ꓧꓶꓽ ꓗꓴꓷꓼ ꓢꓲ‐ꓛꓴ. ꓡꓳ ꓒꓱ ꓗꓪ ꓟꓵꓽ ꓙꓴꓽ ꓛꓲ, ꓗꓷ ꓟ ꓑꓶ ꓓꓴ ꓑ ꓫꓬ (65) ꓣꓳ ꓫꓵꓻ ꓡꓰ ꓟ

ꓧꓶꓽ ꓗꓴꓷꓼ ꓢꓲ‐ꓛꓴ. ꓡꓳ ꓒꓱ ꓗꓪ ꓟꓵꓽ ꓙꓴꓽ ꓛꓲ, ꓗꓷ ꓟ ꓑꓶ ꓓꓴ ꓑ ꓫꓬ (65) ꓣꓳ ꓫꓵꓻ ꓡꓰ ꓟ

9 ꓦ 5 ꓠꓬꓲ 2022 ꓘꓳꓼ ꓕꓯ ꓧꓶꓽ ꓗꓴꓷꓼ ꓢꓲ‐ꓛꓴ. ꓡꓳ ꓒꓱ ꓗꓪ ꓟꓵꓽ ꓙꓴꓽ ꓛꓲ ꓗꓷ ꓟ ꓑꓶ. ꓓꓴ ꓑ ꓫꓬ (65) ꓣꓳ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ꓿ ꓟꓵꓽ ꓙꓴꓽ ꓬꓲ ꓢꓯꓼ ꓠꓬ ꓮ ꓟꓬ, ꓙꓳ ꓟ ꓑꓶ. ꓓꓴ ꓑ ꓫꓬ (65) ꓫꓵꓻ ꓡꓰ ꓢꓲ ꓠꓬꓲ ꓮ ꓟꓬ, ꓠꓻ ꓓꓴ ꓡꓰꓳ ꓐꓰ ꓐꓯ ꓔ ꓡꓳ꓿ ꓧꓶꓽ ꓗꓴꓷꓼ ꓢꓲ‐ꓛꓴ. ꓡꓳ ꓒꓱ ꓗꓪ ꓠꓬ ꓑ ꓫꓬ 21 ꓫꓬ. ꓔꓬ ꓟ ꓡꓳ ꓒꓱ ꓓꓽ ꓟꓲ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓢꓲ‐ꓛꓴ. ꓡꓳ ꓒꓱ ꓗꓪ ꓠꓬ Covid-19  ꓠꓻ ꓫꓵꓽ ꓗꓽ ꓕ ꓔ ꓟ ꓔꓶ. (lock down) ꓬꓰ ꓔ ꓟ ꓡꓳ ꓒꓱ ꓟꓲ ꓥ ꓡꓳ ꓐꓰ ꓢꓷ. ꓪ ꓡꓳ꓿ꓢꓲ‐ꓛꓴ. ꓡꓳ ꓒꓱ ꓓꓽ ꓗꓪ ꓟꓵꓽ ꓙꓴꓽ ꓛꓲ ꓗꓷ ꓟ ꓪꓴ. ꓠꓬꓲ ꓑ ꓫꓬ ꓮ ꓟꓬ, ꓮ ꓔꓳ. ꓟꓽ ꓪ ꓗꓷ ꓡꓰꓳ꓿ ꓕꓱ ꓟꓵꓽ ꓙꓴ ꓛꓲ ꓗꓷ ꓟ ꓪꓴ. ꓠꓬꓲ ꓧꓶꓽ ꓗꓴꓷꓼ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓔꓬ ꓟ ꓑ ꓫꓬ ꓐꓴ ꓦꓲꓻ ꓮ ꓟꓬ, ꓥ ꓟꓲ ꓐꓬ ꓮꓡꓰ ꓐꓰ ꓐꓯ ꓔ ꓡꓳ꓿

ꓧꓶꓽ ꓗꓴꓷꓼ ꓢꓲ‐ꓛꓴ. ꓡꓳ ꓒꓱ ꓗꓪ ꓠꓬ ꓗꓳ. ꓗꓷ ꓟ 2008 ꓘꓳꓼ ꓕꓯ ꓥ ꓟꓲ ꓟꓵꓽ ꓙꓴ ꓛꓲ ꓗꓷ ꓟ ꓪꓴ. ꓠꓬꓲ ꓑ ꓫꓬ (7000) ꓣꓳ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿ ꓧꓶꓽ ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ꓿