ꓣꓦꓮ ꓕꓳ ꓶ ꓗꓪ꓾ ꓗꓴꓷꓼ ꓫꓵꓽ ꓪꓴ ꓑꓶꓸ ꓓꓴ ꓫꓸ ꓔꓬ ꓟ ꓟꓬ-ꓟ ꓗꓴꓷꓼ ꓑ ꓫꓬ ꓐꓴ ꓐꓰ ꓕꓲ: ꓠꓲꓹ ꓕꓲ: ꓪ ꓔꓬ ꓡꓳ꓾ ꓐꓯ ꓔ ꓟ ꓓꓳꓽ

ꓣꓦꓮ ꓕꓳ ꓶ ꓗꓪ꓾ ꓗꓴꓷꓼ ꓫꓵꓽ ꓪꓴ ꓑꓶꓸ ꓓꓴ ꓫꓸ ꓔꓬ ꓟ ꓟꓬ-ꓟ ꓗꓴꓷꓼ ꓑ ꓫꓬ ꓐꓴ ꓐꓰ ꓕꓲ: ꓠꓲꓹ ꓕꓲ: ꓪ ꓔꓬ ꓡꓳ꓾ ꓐꓯ ꓔ ꓟ ꓓꓳꓽ

ꓕꓳꓽ ꓶ ꓗꓪ ꓠꓬ꓾ ꓣꓦꓮ ꓠꓬ ꓟꓬ-ꓟ ꓑ ꓫꓬ ꓐꓴ ꓘꓳ ꓗꓳ. ꓔꓬˍ ꓟ ꓫꓵ: ꓪꓴ: ꓕꓱ ꓟ ꓚꓳ. ꓗꓴ. ꓜꓲꓼ ꓙꓳ ꓠꓬꓲ꓾ ꓟꓬ-ꓟ ꓗꓴꓓꓼ ꓢꓴ ꓔꓯ.ˍ ꓛꓳ ꓦꓰꓼ ꓞ ꓔꓬˍ ꓡꓳ꓾ ꓐꓰ ꓐꓯ ꓔ ꓡꓳ=

ꓝꓮꓲ꓾ "ꓠꓴ ꓪ ꓔꓳꓹ ꓳꓽ ꓔꓬˍ ꓟ  ꓕꓲ: ꓡꓰꓹ꓾ ꓣꓦꓮ ꓠꓬ ꓫꓵ: ꓪꓴ: ꓕꓱ ꓟ꓾ꓢꓲ ꓡꓰ ꓡꓰ ꓐꓰ ꓟꓬꓱꓼ ꓟꓬꓱꓼˍ ꓐꓰ ꓡꓳ ꓬꓰ ꓐ ꓡ ꓠˍ ꓟ ꓪ: ꓘꓴ ꓙ ꓖꓶ: ꓔꓬˍ ꓡꓳ"꓾ ꓐꓰ ꓐꓳ ꓔ ꓡꓳ=

ꓝ ꓢꓲ ꓕꓳ ꓶ ꓗꓪ ꓐꓯ ꓔ ꓟ ꓠꓬ꓾ ꓔꓲꓺ ꓒ ꓓ ꓚꓮꓣꓓꓲꓠꓮꓡ ꓚꓧꓮꓣꓡꓰꓢ ꓐꓯ ꓔ ꓟ꓾ ꓕꓲ: ꓣꓳ ꓛꓳ ꓕꓲ: ꓣꓳ ꓫ ꓕꓳˍ ꓟ ꓗꓪ ꓐꓰ ꓡꓰ ꓢꓲ ꓡꓰ ꓟ ꓟꓶ ꓓ ꓡꓳ꓾ ꓐꓯ ꓟ ꓔꓯ ꓥꓪ ꓠꓴ ꓙꓵˍ ꓡꓳ꓾

ꓔꓲꓺ ꓒ ꓓ ꓚꓧꓮꓣꓡꓰꓢ ꓡꓰ 2 ꓦ ꓟ 3ꓠꓬꓲ ꓗꓪ ꓟꓵ: ꓗꓳ ꓓꓵ ꓓꓵ ꓔꓯ ꓐꓯ ꓑꓶ ꓗꓷˍ ꓟ꓾ ꓢꓲ ꓡꓰ ꓟ ꓠꓬ ꓒꓬꓱꓼ ꓡ ꓓˍ ꓡꓳ= ꓢꓲ ꓡꓰ ꓟ ꓡꓰ: ꓙ ꓖꓴ ꓥ ꓡꓳ= ꓓꓰꓟꓳꓚꓮꓣꓮꓚꓬ ꓠꓬ ꓙ ꓖꓴ ꓐꓱ ꓶ ꓮ ꓔꓳ. ꓟꓬ.. ꓡꓴ ꓥ ꓡꓳ ꓐꓯˍ ꓟ꓾ ꓥꓪ ꓠꓴ ꓣꓦꓮ ꓙꓵˍ ꓡꓳ=

ꓔꓲꓺ ꓒ ꓪ ꓔꓲ. ꓝꓣꓮꓠꓚꓲꓢ ꓐꓰ ꓕꓲ: ꓡꓰꓸꓼ꓾ ꓗꓴꓷꓼ ꓪꓴ. ꓓꓵ ꓣꓱ: ꓢꓴ ꓐꓴ ꓮ ꓟꓬ ꓟ ꓐꓱ ꓶ ꓓꓵ ꓙ ꓗꓴ. ꓝꓲ= ꓔꓱ ꓔꓱ ꓙꓳ: ꓙꓳ: ꓬꓰ ꓐ ꓡ ꓢꓲ꓾ ꓗꓴꓷꓼ ꓢꓲ ꓡꓰ ꓟ ꓐꓱ ꓶ ꓢꓯꓼ ꓕꓵꓼ ꓙꓰ ꓐ ꓡ ꓢꓲ꓾ ꓠꓲꓹ ꓧꓳ ꓫꓵ: ꓧꓳ ꓡꓯ ꓘꓳ ꓐ ꓡ ꓝꓲ ꓐꓰ ꓥꓪ ꓠꓴ ꓪ ꓘꓴ ꓙ ꓖꓶˍ ꓥꓳ꓾ ꓐꓰ RVA ꓕꓳꓽ ꓶ ꓗꓪ ꓐꓯ ꓔ ꓡꓳ=

ꓝ ꓢꓲ ꓬꓲ ꓟꓶꓽ ꓗꓪ ꓠꓬ ꓢꓲꓽ ꓫꓬ ꓕꓳꓽ ꓶ ꓗꓪ ꓟ “ꓧꓳ ꓡꓯ ꓘꓳˍ ꓢꓴ ꓡꓰ ꓧꓳ ꓡꓯ ꓘꓳˍ ꓟ ꓫꓵ. ꓔ ꓟ ꓗꓪ ꓐꓰ ꓓꓱꓼ ꓓꓳ ꓡˍ ꓟ ꓠꓬ ꓙꓲ ꓫꓬ ꓟ ꓥˍ ꓡꓳ” (ꓬ-ꓗꓴ 3:18) ꓕꓳꓽ ꓶ ꓝꓲ ꓔꓯ ꓣꓴ ꓢꓲ ꓕꓳꓽ ꓶ ꓔꓯ ꓠꓽ ꓗꓷꓳ=

Source: RVA News

photo credit to Myanmar

 

Add new comment

1 + 4 =