ꓠꓲꓖꓰꓣꓲꓮ ꓗꓪ ꓔꓲꓺ ꓒ ꓕꓲꓽ ꓣꓳ ꓔꓯ ꓬꓲꓸ ꓢꓯꓸ ꓢꓯꓸ ꓮ ꓔꓳꓸ ꓛꓴ ꓢꓰꓼ ꓗꓷ ꓟ ꓓꓳꓽ

ꓗ-ꓔꓳ-ꓡꓲꓗ ꓔꓲꓺ ꓒ ꓔꓯ ꓬꓲꓸ ꓢꓯꓸ ꓢꓯꓸ ꓮ ꓔꓳꓸ ꓛꓴꓻ ꓢꓰꓼ ꓗꓷꓹ ꓟ ꓓꓳꓽ

                ꓮ ꓟꓰ 1 ꓦ ꓟ 15 ꓠꓬꓲ ꓕꓯ ꓖꓴ ꓪꓴꓸ ꓠꓲꓖꓰꓣꓲꓮ ꓗꓪ ꓔꓲꓺ ꓒ ꓕꓲꓽ ꓣꓳ ꓔꓯ ꓒꓬ ꓜꓽ ꓢꓴ ꓕꓲꓽ ꓧꓳ ꓡꓰ ꓬꓲꓸ ꓢꓯꓸ ꓢꓯꓸ ꓮ ꓔꓳꓸ ꓛꓴ ꓢꓰꓼ ꓗꓷꓳ ꓐꓰ ꓢꓷꓸ ꓪ ꓡꓳ=

                ꓒꓬꓹ ꓜꓽ ꓢꓴ ꓠꓬ ꓔꓲꓺ ꓒ ꓲsaaac Achi ꓗꓪ ꓓꓵꓽ ꓙꓰ ꓠꓹ ꓟ ꓢꓯꓼ ꓕꓵꓼˍ ꓟꓲ ꓓꓵꓽ ꓙꓰ ꓟꓽ ꓐ ꓡ ꓟ ꓑꓶꓸ ꓓꓴ꓾ ꓦꓲꓻ ꓖꓳ ꓟ ꓔꓯ ꓮ ꓔꓳꓸ ꓡꓰ ꓛꓴ ꓗꓷˍ ꓟ ꓥꓳ= ꓖꓳ ꓕꓯ ꓦꓲꓻ ꓘꓴꓽ ꓗꓪ ꓔꓬꓹ ꓟ ꓔꓲꓺ ꓒ ꓠꓬ ꓖꓳ ꓗꓪ ꓞ꓾ ꓮ ꓔꓳꓸ ꓐꓬ ꓢꓰꓼ ꓗꓷꓳ=

                ꓔꓲꓺ ꓒ ꓐꓰ ꓕꓲꓽ ꓪ ꓔꓬꓹ ꓟ ꓝꓮꓲꓸ ꓕꓲꓽ ꓣꓳ ꓟ ꓥ ꓟ ꓔꓲꓺ ꓒ ꓚꓳꓡꓡꓲꓠꓢ ꓳꓟꓰꓧ ꓠꓬ ꓔꓷꓹ ꓙꓰ ꓐ ꓡ ꓥˍ ꓟꓲ꓾ ꓑꓳ ꓗꓪ ꓐꓰ ꓑꓳꓸ ꓟ ꓟꓶ ꓡꓰ ꓟ ꓑꓶꓸ ꓓꓴ ꓠꓯꓺ ꓞꓲꓼ ꓦꓲꓻ ꓗꓪ ꓓꓳꓽ ꓓ ꓡꓳ ꓐꓰ ꓢꓷꓸ ꓪ ꓡꓳ=

                ꓠꓲꓖꓰꓣꓲꓮ ꓗꓴꓷꓼ ꓗꓪ ꓠꓬ ꓗ-ꓔꓳ-ꓡꓲꓗ ꓔꓯ ꓟꓽ ꓠꓽ ꓟꓽ ꓠꓽ ꓫ ꓙꓵ ꓡꓰ ꓝꓲ ꓢꓴ ꓮ ꓟꓬ ꓙꓳ ꓡꓳ ꓐꓰ ꓢꓷꓸ ꓪ ꓡꓳ=