ꓠꓻ ꓢꓴ ꓒꓬꓽ ꓢꓴ ꓐꓴ ꓔꓯ ꓠꓻ ꓫꓬꓹ ꓖꓶˍ ꓟ ꓡꓰ ꓐꓰ ꓟꓲ ꓠꓯ ꓔꓯ ꓥˍ ꓟꓲ ꓡꓳꓸ ꓙ ꓠꓹ ꓟ ꓔꓲ ꓒ ꓪ ꓔꓲ ꓡꓰ ꓐꓯˍ ꓟ

ꓟꓵꓽ ꓗꓳꓹ ꓓꓵꓺ ꓓꓵꓺ ꓢꓲꓺ ꓡꓲˍ ꓟ ꓠꓬꓲ ꓐꓱ ꓶ ꓔꓲꓺ ꓒ ꓪ ꓔꓲ ꓐꓯ ꓘꓶꓽ ꓬꓲꓸ ꓕꓲꓽ ꓟꓴꓽ ꓠꓬ “ꓢꓲꓺ ꓡꓲꓺ ꓟ ꓚꓱꓹ ꓐꓱ ꓶ ꓡꓳꓸ ꓙˍ ꓟ ꓡꓲꓽ ꓒꓰꓼ”꓾ ꓥ ꓡꓳ=

ꓔꓲꓺ ꓒ ꓪ ꓔꓲ ꓡꓰ ꓾ ꓮ ꓟꓶ ꓕꓲꓽ ꓘꓳꓼ ꓗꓪ ꓠꓬ ꓕꓲ ꓣꓳ ꓛꓳꓽ ꓕꓲ ꓣꓳ ꓠꓬꓲ ꓙ ꓡꓳꓸ ꓙˍ ꓟ ꓐꓰ ꓪꓴ-ꓢ ꓚꓰꓼ ꓔ ꓟ ꓔꓯ ꓠꓬꓲ ꓙ ꓡꓳꓸ ꓙˍ ꓟ ꓠꓬ ꓬꓳꓸ ꓚꓵˍ ꓟ ꓔꓯ ꓟꓳꓸ ꓖꓶ ꓗꓷꓳ꓾ ꓐꓰ ꓐꓯ ꓢꓲ ꓬꓲꓸ ꓔꓶꓻ ꓙꓱꓼ ꓔꓯ ꓐꓯ ꓟꓸ ꓖꓶ ꓗꓷꓳ=

ꓮ ꓟꓶ ꓟ ꓙꓵꓹ ꓗꓪ ꓠꓬ ꓠꓬꓲ ꓙ ꓡꓳꓸ ꓙ ꓐꓯˍ ꓟ ꓕꓯꓽ ꓢꓲ ꓙꓲˍ ꓟ ꓟꓽ ꓙꓳ ꓟ꓾ ꓔꓲꓺ ꓒ ꓪ ꓔꓲ ꓬꓲ ꓬꓲꓼ ꓠꓬꓲꓸ ꓖꓶˍ ꓔ ꓟ ꓠꓬ ꓞꓳ ꓤ ꓒꓵꓽ ꓶꓼ꓾ ꓞꓳ ꓤ ꓪꓺ ꓙꓵꓽ ꓪꓽ ꓐꓰ ꓣꓳ ꓕꓲ ꓚꓳꓺ ꓡꓳꓺ ꓗꓪ ꓙꓳˍ ꓟ ꓪꓴ-ꓢ ꓡꓰ ꓚꓰꓼ ꓔ ꓟ ꓔꓯ ꓠꓬꓲ ꓙ ꓡꓳꓸ ꓙˍ ꓟ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓕꓲ ꓟꓵꓽ ꓐꓰ ꓕꓲ ꓟꓵꓽ ꓾ ꓕꓲꓽ ꓗꓴꓷꓼ ꓐꓰ ꓕꓲ ꓗꓴꓷꓼ ꓙ ꓡꓯꓽ ꓘꓳˍ ꓟ ꓔꓯ ꓝꓸ ꓢꓲ ꓣꓱꓽ ꓬꓰ ꓠꓹ ꓟ꓾ ꓒꓴ ꓫꓵꓺ꓾ ꓢꓰꓼ ꓡꓯꓽ ꓘꓳꓹ ꓟ ꓗꓪ ꓣꓱꓽˍ ꓟ ꓣꓱꓽ ꓫꓵꓽ ꓣꓱꓽ ꓙꓰꓽ ꓪꓴˍ ꓟ ꓬꓲꓸ ꓛꓲ ꓾ ꓞꓳ ꓫꓵꓽ ꓞꓲꓼ ꓤ ꓡꓯꓹ ꓤ ꓪꓴꓽ ꓡ ꓟꓴ ꓡ ꓓꓴ ꓗꓪ ꓣꓱꓽ ꓠꓹ ꓟ ꓐꓰ ꓾ ꓞꓳ ꓤ ꓐꓱ ꓶ ꓣꓱꓽ ꓬꓰˍ ꓟ ꓜꓴꓻ ꓗꓪ ꓤ ꓟꓶ ꓤ ꓐꓴˍ ꓟꓲ ꓮ ꓟꓬꓹ ꓔꓹ ꓪ ꓠꓹ ꓟ ꓔꓯ꓾ Cardinal Peter Turkson ꓗꓪ ꓐꓰ ꓐꓯ ꓖꓶ ꓗꓷꓳ=

Photo courtesy of: Catholic Ireland

https://bit.ly/2KNJpAM