ꓤ ꓟꓶ ꓤ ꓐꓴ ꓠꓬ ꓢꓲꓺ ꓡꓲꓺ ꓟ ꓐꓰ ꓝꓮꓲ ꓕꓲ ꓧꓪꓹ ꓫꓬꓹ ꓔꓱꓹ ꓟ ꓔꓯ ꓣꓴ ꓔꓯꓹ ꓖꓶ ꓡ ꓢꓴ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ Francis ꓡꓰ ꓐꓯˍ ꓟ

ꓔꓲꓺ ꓒ ꓪ ꓔꓲ ꓡꓰ ꓢꓷꓸ ꓙ ꓟꓳ ꓙ ꓔ ꓟ ꓟꓶ ꓢꓴ ꓡꓲꓽ ꓒꓲꓼ ꓐꓰ ꓗꓴꓸ ꓙꓲꓼ ꓙꓳˍ ꓟ ꓤ ꓟꓶ ꓤ ꓚꓴꓽ ꓬꓲꓸ ꓖꓶꓽ ꓜꓴꓻ ꓐꓰ ꓜꓲꓻ ꓡꓯꓽ ꓘꓳˍ ꓟ “ꓓꓽ ꓪꓴꓸ Dicastery  ꓠꓬ ꓤ ꓟꓶ ꓤ ꓐꓴ ꓜꓴ ꓗꓪ ꓐꓹ ꓟ ꓥ ꓡꓳ= ꓖꓳ ꓡꓱ ꓐꓹ ꓟ ꓠꓬ ꓡꓲꓽ ꓒꓲꓼ ꓪꓴꓽ ꓡ ꓟꓴ ꓡ ꓓꓴ ꓐꓰ ꓠꓶꓽ ꓡꓰˍ ꓟ ꓗꓪ ꓤ ꓟꓶ ꓤ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓝꓲˍ ꓟ ꓥ ꓡꓳ= ꓕꓱ ꓡꓱ ꓬꓰˍ ꓟ ꓠꓬ ꓤ ꓟꓶ ꓤ ꓐꓴ ꓐꓱ ꓶꓽ ꓡꓰꓽ ꓔꓶꓻ ꓙꓱꓼ ꓣꓴ ꓢꓲ ꓬꓰ ꓠꓯˍ ꓟ ꓟꓽ ꓥ= ꓠꓴ ꓪ ꓐꓴ ꓕꓱ ꓗꓪ ꓜꓲꓼ ꓔꓬꓹ ꓟ ꓠꓬ꓾ ꓠꓴ ꓪ ꓠꓬ Roman Curia ꓔꓯ ꓔꓯꓺ ꓔ ꓟ ꓥ ꓡꓳ”꓾ ꓐꓰ ꓐꓯ ꓖꓶꓽˍ ꓡꓳ=

ꓒꓵꓽ ꓗ ꓬꓰˍ ꓟ ꓗꓪ ꓕꓲꓽ ꓠꓲꓹ ꓕꓲꓽ ꓪ ꓬꓰ ꓡꓯ

ꓖꓪꓺ ꓙꓱ ꓜꓲꓼ ꓓꓴ ꓗꓪ ꓤ ꓟꓶ ꓤ ꓐꓴ ꓠꓬ꓾ ꓞꓳ ꓙꓳ ꓔꓬꓹ ꓟ ꓤꓶꓻ ꓗꓪ ꓮ ꓟꓬꓹ ꓣꓱꓽ ꓬꓯꓼ ꓡꓳ= “ꓤ ꓟꓶ ꓤ ꓐꓴ ꓠꓬ ꓾ ꓕꓳꓽ ꓶ ꓵˍ ꓡꓳ= ꓓꓵꓽ ꓙˍ ꓡꓳ= ꓟꓴꓽ ꓖꓪ ꓢꓯꓼ ꓠ ꓠꓹ ꓡꓳ”꓾ ꓕꓱ ꓟꓬ ꓫꓵꓽ ꓖꓪꓺ ꓙꓱ ꓔ ꓟ ꓔꓯ “Evangelii Gaudium” ( ꓗꓹ ꓛꓲꓽˍ ꓟ ꓶꓼ ꓓꓳꓽ ꓫꓱꓹ ꓓꓳꓽ) ꓬꓲꓸ ꓕꓲꓽ ꓟꓴꓽ ꓐꓰ ꓪꓴꓸ ꓔꓴˍ ꓡꓳ= ꓕꓲ ꓣꓳ ꓛꓳ ꓕꓲ ꓣꓳ ꓒꓵꓽ ꓗ ꓬꓰˍ ꓢꓲ꓾ ꓟꓽ ꓫꓱꓸ ꓡꓯꓽ ꓘꓳ ꓟ ꓚꓱꓹ ꓐꓰ ꓫꓱꓸ ꓡꓯꓽ ꓘꓳꓹ ꓟ ꓔꓶꓻ ꓙꓱꓼ ꓗꓪ ꓛꓲꓺ ꓬꓰ ꓠꓯꓹ ꓟ ꓔꓯ ꓾ ꓔꓲꓺ ꓒ ꓪ ꓔꓲ ꓡꓰ ꓵ ꓠꓹ ꓟ ꓐꓱ ꓶ ꓾ ꓔꓲꓺ ꓒ ꓪ ꓔꓲ ꓬꓲꓸ ꓕꓳꓽ ꓶꓽ ꓡꓲꓺ ꓢꓽ ꓟ ꓥ ꓟ Evangelii Gaudium ꓾  Laudato Si ꓐꓰ ꓟꓽ ꓟꓶ ꓫꓵ ꓢꓰꓽ ꓕꓯ ꓡꓰ ꓐꓳ ꓔ ꓟ Human Fraternity for World Peace and Living Together ꓔꓯ ꓢꓲꓺ ꓔ ꓡꓳ= ꓕꓱ ꓡꓱ ꓢꓲꓺˍ ꓟ ꓠꓬ ꓮ ꓘꓶꓸ ꓣꓱꓽ ꓬꓯꓼˍ ꓟ꓾ ꓮ ꓡꓲꓳ ꓐꓯˍ ꓠꓬ ꓕꓳꓽ ꓶꓽ ꓡꓲꓺ ꓢ ꓫꓵꓽ ꓡꓱꓸꓼ ꓠꓬ ꓙꓲˍ ꓟ ꓶꓼ ꓓꓳꓽ ꓫꓱꓹ ꓓꓳꓽ ꓒꓬꓱꓻ ꓙꓰ ꓠꓹ ꓟ꓾ ꓚꓰꓼ ꓔ ꓟ ꓐꓰ ꓬꓲꓼ ꓤ ꓠꓬꓲ ꓤ ꓠꓵ ꓠꓲꓹ ꓟ ꓔꓯ ꓖꓴ ꓟꓳꓸ ꓖꓶꓽ ꓔ ꓟ ꓥ ꓡꓳ=ꓖꓳ ꓟ ꓪꓴꓸ ꓠꓬꓲ ꓖꓪꓺ ꓙꓱˍ ꓟ ꓗꓪ ꓐꓹ ꓢꓴ ꓐꓴ ꓓꓵꓽ ꓙ ꓔ ꓟ꓾ ꓟꓽ ꓫꓱꓸ ꓡꓯꓽ ꓘꓳ ꓟ ꓓꓵꓽ ꓙ ꓚꓱꓹ꓾ ꓠꓲꓹ ꓠꓵ ꓡꓯꓽ ꓘꓳꓹ ꓟ ꓖꓪꓺ ꓙꓱ ꓡꓯꓽ ꓘꓳ ꓓꓴ ꓐꓰ ꓫꓱꓸ ꓡꓯꓽ ꓘꓳ ꓪꓽ ꓡꓯꓽ ꓘꓳ ꓓꓴ ꓔꓯ ꓒꓬꓱꓼ ꓡ ꓝꓲ ꓠꓹ ꓟ ꓥ ꓡꓳ=

ꓢꓷꓸ ꓠꓲꓹ ꓐꓰ ꓦ ꓕꓲ ꓒꓳꓹ

ꓕꓱ ꓡꓱ ꓜꓲꓼ ꓔꓬ ꓟ ꓬꓲꓸ ꓔꓶꓻ ꓙꓱꓼ ꓠꓬ ꓢꓷꓸ ꓠꓲꓹ ꓦ ꓕꓲꓽ ꓒꓳꓹ꓾ ꓕꓲꓽ ꓠꓲꓹ ꓕꓲ ꓪ ꓬꓰˍ  ꓟ ꓐꓰ ꓟꓽ ꓪꓽ ꓡꓯꓽ ꓘꓳ ꓟ꓾ ꓟꓴꓽ ꓖꓪꓼ ꓢꓯꓼ ꓐꓰ ꓪꓽ ꓘꓴˍ ꓟ ꓔꓯ ꓖꓪꓺ ꓙꓱ ꓡꓯꓽ ꓘꓳꓹ ꓟ ꓔꓯ ꓬꓰ ꓠꓹ ꓟ ꓥ ꓡꓳ= ꓖꓳ ꓡꓱ ꓢꓲ ꓔꓶꓻ ꓙꓱꓼ ꓕꓲ ꓟ ꓗꓪ ꓙꓰ ꓠꓹ ꓟ ꓥ ꓡꓳ= ꓔꓶꓻ ꓙꓱꓼ ꓖꓳ ꓟˍ ꓟꓲ ꓕꓲ ꓟꓲ ꓠꓯ ꓡꓱꓸꓼ ꓔꓯ ꓪꓸ ꓖꓶˍ  ꓟ ꓠꓵ ꓠꓲꓹ ꓐꓰ ꓙꓵꓻ ꓠꓲꓹ ꓔꓯ ꓫꓬꓹ ꓔꓶꓻ ꓠꓯꓹ ꓟ ꓥ ꓡꓳ= ꓕꓱ ꓡꓰ ꓤ ꓟꓶ ꓤ ꓐꓴ ꓔꓯꓸ ꓟꓳꓸ ꓟꓬꓱꓽ ꓔꓯ ꓬꓰˍ ꓟ ꓗꓪ ꓐꓰ  ꓠꓻ ꓔꓬꓹ ꓟ ꓟꓲ ꓠꓯ ꓔꓯ ꓠꓻ ꓫꓬꓹ ꓖꓶꓽ ꓠꓹ ꓟ ꓥ ꓡꓳ= ꓚꓬꓴꓸ ꓙ ꓟ ꓟꓬꓱꓽ ꓗꓪˍ ꓟꓲ ꓪꓴ-ꓢ ꓐꓯ ꓘꓶꓽ ꓔꓯ ꓘꓳꓹ ꓣꓴ ꓢꓯꓸ ꓔꓬ ꓗꓷ ꓢꓴ ꓠꓬ ꓤ ꓟꓶ ꓤ (ꓟꓹ ꓟ ꓟ-ꓡꓲ) ꓡꓰꓽ ꓥ ꓡꓳ= ꓤ ꓟꓶ ꓤ ꓐꓴ ꓠꓬ ꓟꓹ ꓟ ꓘꓴ-ꓜꓲ-ꓞꓳ ꓐꓱ ꓶ ꓪꓽ ꓠꓬꓲ ꓢꓴ ꓐꓴ ꓥ ꓡꓳ= ꓬꓲꓸ ꓪ ꓐꓴ ꓠꓬ ꓠꓯꓸ ꓐꓯꓼ ꓢꓴ ꓔꓯ ꓠ ꓠꓹ ꓡꓳ= ꓔꓱꓹ ꓟ ꓙꓲˍ ꓟ ꓔꓯˍ ꓟꓲ ꓢꓯꓼ ꓖꓶꓽ ꓗꓴˍ ꓡꓳ=

ꓥꓳ ꓡꓳꓸ ꓓꓴ ꓔꓯ ꓡꓵꓹ ꓫꓴ ꓖꓶˍ ꓡꓳ

ꓔꓲꓺ ꓒ ꓪ ꓔꓲ ꓬꓲ ꓐꓯˍ ꓟ ꓗꓪ “ꓠꓴ ꓪ ꓐꓴ ꓠꓬ ꓢꓲꓺ ꓡꓲꓺ ꓟ ꓐꓰ ꓝꓮꓲ ꓕꓲ ꓧꓪꓹ ꓫꓬꓹ ꓔꓱꓹ ꓟ ꓓꓳꓽ ꓔꓯ ꓣꓴ ꓔꓯꓺ ꓖꓶꓽ ꓢꓴ ꓒꓬꓱꓼ ꓡ ꓝꓲ= ꓠꓴ ꓪ ꓐꓴ ꓠꓬ ꓙꓽ ꓣꓳˍ ꓟ ꓐꓰ ꓠꓲꓹ ꓪꓴꓽˍ ꓟ ꓐꓰ ꓾ ꓞꓳ ꓤ ꓗꓳ ꓡꓳ ꓗꓪ ꓔꓬꓹ ꓢꓲ ꓾ ꓝꓮꓲ ꓕꓲ ꓧꓪꓹ ꓫꓬꓹ ꓔꓱꓹ ꓟ ꓔꓯ ꓘꓳꓹ ꓣꓴ ꓢꓲ ꓠꓬꓲ ꓬꓲꓼ ꓤ ꓠꓬꓲ ꓤ ꓠꓲꓹ ꓟ ꓐꓰ ꓫꓬꓹ ꓔꓶˍ ꓟ ꓟꓲ ꓠꓯ ꓔꓯ ꓫꓬꓹ ꓔꓶˍ ꓟ ꓥꓳ ꓡꓳꓸ ꓓꓴ ꓔꓯ ꓡꓵꓹ ꓫꓴ ꓖꓶꓽ ꓐ ꓡ ꓝꓲ꓾ ꓐꓰ ꓪꓽ ꓘꓴ ꓖꓶꓽ ꓔ ꓡꓳ=

Photo courtesy of: (AFP or licensor)

https://bit.ly/30TsNwi