ꓣꓰꓟꓮꓡ ꓚꓬꓚꓡꓳꓠꓰ ꓟꓲꓽ ꓦꓲꓻ ꓕꓳꓽ ꓥꓳꓽ ꓐꓰꓠꓖꓮꓡꓮꓓꓰꓢꓧ ꓗꓪ ꓟꓶꓻ ꓫꓵꓻ ꓙꓱꓼ ꓡ ꓟ꓾

ꓣꓰꓟꓮꓡ ꓚꓬꓚꓡꓳꓠꓰ ꓟꓲꓽ ꓦꓲꓻ ꓕꓳꓽ ꓥꓳꓽ ꓐꓰꓠꓖꓮꓡꓮꓓꓰꓢꓧ ꓗꓪ ꓟꓶꓻ ꓫꓵꓻ ꓙꓱꓼ ꓡ ꓟ꓾

ꓐꓰꓠꓖꓮꓡꓮꓓꓰꓢꓧ ꓗꓴꓷꓼ ꓗꓪ ꓡꓳꓹ ꓬꓰ ꓟ ꓙꓵꓹ ꓘꓴꓽ ꓗꓪ ꓙꓱꓼ ꓡ ꓟ ꓚꓬꓚꓡꓳꓠꓰ ꓣꓰꓟꓮꓡ ꓠꓬ ꓟꓶꓻ ꓫꓵꓻ ꓙꓱꓼ ꓡ ꓟꓟꓲꓽ ꓦꓲ ꓕꓳꓽ ꓥꓳꓽ ꓕꓲ ꓟ ꓙꓱꓼ ꓡꓳ ꓐꓰ ꓐꓰꓠꓖꓮꓡꓮꓓꓰꓢꓧ ꓟꓵꓽ ꓘꓳꓼ ꓒꓳꓹ ꓜꓴ ꓗꓪ ꓐꓰ ꓐꓯ ꓔ ꓡꓳ꓾ ꓕꓱ ꓟ ꓠꓬ ꓟꓵꓽ ꓘꓳꓼ ꓒꓳꓹ ꓡ ꓟ ꓑꓶ ꓓꓴ ꓥ ꓡꓳ ꓐꓰ ꓐꓯ ꓔ ꓡꓳ=

ꓡꓳꓹ ꓬꓰ ꓟ 26 ꓠꓬꓲ꓾ ꓠꓽ ꓫꓵ ꓠꓬꓲ ꓟꓶꓽ ꓘꓶꓼ ꓙꓵꓹ ꓕꓯ ꓐꓰꓠꓖꓮꓡꓮꓓꓰꓢꓧ ꓐꓰ ꓲ-ꓓꓲ-ꓬ ꓗꓴꓷꓼ ꓗꓪ ꓓꓵꓽ ꓡꓰ ꓟ ꓕꓱ ꓟꓲꓽ ꓦꓲꓻ ꓕꓳꓽ ꓥꓳꓽ ꓠꓬ ꓢꓯꓼ ꓓꓽ ꓟ ꓐꓰ ꓙꓱꓼ ꓡ ꓢꓲ꓾ ꓬꓲꓻ ꓙꓬ ꓬꓲ ꓒꓽ ꓑꓶ ꓓꓴ ꓞꓳ ꓤ 40 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓡꓰ ꓟꓽ ꓞꓲ ꓟꓶꓽ ꓡꓰ ꓢꓴ ꓥ ꓟꓲ ꓮ ꓟꓬꓹ ꓔꓬ ꓟ ꓥꓳ꓾ ꓖꓳ ꓟ ꓡꓰ ꓐꓰ ꓠꓬꓲꓽ ꓗꓴꓷꓼ ꓡꓱꓼ ꓗꓪ ꓔꓬ ꓦꓲꓻ ꓮ ꓟꓬꓹ ꓐꓬ ꓡꓰ ꓢꓲ꓾ ꓬꓲꓻ ꓙꓬ ꓙꓵ_ ꓟ ꓗꓷ ꓡꓰ ꓟ ꓥꓳ꓾

ꓙꓱꓽ ꓡ ꓟ ꓙꓵꓹ ꓠꓬ 36 ꓙꓵꓹ ꓗꓪ ꓛꓲ ꓙꓳ ꓡꓰ ꓟ ꓑꓶ ꓓꓴ ꓕꓱ ꓟ ꓠꓬ ꓬꓲ ꓪ ꓠꓬꓲꓽ ꓗꓴꓷꓼ ꓡꓱꓼ ꓗꓪ ꓬꓲ ꓙꓵꓹ ꓮ ꓘꓶꓸ ꓟꓶꓻ ꓫꓵꓻ ꓡꓰ ꓟ ꓕꓲ ꓟ ꓥ ꓡꓳ ꓐꓰ ꓟꓵꓽ ꓘꓳꓼ ꓒꓳꓹ ꓔꓶꓸ ꓜꓴꓻ ꓗꓪ ꓐꓰ ꓐꓯ ꓑꓶ ꓔ ꓡꓳ ꓐꓰ ꓢꓷꓸ ꓪ ꓡꓳ=