ꓣꓦꓮ ꓡꓲ-ꓢꓴ ꓓꓳꓽ

ꓔꓲ ꓒꓽ ꓪꓸ ꓔꓲ ꓝꓣꓮꓠꓚꓲꓢ ꓔꓲꓟꓳꓣ-ꓡꓰꓢꓔꓰ ꓗꓴꓷꓼ ꓗꓪ ꓙꓵ ꓠꓹ ꓟ ꓓꓳꓽ  

2022 ꓘꓳꓼ ꓘꓴꓽ ꓗꓪ ꓔꓲ ꓒꓽ ꓪꓸ ꓔꓲ ꓝꓣꓮꓠꓚꓲꓢ ꓕꓲꓽ ꓗꓴꓷꓼ ꓡꓰ ꓕꓲꓽ ꓗꓴꓷꓼ ꓚꓳ ꓚꓳ ꓠꓹ ꓟ ꓠꓯꓸꓼ ꓗꓪ ꓔꓲꓟꓳꓣ-ꓡꓰꓢꓔꓰˍ ꓟꓲ ꓐ ꓡꓳ ꓐꓰ ꓔꓲ ꓒꓽ ꓓꓽ ꓐꓰ ꓦꓮꓔꓲꓚꓮꓠ ꓬꓳꓹ ꓐꓱ ꓶ ꓝꓲ ꓓꓴ ꓥꓹ ꓟ ꓟꓮꓣꓚꓳ ꓢꓑꓣꓲꓜꓜꓲ ꓡꓰ ꓔꓮꓔꓳꓡꓲ ꓓꓳ ꓗꓪ 3 ꓦ ꓟ 1 ꓠꓬꓲ ꓕꓯ ꓐꓯ ꓡꓳꓹ ꓬꓰꓳ= ꓔꓲꓟꓳꓣ-ꓡꓰꓢꓔꓰ ꓗꓴꓷꓼ ꓠꓬ ꓮꓢꓲꓮꓠ ꓗꓴꓷꓼ ꓜꓴ ꓠꓯꓸꓼ ꓗꓪ ꓐꓹ ꓟ ꓗꓴꓷꓼ ꓕꓲꓽ ꓟ ꓥˍ ꓡꓳ= ꓗ-ꓕꓳ-ꓡꓲꓼ ꓟꓬꓹ ꓟ ꓗꓴꓷꓼ ꓕꓲꓽ ꓟ ꓥ ꓡꓳ= 100 ꓣꓳ ꓗꓪ ꓚꓳ 97 ꓣꓳ ꓠꓬ ꓗ-ꓕꓳ-ꓡꓲꓼ ꓥˍ ꓡꓳ ꓐꓰ ꓐꓯˍ ꓡꓳ= ꓑ ꓫꓬ ꓵ ꓣꓳ ꓠꓬ ꓕꓲꓽ ꓗꓴꓷꓼ ꓡꓱꓸꓼ 13 ꓢꓯꓹ ꓗ ꓔꓯ ꓡꓰ ꓔꓬ ꓡꓳ=

ꓴꓗꓣꓮꓲꓠꓰ ꓗꓴꓷꓼ ꓗꓪ ꓫꓸ ꓙꓵ ꓟꓶꓽ ꓙꓵ ꓓꓴ ꓔꓯ ꓔꓳꓹ ꓜꓳ ꓔꓬ ꓟ ꓑ ꓫꓬꓽ ꓐꓴ ꓔꓯ ꓔꓲ ꓟ ꓐꓴ ꓬꓰ ꓙ ꓔꓬˍ ꓟ

ꓣꓴꓢꓢꓲꓮ ꓡꓰ ꓴꓗꓣꓮꓲꓠꓰ ꓗꓴꓷꓼ ꓔꓯ ꓓꓶꓽ ꓡꓹ ꓟ ꓕꓲꓽ ꓠꓬꓲ ꓗꓪ ꓚꓳ ꓔꓲ ꓟ ꓐꓴ ꓠꓬ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓬꓰ ꓙ ꓔꓬ ꓟ ꓥˍ ꓡꓳ= ꓣꓴꓢꓢꓲꓮ ꓡꓰ ꓓꓽ ꓪꓴꓸ ꓓꓶꓽ ꓡꓹ ꓟ ꓦꓬꓼ ꓠꓬꓲ ꓠꓬ ꓮ ꓘꓶꓸ ꓬꓰ ꓙ ꓫꓸ ꓡꓳꓹ ꓬꓰꓳ= ꓔꓲ ꓟ ꓐꓴ ꓠꓬ ꓜꓽ ꓪꓳ ꓡꓳꓸ ꓪꓳ꓾ ꓟꓬ ꓞꓲꓼ ꓟꓬ ꓟꓲ ꓬꓰ ꓙꓹ ꓟ ꓡꓰ ꓟꓽ ꓞꓲ ꓪꓽ ꓘꓴ ꓙꓹ ꓟ꓾ ꓢꓯꓼ ꓖꓶꓹ ꓟ ꓐꓰ ꓠꓲꓹ ꓗꓳꓹ ꓟꓬ ꓗꓳꓹ ꓖꓶꓹ ꓟ ꓬꓰ ꓔꓬ ꓡꓳ ꓐꓰ ꓐꓯˍ ꓡꓳ=

ꓟꓬꓮꓠꓟꓮꓣ ꓗꓴꓷꓼ ꓗ-ꓕꓳ-ꓡꓲꓼ ꓙꓲ-ꓢꓴ ꓢꓲ ꓤꓼ ꓐꓴ ꓴꓗꓣꓮꓲꓠꓰ ꓐꓱ ꓶ ꓪꓽ ꓘꓴ ꓙꓹ ꓟ ꓓꓳꓽ

ꓡꓳ ꓬꓲ ꓟ 3 ꓦ ꓟ 2 ꓠꓬꓲ ꓐꓰ 3 ꓦ ꓟ 6 ꓠꓬꓲ ꓠꓽ ꓦꓬꓼ ꓠꓬꓲ ꓕꓯ ꓟꓬꓮꓠꓟꓮꓣ ꓗꓴꓷꓼ ꓗ-ꓕꓳ-ꓡꓲꓼ ꓘꓴ ꓜꓲꓼ ꓞꓳ ꓕꓲꓽ ꓔꓶꓸ ꓡꓰ ꓕꓲꓽ ꓔꓶ ꓗꓪ ꓴꓗꓣꓮꓲꓠꓰ ꓐꓱ ꓶ ꓜꓽ ꓚꓲꓸ ꓚꓲꓸ ꓪꓽ ꓘꓴ ꓙ ꓡꓳ ꓬꓰꓳ= ꓳꓠꓡꓲꓠꓰ ꓗꓪ ꓚꓳ ꓪꓽ ꓘꓴ ꓙ ꓟꓹ ꓟꓲ ꓕꓲ ꓦꓬꓼ ꓡꓰ ꓕꓲꓽ ꓬꓰ ꓔꓬ ꓟ ꓙꓳˍ ꓡꓳ= ꓕꓱ ꓟ ꓠꓬ ꓔꓲ ꓒꓽ ꓪꓸ ꓔꓲ ꓡꓰ ꓴꓗꓣꓮꓲꓠꓰ ꓐꓱ ꓶ ꓪꓴꓸ ꓓꓵ ꓛꓹ ꓢꓲ ꓜꓽ ꓚꓲꓸ ꓚꓲ ꓪꓽ ꓘꓴ ꓠꓹ ꓟ ꓐꓯ ꓔ ꓟ ꓡꓰ ꓐꓰ ꓬꓰ ꓟꓹ ꓟꓲ ꓥˍ ꓡꓳ= ꓜ ꓚꓲꓸ ꓚꓲꓸ ꓙꓵꓹ 40 ꓦꓬꓼ ꓘꓴꓽ ꓗꓪ ꓟꓲ ꓠꓯ ꓢꓲꓺ ꓡꓲ ꓗꓶ ꓡꓰ ꓠꓹ ꓟ ꓜ ꓚꓲ ꓚꓲ ꓪꓽ ꓘꓴ ꓠꓹ ꓟˍ ꓟꓲ ꓐꓯ ꓔ ꓡꓳ=