ꓣꓦꓮ ꓡꓲ‐ꓢꓴ ꓓꓳꓽ

1. ꓐ-ꓔꓲ-ꓗꓮꓠ ꓗꓪ ꓟꓳꓐꓲꓡꓰ ꓟꓳ-ꓓꓳ ꓗꓪ ꓐꓰ ꓠꓲꓹ ꓟ ꓠ ꓫꓵ: ꓫꓬ: ꓖꓶ: ꓟ ꓓꓳ:

---------------------

ꓐ-ꓔꓲ-ꓗꓮꓠ ꓙꓲ-ꓫꓬ-ꓢꓴ ꓒꓲ-ꓕꓱ ꓪꓽ ꓘꓴ ꓦꓲ ꓟꓲꓽ ꓙꓬꓼ꓾ ꓟꓲꓺ ꓠꓯꓺ ꓑꓹ ꓗꓪ ꓟꓳ-ꓓꓳ ꓗꓪ ꓐꓰ ꓠꓲꓹ ꓟ ꓚꓳꓸ ꓗꓴꓸ ꓙꓲꓼ ꓙꓳ ꓢꓲ꓾ ꓠꓹ ꓔꓬ ꓢꓴ ꓔꓯ ꓫꓬꓹ ꓖꓶꓽ ꓔꓬꓹ ꓡꓳ=

ꓟꓬꓽ ꓠꓬꓲ ꓐꓶ ꓠꓬꓲ ꓠꓬ ꓫ ꓢꓴ ꓟꓷꓼ ꓢꓴ ꓔꓯ ꓬꓲꓸ ꓒꓴꓽ ꓟꓽ ꓣꓴ ꓣꓴ ꓐꓰ ꓮꓽ ꓔꓳ ꓫꓬꓹ ꓖꓶꓽ ꓡꓳ ꓐꓰ ꓢꓷꓸ ꓪ ꓡꓳ=

ꓠꓲꓹ ꓟ ꓗꓪ ꓐꓰ ꓗꓴ. ꓙꓲ ꓙꓳ ꓢꓲ꓾ ꓠꓻ ꓔꓬꓹ ꓢꓴ ꓔꓯ

ꓒꓴ ꓟ: ꓣꓴ ꓣꓴ ꓐꓰ ꓫꓬꓹ ꓖꓶ: ꓔꓬˍ ꓡꓳ=

ꓮ ꓟꓶ ꓮ ꓟ ꓥˍ ꓟꓲ ꓫ ꓟ ꓑꓶ. ꓓꓴ ꓕꓱ ꓡꓱ ꓬꓰ ꓟ ꓥꓳ꓾ ꓐꓰ ꓢꓷ. ꓪ ꓡꓳ=

2.ꓡꓲ-ꓢꓴ ꓠꓬꓲ ꓟꓳ ꓓꓴ ꓓꓳ:

------------------------------

ꓡꓲ-ꓢꓴ ꓠꓬꓲ ꓟꓳ ꓓꓴ ꓔꓯ ꓠꓬ ꓡ-ꓫꓲꓳ ꓡꓳ ꓒꓱ ꓗꓪ ꓔꓲꓺ ꓒ ꓖꓴ-ꓔ ꓡꓰ ꓕꓲꓽ ꓘꓳꓼ ꓡꓰ ꓕꓲꓽ ꓘꓳꓼ ꓫꓬꓹ ꓓꓳ ꓡ ꓔꓬꓹ ꓟ ꓠꓬ ꓠꓬꓲꓸ ꓠꓬꓲ 35 ꓘꓳꓼ ꓙꓳˍ ꓡꓳ=

ꓕꓲꓽ ꓘꓳꓼ ꓟ ꓠꓬꓲꓽ ꓧꓪꓹ ꓗ ꓡꓯ ꓗ ꓙꓲˍ ꓡꓰ ꓫꓬꓹ ꓟꓶ ꓘꓴ ꓡꓳ= 2021 ꓘꓳꓼ 6 ꓦ ꓟ ꓐꓱ ꓶ ꓫꓬꓹ ꓟꓶ ꓡꓰꓳ꓾

ꓵ ꓠꓲꓹ ꓫꓵ ꓢꓴ ꓐꓴ ꓡꓯꓼ ꓘꓪ ꓩꓴ ꓡ ꓡꓯ ꓐꓰ ꓐꓯ ꓩꓴ ꓖꓶꓽ ꓡ ꓡꓳ=

3.ꓧꓶ: ꓗ-ꓔꓳ-ꓡꓲꓗ ꓔꓲꓺ ꓒ ꓓ ꓟ ꓔꓯ ꓧꓶ: ꓟꓯꓼ ꓣꓴ ꓛꓳ ꓔꓯꓹ ꓙꓰ ꓟ ꓓꓳ:

--------------

ꓧꓶꓽ ꓟꓵꓽ ꓗꓪ ꓔꓬꓹ ꓟ ꓗ-ꓔꓳ-ꓡꓲꓗ ꓔꓲꓺ ꓒ ꓓꓽ ꓟ ꓢꓧꓮꓳ ꓜꓧꓴꓟꓲꓠ ꓔꓯ ꓧꓶꓽ ꓟꓯꓼ ꓡꓰ ꓣꓴ ꓔꓯꓹ ꓙꓰꓳ=

ꓔꓲꓺ ꓒ ꓓ ꓖꓳ ꓟ ꓠꓬ ꓐ-ꓔꓲ-ꓗꓮꓠ ꓔꓲꓺ ꓒ ꓪ ꓔꓲꓸ ꓡꓰ ꓢꓲꓺ ꓚꓰꓺ ꓔ ꓖꓶꓽ ꓟ ꓥ ꓡꓳ= ꓖꓳ ꓡꓱ ꓠꓬꓲ ꓧꓶꓽ ꓮ ꓝꓴ ꓬ ꓡꓰ ꓣꓴꓹ ꓟ ꓥ ꓡꓳ=

ꓧꓶꓽ ꓟꓵꓽ ꓗꓪ ꓠꓬ ꓬꓲꓸ ꓪ ꓔꓯ ꓟꓽ ꓠ ꓡꓳꓸ ꓟ ꓔꓲꓺ ꓒ ꓟ ꓔꓲꓺ ꓒ ꓓ ꓟ ꓐꓴ ꓔꓯ ꓮ ꓕꓯˍ ꓟꓲ ꓣꓴ ꓔꓬꓹ ꓟ ꓥ ꓡꓳ=

ꓟꓬ: ꓠꓬꓲ ꓠꓬ ꓢꓲ ꓒ ꓬꓰ ꓢꓴ ꓦꓵ ꓑꓮꓲ꓾ ꓢꓯꓼ ꓬꓲ ꓡ ꓑꓮꓲ ꓐꓰ ꓑꓮꓲ: ꓓ ꓟ ꓬꓰ ꓕꓯ ꓗ-ꓔꓳ-ꓡꓲꓗ ꓔꓲꓺ ꓒ ꓐꓴ ꓔꓯ ꓣꓴꓹ ꓔꓯꓹ ꓙꓰ ꓫꓵ: ꓟꓬˍ ꓡꓳ ꓐꓰ ꓢꓷ. ꓪ ꓡꓳ=

4.ꓢꓳꓺ ꓤ (98) ꓣꓳ ꓔꓯ ꓚꓳꓦꓓ ꓠ ꓫꓵ ꓠꓶꓼ ꓡꓰ ꓟ ꓓꓳ:

-------------------------------------------------------

ꓮ-ꓒꓴ. ꓟꓵ: ꓗ-ꓙꓲꓸ-ꓕꓴ ꓘ ꓗꓪ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓡꓰ ꓒꓴ ꓔ ꓟ ꓢꓳꓺ ꓦꓲꓻ ꓗꓪ ꓢꓳꓺ ꓤ (107) ꓣꓳ ꓔꓬꓹ ꓡꓳ=

ꓖꓳ ꓗꓪ ꓔꓬꓹ ꓟ ꓢꓳꓺ ꓤ ꓐꓴ 98 ꓪ ꓠꓬ ꓚꓳꓦꓲꓓ ꓠꓻ ꓫꓵꓽ ꓠ ꓔꓬꓹ ꓖꓴˍ ꓡꓳ=

ꓧꓳ: ꓣꓱ: ꓔꓬꓹ ꓟ ꓔꓲꓺ ꓒ ꓡꓰ꓾ ꓬꓰ ꓙ ꓖꓶ: ꓡꓯ ꓐꓰ

ꓡꓯ ꓘꓪ ꓩꓴ ꓡˍ ꓡꓳ=