ꓧꓶꓽ ꓗꓴꓷꓼ ꓗꓪ ꓟꓵꓽ ꓙꓴꓽ ꓛꓱꓹ ꓡꓰ ꓟ ꓗꓪ 74 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓓꓳꓽ

Thursday, September 08, 2022

ꓧꓶꓽ ꓗꓴꓷꓼ ꓗꓪ ꓟꓵꓽ ꓙꓴꓽ ꓛꓱꓹ ꓡꓰ ꓟ ꓗꓪ 74 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓓꓳꓽ

ꓧꓶꓽ ꓟꓵꓽ ꓗꓪ ꓟꓵꓽ ꓙꓴꓽ ꓛꓱꓹ ꓡꓰ ꓟ ꓗꓪ 74 ꓣꓳ ꓟꓽ ꓞꓲ ꓫꓵꓻ ꓡꓰ ꓢꓲ 259 ꓣꓳ ꓠꓻ ꓓꓴ ꓡꓰ ꓟ 26 ꓣꓳ ꓟꓽ ꓞꓲ ꓟꓶꓽ ꓡꓰ ꓢꓰ ꓟ ꓥꓳ=

9 ꓦ 5 ꓠꓬꓲ ꓕꓯ ꓧꓶꓽ ꓟꓵꓽ Sichuan ꓗꓪ ꓗꓷ ꓡꓰ ꓟ ꓟꓵꓽ ꓙꓴꓽ ꓡꓶꓽ ꓡꓰ ꓟ ꓑꓶ ꓓꓴ 30 ꓣꓳ ꓛꓲ ꓫꓵꓻ ꓡꓰ ꓟ ꓗꓪ ꓐꓰ ꓮ ꓟꓶ 74 ꓣꓳ ꓟꓽ ꓞꓲ ꓫꓵꓻ ꓡꓰ ꓢꓴ ꓙꓳ ꓡꓰꓳ ꓐꓰ 9 ꓦ 7 ꓠꓬꓲ ꓕꓯ ꓗꓴꓷꓼ ꓟꓰꓓꓲꓮ ꓗꓪ ꓐꓰ ꓐꓯ ꓑꓶ ꓔ ꓡꓳ=

ꓕꓱ ꓟ ꓠꓬ 2017 ꓘꓳꓼ ꓗꓸ ꓠꓯꓸ Sichuan ꓗꓪ ꓬꓲꓸ ꓢꓯꓼ ꓮ ꓘꓶꓸ ꓙꓳ_ ꓟ ꓗꓷ ꓡꓰ ꓢꓲ꓾ ꓗꓴꓷꓼ ꓫꓴꓺ ꓘꓴꓽ ꓗꓪ ꓦꓲꓻ ꓥ ꓟꓲ ꓮ ꓟꓬꓹ ꓐꓬ ꓡꓰ ꓟ ꓡꓰ ꓟꓽ ꓞꓲ ꓮ ꓔꓳꓸ ꓐꓰ ꓙꓻ ꓡꓯꓼ ꓘꓳ ꓓꓴ ꓚꓱꓹ ꓔꓯ ꓥ ꓟꓲ ꓐꓬ ꓡꓰ ꓓꓴ ꓗꓷ ꓡꓰ ꓟ ꓥꓳ=

9 ꓦ 6 ꓠꓬꓲ ꓠꓽ ꓠꓬꓲ ꓠꓬꓲ ꓕꓯ ꓬꓰ ꓙ ꓢꓴ ꓐꓴ ꓡꓰ ꓑ ꓫꓬ 11000 ꓣꓳ ꓔꓯ ꓥ ꓟꓲ ꓙꓬ ꓫꓸ ꓓꓴ ꓟꓽ ꓙꓳ ꓟ ꓬꓲꓸ ꓔꓶꓸ ꓗꓪ ꓛꓵꓸ ꓖꓶ_ ꓡꓳ ꓐꓰ ꓢꓷꓸ ꓪ ꓡꓳ=