ ꓬꓲ ꓓꓽ ꓟ ꓦ ꓡ ꓓꓴ ꓙꓳˍ ꓡꓳ꓾ ꓐꓰ ꓟꓬ-ꓟ ꓗꓴꓷꓼ ꓟꓵꓽ ꓘꓳꓼ ꓔꓯ ꓟꓳꓸ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓐꓯ ꓑꓶ ꓔ ꓟ ꓗꓪ ꓐꓰ ꓢꓷꓸ ꓪ ꓡꓳ=

ꓐꓶꓻ ꓓꓳ ꓕꓲ ꓛꓱꓽ ꓗꓪ ꓐꓰ ꓙꓵ ꓡ ꓔꓬ ꓟ ꓟꓴꓽ ꓗꓴꓸ ꓗꓪ ꓐꓰˍ ꓟꓲ꓾ ꓛ ꓢꓯꓼ ꓪꓴꓸ ꓠꓬꓲ ꓬꓲꓸ ꓟꓴꓽ ꓘꓴꓽ ꓓꓯꓻ ꓙꓰ ꓢꓲ ꓟꓴ ꓗꓴꓸ ꓢꓯꓼ ꓪꓽ ꓠꓬꓲ ꓔꓬ ꓟ ꓗꓪ ꓐꓰ ꓥˍ ꓟꓲ꓾ ꓐꓶꓻ ꓓꓵꓽ ꓗꓪ ꓐꓰ ꓙꓵ ꓡ ꓔꓬ ꓟ ꓟꓲꓽ ꓦꓲ ꓢꓯꓼ ꓪꓽ ꓠꓬꓲˍ ꓟ ꓪꓴꓸ ꓠꓬꓲ ꓥˍ ꓟꓲ ꓬꓲ ꓝꓲꓸ ꓬꓲ ꓒꓯꓼ ꓟꓽ ꓥ ꓥ ꓟꓶꓽ ꓦ ꓓꓽ ꓟ ꓦ ꓡ ꓓꓴ ꓙꓳˍ ꓡꓳ꓾ ꓐꓰ ꓟꓵꓽ ꓘꓳꓼ ꓔꓯ ꓟꓳꓸ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓢꓷꓸ ꓩꓴ ꓔ ꓟ ꓥ ꓡꓳ=

ꓟꓵꓽ ꓘꓳꓼ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓢꓷꓸ ꓙ ꓟꓳ ꓙ ꓔ ꓟ ꓘꓴꓽ ꓗꓪ꓾ ꓑ ꓫꓬ ꓐꓴ ꓠꓬ꓾ ꓬꓲ ꓝꓲꓸ ꓬꓲ ꓒꓯꓼ ꓟꓽ ꓥ ꓥ ꓟꓶꓽ ꓦ ꓓꓽ ꓟ ꓦ ꓡˍ ꓟ꓾ ꓟꓲꓽ ꓐꓬꓱꓼ ꓤꓰ ꓡˍ ꓟ꓾ ꓟꓴꓽ ꓖꓴꓽ ꓑꓱꓹ (ꓟꓴꓼ ꓖꓴꓼ ꓘꓶꓽ) ꓡˍ ꓟ꓾ ꓪꓽ ꓢꓶꓽ ꓟꓶꓽ ꓦ ꓢꓶꓽ ꓞꓰꓻ ꓡˍ ꓟ꓾ ꓟꓲꓽ ꓦꓲ ꓬꓲ ꓓꓽ ꓟ ꓙꓱꓼ ꓡˍ ꓟ꓾ ꓕꓱ ꓟꓬ ꓫꓵꓽ ꓒꓬꓱꓼ ꓡ ꓗꓴꓸˍ ꓟ ꓑꓶꓸ ꓓꓴ ꓤ ꓟꓳ ꓢꓲ ꓔꓬ ꓠꓯꓹˍ ꓡꓳ꓾ ꓐꓰ ꓕꓵꓼ ꓪ ꓖꓶꓽ ꓔ ꓡꓳ=