ꓤ ꓠꓱ ꓤ ꓧꓳ, ꓞꓰ ꓗꓷ_ ꓟ (ꓐꓬ., ꓞꓰ ꓗꓷ) ꓟ ꓔꓯ ꓠꓽ ꓡꓰ ꓠ, ꓟ ꓟ‐ꓖ‐ꓳ ꓔꓲꓺ ꓒ ꓓꓽ ꓡꓰ ꓐꓯ_ ꓟ ꓓꓳꓽ

ꓤ ꓠꓱ ꓤ ꓧꓳ, ꓞꓰ ꓗꓷ_ ꓟ (ꓐꓬ., ꓞꓰ ꓗꓷ) ꓟ ꓔꓯ ꓠꓽ ꓡꓰ ꓠ, ꓟ ꓟ‐ꓖ‐ꓳ ꓔꓲꓺ ꓒ ꓓꓽ ꓡꓰ ꓐꓯ_ ꓟ ꓓꓳꓽ

ꓗꓳ. ꓗꓷ ꓟ ꓙꓵ, ꓔꓯ Portugal ꓗꓴꓷꓽ ꓡꓰ ꓙꓵꓽ ꓗꓷ_ ꓟ ꓟ‐ꓖ‐ꓳ ꓡꓳ ꓒꓱ ꓗꓪ ꓔꓬ ꓟ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓤ ꓠꓱ ꓤ ꓧꓳ, ꓗꓷ ꓟ (ꓐꓬ., ꓞꓰ) ꓟ ꓚꓱ, ꓔꓯ ꓠꓽ ꓗꓷ ꓠ, ꓟ ꓠꓵꓻ ꓠꓲ, ꓡꓰ ꓕꓲ ꓦꓲ ꓡ ꓞꓳ ꓔꓯ ꓧꓳꓽ ꓣꓱ ꓠ, ꓟ ꓟ‐ꓗ‐ꓳ ꓔꓲꓺ ꓒ ꓓꓽ Stephen Lee Bun Sang ꓡꓰ ꓢꓯꓼ ꓖꓶ ꓗꓷꓳ꓿ ꓤ ꓠꓱ ꓤ ꓧꓳ, ꓞꓰ ꓗꓷ ꓟ (ꓐꓬ., ꓞꓰ ꓗꓷ) ꓟ ꓔꓯ ꓠꓽ ꓡꓰ ꓠ, ꓟ ꓟꓬꓱꓽ ꓬꓰ ꓙ ꓢꓴ Johnson ꓠꓬ ꓧꓳꓽ ꓪꓴ. ꓢꓴ ꓕꓲ ꓣꓳ ꓥ ꓡꓳ꓿ Johnson ꓠꓬ ꓠꓯ., ꓞꓲꓼ ꓟ. ꓒ ꓕꓲ ꓪ ꓥ ꓟ ꓑꓶ. ꓓꓴ ꓮ ꓡꓲ ꓡ ꓞꓳ ꓒꓬꓱꓼ ꓡ ꓟ ꓚꓱ, ꓔꓯ ꓕꓳ ꓶ ꓮ ꓟꓬ, ꓐꓳ ꓖꓶ ꓢꓴ ꓥ ꓡꓳ꓿ ꓔꓲꓺ ꓒ ꓓꓽ ꓡꓰ ꓐꓯ ꓖꓶ ꓟ ꓠꓬ ꓤ ꓠꓱ ꓤ ꓐꓴ ꓠꓬ ꓪꓴ‐ꓢ ꓡꓰ ꓖꓶ ꓦ ꓟ ꓡꓯꓼ ꓫꓴ.. ꓥ ꓡꓳ꓿ ꓪꓴ‐ꓢ ꓡꓱ ꓖꓶ ꓡ ꓟ ꓡꓯꓼ ꓫꓴ.. ꓔꓯ ꓟ, ꓟ ꓦꓲꓻ ꓟ ꓘꓴꓽ ꓗꓪ ꓢꓰꓼ ꓟ ꓠꓬ ꓪꓴꓽ ꓓꓲ (ꓪꓴꓽ ꓡꓳˍ ꓬꓰ )ꓟ ꓝꓴꓲ ꓥ ꓡꓳ ꓐꓰ ꓐꓯ ꓖꓶ ꓔ ꓡꓳ꓿2012 ꓘꓳꓼ ꓕꓯ ꓟꓲ ꓠꓯ ꓗꓪ ꓤ ꓟꓶ ꓤ (1000) ꓣꓳ ꓗꓪ ꓐꓰ (43) ꓣꓳ ꓠꓬ ꓤ ꓠꓱ ꓤ ꓧꓳ, ꓞꓰ ꓟ ꓗꓷ ꓟ (ꓐꓬ., ꓞꓰ ꓗꓷ ) ꓟ ꓔꓯ ꓬꓰ ꓗꓷ ꓐꓰ ꓓꓳꓽ ꓗꓪ ꓐꓳ ꓔ ꓡꓳ ꓐꓰ ꓣꓦꓮ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿