ꓢ‐ꓐ‐ꓐꓳ ꓡꓳ ꓒꓱ ꓗꓪ ꓞꓳ ꓘ, ꓮ ꓟꓬ, ꓦ ꓟꓲ ꓗꓪ ꓦꓯꓹ ꓒꓶꓼ ꓟꓬꓽ ꓡ ꓖꓪꓺ ꓡˍ ꓟ ꓔꓯ ꓗꓽ ꓕꓸ ꓐ ꓡ ꓠꓹ ꓟ ꓬꓰ ꓙ ꓢꓴ ꓣꓱꓽ ꓞꓹ ꓔꓬ ꓟ

ꓢ‐ꓐ‐ꓐꓳ ꓡꓳ ꓒꓱ ꓗꓪ ꓞꓳ ꓘ, ꓮ ꓟꓬ, ꓦ ꓟꓲ ꓗꓪ ꓦꓯꓹ ꓒꓶꓼ ꓟꓬꓽ ꓡ ꓖꓪꓺ ꓡˍ ꓟ ꓔꓯ ꓗꓽ ꓕꓸ ꓐ ꓡ ꓠꓹ ꓟ ꓬꓰ ꓙ ꓢꓴ ꓣꓱꓽ ꓞꓹ ꓔꓬ ꓟ

ꓗ, ꓛꓲ ꓗꓴꓷꓼ ꓫꓴꓺ ꓢ‐ꓐ‐ꓐꓳ ꓡꓳ ꓒꓱ ꓢꓴ‐ꓬ ꓘ, ꓗꓪ ꓦꓯ, ꓒꓶꓼ ꓟꓬꓽ ꓡ ꓔꓬ ꓟ ꓪꓴ. ꓠꓬꓲ  ꓑ ꓫꓬ ꓐꓴ ꓔꓶꓻ ꓔ ꓟ  ꓜ ꓮ ꓟꓬ, ꓔꓯ ꓜꓽ ꓗꓷ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳꓻ ꓓꓴ ꓫ. ꓡ ꓓꓴ ꓥꓳ  ꓐꓰ ꓐꓯ ꓔ ꓡꓳ꓿ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓦꓻ ꓟꓲ ꓗꓪ ꓦꓯ, ꓒꓶꓼ ꓟꓬ ꓡ ꓢꓲ ꓠꓬꓲ ꓜ ꓜꓲ ꓔꓯ ꓜꓽ ꓟ ꓠꓬ ꓕꓲ ꓦ ꓐꓽ ꓘꓴ ꓗꓪ ꓙꓳ ꓡꓰꓳ꓿ ꓢꓯꓼ ꓕꓵꓼ ꓢꓲ ꓠꓬꓲ ꓦꓯ, ꓒꓶꓼ ꓔꓯ ꓢꓰꓼ ꓥ ꓟꓲ ꓗꓽ ꓕ. ꓟꓽ ꓐ ꓡ ꓐꓰ ꓐꓯ ꓖꓶ ꓔ ꓡꓳ꓿

ꓢ‐ꓐ‐ꓐꓳ ꓡꓳ ꓒꓱ ꓢꓴ‐ꓬ ꓘ, ꓗꓪ ꓑ ꓫꓬ ꓮ ꓟꓬ, ꓠꓬ ꓫ. ꓢꓴ ꓟꓷ ꓢꓴ ꓑ ꓫꓬ ꓐꓴ ꓥ ꓢꓲ ꓠꓬꓲ ꓦ ꓟꓲ ꓬꓰ ꓜ ꓢꓴ ꓐꓴ ꓥ ꓡꓳ꓿ ꓞꓲꓼ ꓠꓲ, ꓠꓬ ꓦꓯ, ꓒꓶꓼ ꓡꓰ ꓦ ꓟꓲ ꓗꓪ ꓬꓰ ꓔ ꓟ ꓜ ꓮ ꓟꓬ, ꓜ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ. ꓡ ꓓꓴ ꓥꓳ ꓐꓰ ꓐꓯ ꓔ  ꓡꓳ꓿ ꓢ‐ꓐ‐ꓡꓳ ꓒꓱ ꓗꓪ ꓙꓳ ꓟ ꓞꓳ ꓘ, ꓮ ꓟꓬ, ꓗꓪ ꓞꓲꓼ ꓠꓲ, ꓡꓰ ꓐꓰ ꓦꓯ, ꓒꓶꓼ ꓦ ꓟꓲ ꓗꓪ ꓔꓶꓻ ꓔ ꓟ ꓜ ꓔꓯ ꓜꓽ ꓡ ꓟ ꓠꓬ ꓗꓳ. ꓗꓷ ꓟ 1977 ꓘꓳꓼ (50) ꓘꓳꓼ ꓟꓶ ꓫꓵ ꓡꓰ ꓕꓯ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓞꓲꓼ ꓠꓲ, ꓝꓮꓲ ꓕꓲ ꓧꓪꓽ ꓦꓯ, ꓒꓶꓼ ꓟꓬꓽ ꓡ ꓖꓪꓺ ꓡ ꓟ ꓪꓴ. ꓠꓬꓲ ꓮ ꓘꓶ.  ꓫ. ꓡ ꓓꓴ ꓥꓳ ꓐꓰ ꓐꓯ ꓔ ꓡꓳ꓿