ꓬ‐ꓖꓳꓥ ꓡꓳ ꓒꓱ Covid-19 ꓠꓻ ꓫꓵꓽ ꓑꓶ. ꓓꓴ ꓑ ꓫꓬ ꓕꓲ ꓣꓳ ꓫꓵꓻ ꓟ

Monday, May 08, 2023

ꓬ‐ꓖꓳꓥ ꓡꓳ ꓒꓱ Covid-19 ꓠꓻ ꓫꓵꓽ ꓑꓶ. ꓓꓴ ꓑ ꓫꓬ ꓕꓲ ꓣꓳ ꓫꓵꓻ ꓟ

5 ꓦ ꓟ 7 ꓠꓬꓲ 2023 ꓠꓯꓼ ꓙꓵ, ꓕꓯ ꓬ‐ꓖꓳꓥ ꓡꓳ ꓒꓱ ꓗꓪ Covid-19 ꓠꓻ ꓫꓵꓽ ꓑꓶ. ꓓꓴ ꓑ ꓫꓬ ꓕꓲ ꓣꓳ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓫꓵꓻ ꓡꓰ ꓟ ꓑ ꓫꓬ ꓔꓬ ꓔꓶ. ꓠꓬ ꓬ‐ꓖꓳꓥ ꓡꓳ ꓒꓱ ꓘ‐ꓬꓮꓠ,  ꓗꓪ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓬ‐ꓖꓳꓥ ꓡꓳ ꓒꓱ ꓘ‐ꓬꓮꓠ, ꓠꓯꓻ ꓞꓲꓼ ꓦꓲꓻ ꓗꓪ 5 ꓦ ꓟ 7 ꓠꓬꓲ ꓠꓯꓼ 9 ꓙꓵ, ꓕꓯ ꓫꓵꓻ ꓡꓰ ꓟ ꓥ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ ꓗꓳ. ꓗꓷ ꓟ 4 ꓦ ꓘꓴꓽ ꓗꓪ ꓐꓰ ꓠꓻ ꓫꓵꓽ ꓙꓳ ꓡꓰ ꓢꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ 5 ꓦ ꓟ 7 ꓠꓬꓲ ꓕꓯ ꓠꓻ ꓫꓵꓽ ꓑꓶ. ꓓꓴ ꓫꓵꓻ ꓢꓴ ꓙꓳ ꓡꓰꓳ꓾ ꓐꓰ ꓐꓯ ꓔ ꓡꓳ꓿ 5 ꓦ ꓟ 5 ꓠꓬꓲ ꓘꓴꓽ ꓗꓪ ꓠꓻ ꓫꓵꓽ ꓙꓳ ꓡꓰ ꓢꓴ (200) ꓣꓳ ꓔꓯ ꓠꓻ ꓫꓵꓽ ꓡꓳ. ꓟꓳ ꓡꓰꓳ꓿ ꓝꓮꓲ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓠꓻ ꓫꓵꓽ ꓙꓳ ꓡꓰ ꓢꓴ 6 ꓫꓬ, 6 ꓟꓶꓽ ꓣꓳ ꓠꓻ ꓫꓵꓽ ꓙꓳ ꓗꓷꓳ ꓐꓰ ꓐꓯ ꓔ ꓡꓳ꓾ ꓐꓰ (MyanmaPlatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

Add new comment

6 + 12 =

Quick Links