ꓪꓴꓽ ꓜꓽ ꓗꓷ ꓟ ꓑ ꓫꓬ (1000) ꓣꓳ ꓔꓯ ꓒꓲ‐ꓡꓲ‐ꓒꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓚꓬꓴ ꓙ ꓗꓷ ꓟ

ꓪꓴꓽ ꓜꓽ ꓗꓷ ꓟ  ꓑ ꓫꓬ (1000) ꓣꓳ ꓔꓯ ꓒꓲ‐ꓡꓲ‐ꓒꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ  ꓚꓬꓴ ꓙ ꓗꓷ ꓟ

5 ꓦ ꓟ 6 ꓠꓬꓲ 2023 ꓘꓳꓼ ꓕꓯ ꓒꓲ‐ꓡꓲ‐ꓒꓲ ꓗꓴꓷꓼ ꓗꓪ ꓮ‐ꓫ ꓗꓴꓷꓼ ꓮ ꓟꓬ, ꓗꓪ ꓐꓰ ꓪꓴꓽ ꓜꓽ ꓗꓷ ꓢꓲ ꓠꓬꓲ ꓟꓽ ꓙꓲꓻ ꓟ ꓟꓬꓱꓽ ꓬꓰ ꓝꓲˍ ꓟ ꓑ ꓫꓬ (1000) ꓣꓳ ꓔꓯ ꓚꓬꓴ. ꓙ ꓗꓷꓳ ꓐꓰ ꓐꓯ ꓔ ꓡꓳ꓿  ꓕꓱ ꓪꓴꓽ ꓜꓽ ꓗꓷ ꓢꓴ ꓐꓴ ꓔꓯ Cryptocurrency ꓒꓴ ꓗꓶ. ꓝꓲˍ ꓟ ꓟꓬꓱꓽ ꓔꓯ ꓬꓰ ꓝꓲˍ ꓟ ꓥ ꓡꓳ꓿ ꓝꓮꓲ ꓕꓱ ꓪꓴꓽ ꓜꓽ ꓗꓷ ꓢꓴ ꓐꓴ ꓔꓯ ꓕꓲꓽ ꓠꓬꓲ ꓘꓴꓽ ꓗꓪ (18) ꓙꓵ, ꓟꓽ ꓠꓽ ꓠꓽ ꓟꓬꓱꓽ ꓬꓰ ꓝꓲˍ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓒꓲ‐ꓡꓲ‐ꓒꓲ ꓗꓴꓷꓼ ꓟ‐ꓠꓲ‐ꓡ ꓡꓳ ꓒꓱ ꓗꓪ ꓐꓰ ꓠꓬꓲꓽ ꓙꓵ, ꓶꓻˍ ꓟ ꓟꓵꓽ ꓗꓪ ꓐꓱ ꓘꓴꓽ ꓕꓲ ꓟ ꓗꓪ ꓡ ꓞꓳ ꓮ ꓟꓬ, ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓟꓬꓱꓽ ꓬꓰ ꓝꓲˍ ꓟ ꓚꓱ, ꓔꓯ ꓒꓲ‐ꓡꓲ‐ꓒꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓢꓷ. ꓡꓰ ꓟ ꓪꓴ. ꓠꓬꓲ ꓟꓽ ꓙꓲꓻ ꓟ ꓟꓬꓱꓽ ꓬꓰ ꓔꓬ ꓢꓴ ꓮ ꓙꓵꓽ ꓔꓯ ꓚꓬꓴ. ꓙ ꓟꓶ ꓡꓰꓳ꓿

ꓬꓲ ꓪ ꓮ ꓙꓵꓽ ꓔꓯ Online ꓗꓪ ꓐꓰ ꓡ ꓞꓳ ꓔꓯ ꓒꓴ ꓗꓶ. ꓝꓲˍ ꓡꓳ꓿ ꓝꓮꓲ ꓠꓵꓻ ꓠꓲ,  ꓫ. ꓪ ꓫ. ꓕꓱ ꓢꓲ ꓠꓬꓲ ꓒꓴ ꓗꓶ. ꓝꓲˍ ꓟ ꓟꓬꓱꓽ ꓔꓯ ꓬꓰ ꓝꓲˍ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓪꓴꓽ ꓜꓽ ꓗꓷ ꓢꓴ ꓐꓴ ꓠꓬ ꓕꓮꓲ,꓾ ꓧꓶꓽ꓾ ꓲ‐ꓓꓴ‐ꓠꓲ‐ꓫ꓾ ꓠꓲ‐ꓑꓳ꓾ ꓟ‐ꓡꓯ,‐ꓫ꓾ ꓮ‐ꓫ ꓗꓴꓷꓼ ꓗꓪ ꓐꓰ ꓑ ꓫꓬ ꓮ ꓟꓬ, ꓥ ꓡꓳ ꓐꓰ ꓐꓯ ꓔ ꓡꓳ꓿

ꓟꓬꓱꓽ ꓬꓰ ꓢꓴ ꓐꓴ ꓔꓯ ꓬꓲ. ꓐꓽ ꓢꓲ ꓗꓪ ꓓꓳꓻ ꓡꓰ ꓟꓽ ꓓ ꓠ, ꓟ ꓑꓳ ꓔꓯ, ꓢꓴ ꓐꓴ ꓡꓰ ꓡꓳ. ꓔꓬ ꓟ ꓥ ꓡꓳ꓿ ꓕꓱ ꓡꓱ ꓐꓰ ꓟꓽ ꓙꓲꓻ ꓟ ꓟꓬꓱꓽ ꓮ ꓟꓬ, ꓬꓰ ꓝꓲˍ ꓟ ꓪꓴ. ꓠꓬꓲ ꓲ‐ꓓꓴ‐ꓠꓲ‐ꓫ ꓑ ꓫꓬ ꓐꓴ ꓡꓰ ꓬꓰ ꓙ ꓚꓬꓴ. ꓙ ꓠ, ꓟ ꓓꓰꓽˍ ꓟ ꓪꓴ. ꓠꓬꓲ ꓒꓲ‐ꓡꓲ‐ꓒꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓚꓬꓴ. ꓙ ꓗꓷꓳ ꓐꓰ ꓐꓯ ꓔ ꓡꓳ꓿ ꓟꓬꓱꓽ ꓧꓪ ꓢꓴ ꓐꓴ ꓡꓰ ꓒꓴ ꓫꓵ ꓮ ꓟꓬ, ꓪ ꓡꓳ꓿ ꓝꓮꓲ ꓢ ꓢˍ ꓡꓰ ꓟꓬꓱꓽ ꓬꓰ ꓢꓲ ꓠꓬꓲ ꓟꓬꓱꓽ ꓪ ꓓ, ꓡꓳ ꓗꓶ. ꓔ ꓟ ꓗꓪ ꓟꓽ ꓙꓰ ꓠ, ꓟ ꓐꓯ ꓔ ꓡꓳ ꓐꓰ (MyanmaPlatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿