`ꓢꓧꓪꓰ‐ꓖꓴ ꓟꓵꓽ ꓗꓪ ꓑꓶ‐ꓫꓴ‐ꓟꓲ (ꓓꓲ‐ꓟꓲ) ꓬꓰ ꓢꓴ ꓞꓲ ꓠꓲ, ꓠꓬ ꓜꓽ ꓮ ꓟꓬ, ꓟꓽ ꓪ ꓓꓳꓽ

`ꓢꓧꓪꓰ‐ꓖꓴ ꓟꓵꓽ ꓗꓪ ꓑꓶ‐ꓫꓴ‐ꓟꓲ (ꓓꓲ‐ꓟꓲ) ꓬꓰ ꓢꓴ ꓞꓲ ꓠꓲ, ꓠꓬ ꓜꓽ ꓮ ꓟꓬ, ꓟꓽ ꓪ ꓓꓳꓽ

11 ꓦ ꓟ 18 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴ ꓢꓧꓪꓰ‐ꓖꓴ ꓟꓵꓽ ꓗꓪ ꓞꓲ ꓠꓲ, ꓠꓬ ꓑꓶ‐ꓫꓴ‐ꓟꓲ (ꓓꓲ‐ꓟꓲ) ꓬꓰ ꓢꓴ ꓑ ꓫꓬ ꓐꓴ ꓜ ꓮ ꓘꓶ. ꓟꓽ ꓪ ꓐꓰ ꓐꓯ ꓔ ꓡꓳ꓿ ꓕꓱ ꓡꓰ ꓐꓰ ꓗꓷ ꓡꓰ ꓟ ꓠꓬ ꓞꓲ ꓠꓲ ꓠꓬ ꓑꓶ‐ꓫꓴ‐ꓟꓲ (ꓓꓲ‐ꓟꓲ) ꓔꓯ ꓮ ꓘꓶ. ꓛꓲ ꓟꓬꓱꓺ ꓬꓰ ꓟꓽ ꓪ ꓡꓰ ꓟ ꓪꓴ. ꓠꓬꓲ ꓟꓳꓼ ꓮ ꓘꓶ. ꓓꓯꓺ ꓡ ꓟ ꓪꓴ. ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓖꓳ ꓗꓷ ꓟ 6 ꓦ ꓟ ꓗꓪ ꓐꓰ ꓗꓴꓷꓼ ꓟꓽ ꓢꓲ ꓡꓰ ꓔ ꓟ ꓪꓴ. ꓠꓬꓲ ꓟꓬꓱꓺ ꓬꓰ ꓜ ꓢꓴ ꓑ ꓫꓬ ꓐꓴ ꓫ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓞꓲ ꓠꓲ, ꓠꓬ ꓑꓶ‐ꓫꓴ‐ꓟꓲ ꓗꓪ ꓬꓲꓻ ꓙꓬ ꓥ ꓟꓲ ꓟꓽ ꓪ ꓝꓮꓲ ꓟꓬꓱꓺ ꓥ ꓟꓲ ꓮ ꓘꓶ. ꓛꓲ ꓬꓰ ꓟꓽ ꓪ ꓟ ꓪꓴ. ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓑ ꓫꓬ ꓐꓴ ꓞꓲꓼ ꓠꓲ, ꓠꓬ ꓜ ꓮ ꓘꓶ. ꓟꓽ ꓪ ꓟ ꓪꓴ. ꓠꓬꓲ ꓛꓲ ꓡ ꓘꓳꓼ ꓕꓯ ꓜ ꓓꓴ ꓓꓳꓻ ꓓꓴ ꓫ. ꓡ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ꓿