ꓧꓴ-ꓓꓴ-ꓣ ꓗꓴꓷꓼ ꓤ ꓟꓶ ꓤ ꓐꓱ ꓓꓴꓽ ꓗꓪ ꓫꓵꓽ ꓪꓴ ꓗꓷ ꓡꓰ ꓢꓲ 40 ꓣꓳ ꓟꓽ ꓞꓲ ꓫꓵꓻ ꓡꓰ ꓟ

Thursday, June 22, 2023

ꓧꓴ-ꓓꓴ-ꓣ ꓗꓴꓷꓼ ꓤ ꓟꓶ ꓤ ꓐꓱ ꓓꓴꓽ ꓗꓪ ꓫꓵꓽ ꓪꓴ ꓗꓷ ꓡꓰ ꓢꓲ 40 ꓣꓳ ꓟꓽ ꓞꓲ ꓫꓵꓻ ꓡꓰ ꓟ

ꓧꓴ-ꓓꓴ-ꓣ ꓗꓴꓷꓼ ꓗꓪ ꓔꓬ ꓟ ꓤ ꓟꓶ ꓤ ꓐꓱ ꓓꓴꓽ ꓕꓲ ꓟ ꓗꓪ 6 ꓦ 20 ꓠꓬꓲ ꓕꓯ ꓢꓰꓼ ꓡꓯꓼ ꓘꓳ ꓓꓴ ꓫꓵ ꓪꓴ ꓗꓷ ꓡꓰ ꓢꓲ ꓤ ꓟꓶ ꓤ 40 ꓣꓳ ꓟꓽ ꓞꓲ ꓫꓵꓻ ꓡꓰꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓜꓲ ꓜꓲ ꓟꓴ ꓟꓴ ꓬꓰ_ ꓟ ꓫꓵ ꓪꓴ ꓗꓷ ꓡꓰ ꓢꓲ꓾ ꓐꓱ ꓓꓴꓽ ꓘꓴꓽ ꓗꓪ ꓐꓰ ꓮ ꓔꓳꓸ ꓐꓬ ꓡꓰ ꓓꓴ ꓗꓷ ꓡꓰ ꓟ ꓥꓳ= ꓫꓵꓻ ꓢꓴ ꓮ ꓟꓬꓹ ꓠꓬ ꓮ ꓔꓳꓸ ꓗꓪ ꓐꓰ ꓫꓵꓻ ꓡꓰ ꓟ ꓥ ꓡꓳ= ꓮ ꓟꓶ ꓡꓰ ꓐꓰ ꓐꓱ ꓓꓴꓽ ꓗꓪ ꓫꓵ ꓪꓴ ꓗꓷ ꓡꓰ ꓝꓲ_ ꓟ ꓜꓴꓻ ꓔꓯ ꓧꓴ-ꓓꓴ-ꓣ ꓗꓴꓷꓼ ꓙꓵꓽ ꓢꓲ ꓒꓽ ꓡꓰ ꓝꓴꓲ ꓐꓯ ꓔ ꓡꓳ= ꓕꓱ ꓫꓵ ꓪꓴ ꓗꓪ ꓐꓰ ꓠꓻ ꓓꓴ ꓡꓰ ꓢꓴ 7 ꓣꓳ ꓔꓯ ꓠꓬ ꓠꓯꓺ ꓞꓲꓼ ꓦꓲꓻ ꓗꓪ ꓧꓳꓽ ꓔꓯꓹ ꓢꓲ ꓠꓻ ꓫꓬꓹ ꓖꓶ ꓔꓬ ꓟ ꓥꓳ=

ꓟꓯꓼ ꓐꓴ ꓡꓰ ꓫ ꓟꓶ ꓔ ꓟ ꓗꓪ ꓡ ꓛꓴꓸ꓾ ꓮꓸ ꓕ ꓐꓰ ꓠꓱꓸ ꓐꓯꓼ ꓔꓯ ꓥ ꓟꓲ ꓧꓪ ꓟꓶ ꓫ ꓟꓶ ꓔ ꓟ ꓥꓳ= ꓕꓱ ꓡꓱ ꓫꓵ ꓪꓴ ꓗꓷ ꓡꓰ ꓝꓲ_ ꓟ ꓔꓯ ꓧꓴ-ꓓꓴ-ꓣ ꓗꓴꓷꓼ ꓙꓵ ꓢꓲ ꓒꓽ ꓡꓰ ꓝꓴꓲ ꓖꓶ ꓓꓴ ꓥꓳ ꓐꓰ ꓐꓯ ꓔ ꓡꓳ=